Kowelɛt 3:6 - WẼNNAAM SEBRE 2014

⁶ Baoob wakat beeme, la meneng wakat me beeme. Zãab wakat beeme, la lobr wakat me beeme.

SEBR SÕNGO

⁶ Baoob bee wakato tɩ bao n kong me be wakato. Bũmb zãab bee wakato, a lobr me bee wakato.

Kowelɛt 3:6 Iomraidhean Croise

Sɩngrẽ 31:18

A Zakoob kãaga a rũmsã fãa, la a wʋk a laogã yẽnda sẽn dag n paama zãnga. Yaa ne rũms nins yẽnda sẽn dag n paam Padan-Aram soolmẽ wã. A Zakoob yiime n loog n na n kẽng a Ba a Izak nengẽ Kana tẽnga.

2 Rĩm-dãmba 5:26

Woto, a Eliize yeela a Geyaazi yaa: «Fo tẽedame tɩ raoã sẽn wa n sig a saarã zug n segd foomã, mam ka yã la? Rẽ yĩnga, yaa wakat fo sẽn tog n deeg fu-neeba, la wanzuri sẽn na n yɩl n da oliiv tɩɩse, ne vĩy pʋto, la rũm-bɛd ne rũm-bãoonego, la f paam yem-daad ne yem-pogs sɩda?

2 Rĩm-dãmba 7:15

Bãmb pʋgla Siiri nebã n ta Zʋrdẽ kʋɩlgã. La bãmb yãame tɩ sorã zug pida ne futu, la teed wʋsg Siiri nebã sẽn dag n basd tɩ lʋɩt b zoeesã wakate. Woto, b sẽn tʋm neb ninsã lebg n wa togsa rĩmã bũmb nins bãmb sẽn yã wã.

2 Rĩm-dãmba 8:9

A Azayɛll kẽnga a Eliize nengẽ, la a talla kũuni, la a bao Damaas tẽngã bõn-sõama buud fãa n zɩlg yʋgma pis-naas n zã n na n tɩ kõ a Eliize. A Azayɛll sẽn ta a Eliize nengẽ, a yeelame: «Yãmb biig a Bɛn-Hadaad sẽn yaa Siiri rĩmã tʋma maam yãmb nengẽ, tɩ m wa sok-y n gese, bãag ning sẽn tar bãmbã na n sãoogame bɩ?»

Yɩɩn‑sõamyã 112:9

Yẽnda yãkda a paoong n kõt naong rãmba. Yẽnda tɩrlem paada wakat fãa. Yẽnda pãngã paasda ne ziiri.

Kowelɛt 11:1

Lob f bur koom zugu, bala, wakat sẽn wate, fo na n leb n paam-a lame.

Kowelɛt 3:5

Kug lobr wakat beeme, la b wʋkr wakat me beeme. Mobg taab wakat beeme, la zãag taab wakat me beeme.

Kowelɛt 3:7

Fuug kẽegr wakat beeme, la a sẽeb wakat me beeme. Sĩndim wakat beeme, la goam wakat me beeme.

A Ezayi 2:20

Badaare, ninsaalbã na n dɩka b wanzuri ne b sãnem wẽn-naandsã bãmb sẽn wõgemded n waoogdẽ wã n lob laoos ne zankiti.

A Zonaase 1:5

Dẽ, rabeem yõka kogl-rugsdbã, tɩ ned kam fãa kelemd n boond a wẽnde. La bãmb wʋka koglgã pʋgẽ teedã n lobd koomẽ wã, sẽn na n yɩlẽ tɩ koglgã lebg faasga. La rẽ t'a Zonaas ra yikame n sig koglgã tẽngr doogã n gãe n gõe n wẽed gũsum.

A Matiye Sõng 19:29

La ned ning fãa sẽn na n bas a yiri, a ba-bi-raopa, a ba-bi-pogse, a ba, a ma, a paga, a kamba wall a pʋʋg mam yʋʋrã yĩnga, a na n paama bũmb nins a sẽn basã buud naoor koabga, la a paam vɩɩm sẽn kõn sɛ wã.

Tʋʋma 27:19

La rasem a tãabẽ daarã, bãmb mens sɩngame n wʋk koglgã teed kẽer n lob koomẽ wã.

Tʋʋma 27:38

La b sẽn dɩ n tɩge, b loba koodã koomã pʋgẽ n na n boog koom-koglgã zɩɩbo.