Kowelɛt 6:9 - WẼNNAAM SEBRE 2014

⁹ Ned sẽn na n maand sũ-noog ne a sẽn tar bũmb ningã n são a sẽn tagsd n dat n paam bũmb ningã. Yõwã me yaa zaalem la a wẽnda wa ned sẽn digd sebgo.

SEBR SÕNGO

⁹ F sẽn na n noog f sũuri ne f sẽn tare n são f sẽn na n bas tɩ f sũur pʋgd bũmb yõod sẽn ka yɩɩd bir sobg ye.

Kowelɛt 6:9 Iomraidhean Croise

A. Zoobe 31:7

Mam sã n bʋdg n basa sɩdã sore, mam sũurã ratem sã n tũu mam ninã gesgo, la mam nusã sã n maana sẽn yaa dẽgdo,

Kowelɛt 1:14

Mam yãnda tʋʋm nins fãa sẽn maand saasã tẽngrã. Fãa yaa zaalem. Fãa yaa wa ned sẽn digd sobg bala.

Kowelɛt 1:17

Mam dag n tagsdame n dat n bãng yam ne zu-kaalgo, la yalemd võore. La mam mikame tɩ yõwã me yaa wa ned sẽn digd sobg bala.

Kowelɛt 1:2

Koɛɛg soabã yeelame yaa: «Zaalem woo zaalem, bũmb fãa yaa zaalem.

Kowelɛt 11:9

Bi-bɩɩga, maan sũ-noog f bi-bɩɩlmã wakate, la f noog f sũur f bɩʋʋngã wakate, n tũ soay nins f sũurã sẽn date, la f ninã sẽn getã. La bɩ f bãng tɩ Wẽnnaam na n bʋʋ ne foom bõn-kãens fãa yĩnga.

Kowelɛt 2:11

La mam tagsa tʋʋm nins fãa mam nus sẽn dag n maanã, la namsg nins fãa mam sẽn dag n namsã yelle. La ade, fãa yaa zaalem. A wẽnda wa ned sẽn digd sebgo. Bũmb sẽn tar yõod ka be dũniyã zug ye. Yam la yalemd ka võor ye.

Kowelɛt 4:4

Mam yãndame tɩ tʋʋm nins fãa nebã sẽn maandã, la tõogr ning nebã sẽn tõogd b tʋʋmã pʋgã, yaa sũ-kiir la ned kam fãa maand ne a to. Woto me yaa zaalem, la a wẽnda wa ned sẽn digd sebgo.

Kowelɛt 5:18

Baoosgo, Wẽnnaam sã n kõ ned arzegs la paoongo, la b leb n kõ-a pãn-tõog t'a tar n dɩtẽ, n tar a meng rẽnda, la a maand sũ-noog ne a tʋʋmdã, bõn-kãng yaa Wẽnnaam kũuni.

Kowelɛt 6:2

Wẽnnaam kõta nina arzegse, paoongo, la ziiri, hal tɩ bũmb baa a yembr ka paoog yẽnda a sẽn datã pʋg ye. La Wẽnnaam yaool n ka kõ yẽnda pãn-tõog t'a rɩ b yõod ye. Yaa sãan n dɩt a yõodã. Woto me yaa zaalem, n yaa toog sẽn namsd ninsaala.

Zeremi 2:20

Yãmb zẽkda y zug ne maam hal daar zãra, n yetẽ tɩ y ka leb n dat yembdã ye. Kũnkub-bɛdã zut ne tɩɩsã tẽngre, yãmb pɛɛlma wa pʋg-yoodre.