Kowelɛt 5:1 - WẼNNAAM SEBRE 2014

¹ Ra yɩ yãg-yãg n yiis gomd f noorẽ ye. Ra yɩ tao-tao n yiis f sũur tagsg gomd Wẽnnaam taoor ye. Bala, Wẽnnaam bee saasẽ, la fo bee dũniyã zugu. Dẽ wã, bɩ f ra gom wʋsg ye.

SEBR SÕNGO

¹ Da yãg ne goam ye. La f da yãg tao-tao n pʋlem f pʋlen-bɛd Wẽnnaam taoor ye. Tɩ Wẽnnaam be yĩngri tɩ fo be tẽnga. Bɩ goama gom n zemse.

Kowelɛt 5:1 Iomraidhean Croise

2 Kibayã 26:16

La yẽnda sẽn wa n mik t'a pãngã lebga wʋsgã, yẽnda wuka a meng tɩ wa ne a sãoongo. Bala, yẽnda maana sẽn ka zems ne Sẽn-Ka-Saab sẽn yaa yẽnda Wẽnnaamã. Yẽnda kẽe Sẽn-Ka-Saab roogã pʋg n na n yõog tɩdar wisd tẽn-kugrã zugu.

A. Zoobe 11:2

«Goam wʋsg a woto na pa n ka paam leokre? Rẽ yĩnga yaa goam minim n kõt ned bʋʋm la?

A. Zoobe 22:12

Wẽnnaam ka be hal yĩngr saasẽ sɩda? Ges ãdsã sẽn be yĩngr n zãr ne tõndã.

Yɩɩn‑sõamyã 89:7

Sɩd me, ãnda n be saasẽ n tõe n mak a meng ne yãmb a Sẽn-Ka-Saabo? Ãnda n be wẽnnaam-dãmbã sʋka, n zem yãmb a Sẽn-Ka-Saabo?

Yikri 3:5

Dẽ, Wẽnnaam yeelame yaa: «Da kolg ka ye. Piid f neooda wã, bala, zĩig ning fo sẽn yɛsã yaa zĩig sẽn welg toore.»

Yikri 30:18

«Maan zũud sĩnga, t'a naoã yaa zũudu, waasg yĩnga. Rɩk-a n dɩgl sɛk roogã ne tẽn-kugrã sʋka, n ning koom a pʋgẽ.

Yelbũna 10:19

Sẽn gomd-a wʋsg ka tõe n ka kong ye, la sẽn gũusd-a a meng ne a goam tara yam.

Yelbũna 15:8

Nin-wẽnsã maoong yaa yel-beed Sẽn-Ka-Saab nifẽ, la nin-tɩrsã pʋʋsg tata bãmb yam.

Yelbũna 21:27

Nin-wẽns maoong yaa yel-beedo. Sẽn yɩɩd fãa, yaa b sã n wat ne yam-wẽnga.

A Ezayi 66:3

Sẽn kʋʋd-a naaf n maan maoongo, wẽnda wa a sẽn kʋʋd ninsaala. Sẽn maand-a peosg bɩ bʋʋg maando, wẽnda wa ned sẽn pãbd baaga. Sẽn wat-a ne kũuni, wẽnda wa a sẽn wat ne kurkur zɩɩm. Sẽn wat-a ne wisd kũuni, wẽnda wa a sẽn pʋʋsd wẽn-naandse. Nin-bãmb fãa sũy yaa noog ne b manesmã, la bãmb maanda sũ-noog ne b yel-yoodã.

Maan‑kʋʋre 10:3

A Moyiis yeela a Aarõ yaa: «Sẽn-Ka-Saab rag n yeelame: ‹Neb nins sẽn kolgd maamã tog bãngame tɩ mam welga toore, la tɩ nebã fãa tõe n waoog maam.› » La a Aarõ ka leb n yeel tɩ bũmb yɛs ye.

Tʋʋma 10:33

La tao-tao bala mam tʋma neb tɩ b bool yãmba. La yãmb maana neer n sak n wa. Moasã, tõnd fãa bee Wẽnnaam taoor ka n na n kelg bũmb nins fãa Zu-soabã sẽn yeel yãmb tɩ y togs tõndã.

Tʋʋma 17:11

Zʋɩf-rãmb nins sẽn dag n be Beere wã da tara yam sõng n yɩɩd sẽn be-b Tesalonikã. Bãmb deega Wẽnnaam koɛɛgã ne b sũyã fãa. La daar fãa, bãmb da vɛɛsda gʋls‑sõamyã n dat n bãng bũmb nins b sẽn yet bãmbã sã n yaa sɩda.

1 Korẽnt rãmba 11:22

Yãmb ka tar yiy n na n dɩt be la y yũud be la? Bɩ yãmb ka nand Wẽnnaam doogã, la y rat n paoog neb nins sẽn ka tar bũmbã? Mam na n yeela yãmb tɩ bõe? Mam na n pẽga yãmba? Yel‑kãngã pʋgẽ yẽ, mam kõn pẽg yãmb ye.

Ebre rãmba 10:26

Bala, tõnd sã n bãng sɩdã n yaool n maan yel-wẽn ne yamleoogo, maoong ka leb n ket yel-wẽnã yĩng ye.

Zake 1:19

M ba-bi-nongdse, bãng-y yõwã neere: Woto, bɩ ned fãa wɩng ne kelgre, la a maag ne goamã, la a maag ne sũ-yikri.

Zozuwe 5:15

Sẽn-Ka-Saab tãb-biisã naab yeela a Zozoe yaa: «Piid f neooda wã, bala, zĩig ning fo sẽn yasã welga toor n yaa zĩ-sõngo.» La a Zozoe maana wa b sẽn yeelã.