Kowelɛt 5:10 - WẼNNAAM SEBRE 2014

¹⁰ Paoong sã n paasdẽ, a rɩtbã me sõor paasdame. Paoong yõod yaa bõe ne a soaadbã, sã n ka bãmb ninã sẽn getã bala?

SEBR SÕNGO

¹⁰ Rɩɩba sẽn nar zĩig ninga, ad rɩtb tigimdta taab be zembala. La bõe la dɩɩba soab paamd a arzɛka pʋgẽ sã n ka nina gesg yamleoogo bala?

Kowelɛt 5:10 Iomraidhean Croise

Yɩɩn‑sõamyã 52:1

A Davɩɩd yɩɩlle. Yaa yɩɩlã naab yĩnga.

Yɩɩn‑sõamyã 52:7

Woto me, Wẽnnaam me na n sãam-f-la wakat fãa yĩnga. B na n lub-f lame, n vuug-f n yiis f fu-roogẽ wã. B na n yiisa foom nin-vɩɩsã sʋka.

Yɩɩn‑sõamyã 62:10

Ninsaal buud fãa wẽnda pemsem bala! B sã n mak ninsaalbã ne zɩslem makdga, b mikdame tɩ b yaa wa sobg bala! Bãmb fãa zɩslmã ka ta pemsem ye.

Kowelɛt 1:17

Mam dag n tagsdame n dat n bãng yam ne zu-kaalgo, la yalemd võore. La mam mikame tɩ yõwã me yaa wa ned sẽn digd sobg bala.

Kowelɛt 1:8

Bũmb fãa tʋʋmd yaa toogo. Ned goam ka sekd-a ye. Bũmb nins nin sẽn yãtã ka sekd-a ye, la tʋbr sẽn wʋmd bũmb ninsã ka sekd-a ye.

Kowelɛt 2:10

Bũmb ning fãa mam ninã sẽn yãnd n datã, mam ka mong-b ye. Sũ-noog ning fãa mam sũurã sẽn dag n datã, mam ka mong-a ye. Bala, mam sũur yɩɩ noog ne m tʋʋmdã fãa. La mam tʋʋmdã fãa yõod yaa a woto.

Kowelɛt 2:11

La mam tagsa tʋʋm nins fãa mam nus sẽn dag n maanã, la namsg nins fãa mam sẽn dag n namsã yelle. La ade, fãa yaa zaalem. A wẽnda wa ned sẽn digd sebgo. Bũmb sẽn tar yõod ka be dũniyã zug ye. Yam la yalemd ka võor ye.

Kowelɛt 2:26

Ned manesem sã n tat Wẽnnaam yam, bãmb kõta a soab yam la bãngre, la sũ-noogo. La bãmb kõta yel-wẽn soab namsgo, t'a tʋm n wʋk n bĩng ned ning sẽn tat Wẽnnaam yamã. Woto me yaa zaalem, la a wẽnda wa ned sẽn digd sebgo.

Kowelɛt 3:19

Bala, bũmb ning sẽn paamd ninsaalbã ne bũmb nins sẽn paamd rũmsã yaa bũmb a yembre. A yembr kiida wa a to. Bãmb b yiibã fãa yõy vʋʋsem yaa bũmb a yembre. Ninsaal ka yɩɩd rũng ye. La bũmbã fãa yaa zaalem

Kowelɛt 4:16

Neb nins fãa sẽn pʋgd-b yẽnda, tɩ yẽnda be b taoorã sõor yaa wʋsgo. Baoosgo, neb nins sẽn na n yaool n wa wã ka na n paam sũ-noog yẽnda yĩng ye. Woto me yaa zaalem la a wẽnda ned sẽn digd sebgo.

Kowelɛt 4:4

Mam yãndame tɩ tʋʋm nins fãa nebã sẽn maandã, la tõogr ning nebã sẽn tõogd b tʋʋmã pʋgã, yaa sũ-kiir la ned kam fãa maand ne a to. Woto me yaa zaalem, la a wẽnda wa ned sẽn digd sebgo.

Kowelɛt 4:8

Yaa ned sẽn yaa a yembr n ka tar doagd ye. Yẽnda ka tar bi-ribl wall ba-biig ye. La baoosgo, yẽnda tʋʋmdã ka tar tɛk ye. Yẽnda ninã ka tɩgd arzegs ye. Yaa ãnda yĩng la mam sẽn tʋmd n mongd m meng sũ-noog woto wã? Woto me yaa zaalem la a yaa tʋʋmd sẽn yaa wẽnga.

Kowelɛt 5:9

Ned sã n nong ligdi, ligd ka sekd-a ye. Ned sã n nong naar wʋsgo, a ka na n paam paoong ye. Woto me yaa zaalem.

Kowelɛt 6:7

Ninsaal tʋʋmdã fãa yaa a noorã yĩnga. La baoosgo, bũmb ka sekd yẽnda ye.

A Matiye Sõng 6:19

Da bĩng‑y paoong yãmb yĩng dũniyã zug ka tɩ mogd bɩ tẽngempiisim sãamd-b lame, la wagda kẽed n wʋkdame.

A Matiye Sõng 6:24

Ned ba a yembr ka tõe n sak zu-soben-dãmb a yiib ye. Bala, a na n kisga a yembr la a nong a to wã, wala a loe a meng ne a yembr la a paoog a to wã. Yãmb ka tõe n sak Wẽnnaam la y sak arzegs me ye.

A Luk Sõng 12:15

Dẽ, a Zeezi yeela nebã yaa: Gũus-y y mens ne rat wʋsgã. Bala, hal baa naar pʋgẽ, ninsaal vɩɩmã ka tũud ne bũmb nins a sẽn tarã ye.

1 Tɩmote 6:10

Bala, ligdã nonglem yaa bõn-wẽnsã fãa yẽgre. La neb kẽer sẽn nong ligd wʋsgã menemame n zãag ne tẽebã, la b sɩbga b mens ne tood buud toay-toaya.