Kowelɛt 5:13 - WẼNNAAM SEBRE 2014

¹³ Yẽnda arzegsã tũnugda tʋʋm-beed n menem zãnga. Yẽnda sẽn dog bi-ribl ningã ka tar bũmb baa fɩ a nugẽ ye.

SEBR SÕNGO

¹³ Yel-beedo n wat n sɛɛs arzɛka gilli. A sã n dog biiga a ka basd a nug ne bũmb ye.

Kowelɛt 5:13 Iomraidhean Croise

Sɩngrẽ 14:16

A Abram tɩ reega teedã fãa, la a peeg a biig a Lot me ne a paoongã fãa, la ne pagbã la nebã b sẽn dag n yõgã.

Sɩngrẽ 19:14

La a Lot yiime n na n gom ne a reem-dãmbã sẽn yaa yẽnda kom-pugli wã sɩdbã n yeel-b yaa: «Yik-y n yi-y n bas-y zĩ-kãngã, bala, Sẽn-Ka-Saab na n sãama tẽngã.» La yẽnda reem-dãmbã geelga a Lot goamã wa kʋʋsem goamã.

Sɩngrẽ 19:26

La a Lot pagã wẽnegame n ges a poorẽ, la a lebga yams-kugri.

A. Zoobe 20:20

Yẽnda zoee bõn n ka bas ye. Yẽnda rat wʋsgã yĩnga, a laog ba a ye kõn põs ye.

Yelbũna 1:19

Fãad yel-manesem yaa a woto. Yẽnda bẽta a menga, la a vɩɩmã na n sãamame.

Yelbũna 1:32

Bala, zɩt kõn deeg yellã n na n kʋ-a, la yalembã sẽn ka tagsdã n menesd-ba.

Yelbũna 11:4

Arzɛk ka tõe n sõng ned sũ-puugrã daar ye, la tɩrlem fãagda ned ne kũum.

Yelbũna 23:4

Da nams f meng n pʋg arzegs ye, la ra sak tɩ bõn-kãng lebg f zu-loɛɛg ye.

Yelbũna 27:24

Bala, arzɛk ka paad ne a soab wakat fãa ye, la maanf me ka bũmb sẽn paad zamaan woo zamaan n ka teemdẽ ye.

Kowelɛt 4:8

Yaa ned sẽn yaa a yembr n ka tar doagd ye. Yẽnda ka tar bi-ribl wall ba-biig ye. La baoosgo, yẽnda tʋʋmdã ka tar tɛk ye. Yẽnda ninã ka tɩgd arzegs ye. Yaa ãnda yĩng la mam sẽn tʋmd n mongd m meng sũ-noog woto wã? Woto me yaa zaalem la a yaa tʋʋmd sẽn yaa wẽnga.

Kowelɛt 5:14

Yẽnda sẽn dag n yi a ma pʋgẽ to-to wã, yẽnda na n leb n looga zaalem wa yẽnda sẽn dag n wa wã. Yẽnda ka na n tol n zã a tʋʋmã yõod baa a yembr n loog ye.

Kowelɛt 8:9

Mam yãnda bõn-kãens fãa wakat ning mam sẽn tags n ges tʋʋm nins fãa sẽn maand dũni zug ka wã yellã. Wakat n be tɩ ninsaal tõe a to n maand-a wẽnga.

A Ezayi 2:20

Badaare, ninsaalbã na n dɩka b wanzuri ne b sãnem wẽn-naandsã bãmb sẽn wõgemded n waoogdẽ wã n lob laoos ne zankiti.

Sofoni 1:18

Bãmb wanzuri wã ne b sãnemã, ka na n tõog n fãag-b Sẽn-Ka-Saab sũ-puugrã daar ye. Sẽn-Ka-Saab sũ-yikrã bugum na n dɩɩ dũniyã fãa, bala, na n yɩɩ to-kãseng daare, la Sẽn-Ka-Saab na n sãama dũniyã nebã zãnga.

A Luk Sõng 16:19

Rao a ye n dag n be n yaa arzɛk soaba, n yeelgd fu-sõama sẽn yaa neeba. La daar fãa, a tara bũmb fãa tɩ seke, t'a vɩɩmã ya noog wʋsgo.

A Luk Sõng 19:8

La a Zaase yalsa Zu-soabã taoor n yeel-b yaa: Ade, Zu-soaba, mam na n yãka m paoongã pʋɩ-sʋk n kõ naong rãmba. La mam sã n dag n zãmba ned n deeg a bũmbu, m na n lebsa yẽnda naoor a naase.