Kowelɛt 3:4 - WẼNNAAM SEBRE 2014

⁴ Yãbr wakat beeme, la laad wakat me beeme. Wiisg wakat beeme, la saoog wakat me beeme.

SEBR SÕNGO

⁴ Yãbr ne a wakat, laad ne a wakat, kʋʋr kɛleng ne a wakat, saoog ne a wakat.

Kowelɛt 3:4 Iomraidhean Croise

Sɩngrẽ 21:6

Dẽ, a Saara yeelame: «Wẽnnaam kõo maam laado. Ned ning fãa sẽn na n wʋm-a yel-kãngã, na n pusga laad mam wɛɛngẽ!»

2 Sãmwɛlle 6:16

Sẽn-Ka-Saab kaoolã koglgã sẽn wa n kẽed a Davɩɩd tẽngã pʋgẽ wã, a Sayull bi-pugl a Mikall dag n bee roog peem-lɛɛgẽ n lɩk n getẽ. A Mikall yãame tɩ rĩm a Davɩɩd yɩgd n kɩdemdẽ, la a saood Sẽn-Ka-Saab taoore, la a paooga a Davɩɩd a sũurẽ.

Yɩɩn‑sõamyã 30:11

Sẽn-Ka-Saabo, kelg-y-ma, la y zoe m nimbãanega! Sẽn-Ka-Saabo, sõng-y-ma!

Yɩɩn‑sõamyã 30:5

Sẽn-Ka-Saab nin-nongdse, yɩɩl-y bãmb yĩnga, n pʋʋs-b barka, bãmb yʋ-sõngã tẽegr yĩnga!

Yikri 15:20

La no-rɛɛs-poak a Miryam sẽn yaa a Aarõ tão wã rɩka sɩlsãka, la pagbã fãa yii n pʋgla yẽnda n wẽ sɩlsãgs n sao.

Kowelɛt 3:5

Kug lobr wakat beeme, la b wʋkr wakat me beeme. Mobg taab wakat beeme, la zãag taab wakat me beeme.

Kowelɛt 7:14

Sũ-noog daare, maan sũ-noogo. La toog daare, bɩ f tagse. Bala, Wẽnnaam maana bãmb b yiibã fãa tɩ b yaa bũmb a yembre, sẽn na n yɩl tɩ ninsaal da bãng bũmb ning sẽn be taoor n watẽ ye.

A Ezayi 40:1

Yãmb Wẽnnaamã yetame: «Bels-y mam nebã, bels-y-ba.

A Ezayi 40:2

Gom-y n paas-y Zeruzalɛm daoodo, moon-y n yeel-y t'a yembdã sɛɛme, t'a paama a kongrã sugri, t'a zoe n deega a yel-wẽnã sɩbgr naoor a yiib Sẽn-Ka-Saab nengẽ.»

A Matiye Sõng 11:17

«Tõnd peeba wɩɩs la yãmb ka sao ye. Tõnd yɩɩla kʋʋr yɩɩl la yãmb ka wiis ye.»

A Matiye Sõng 9:15

A Zeezi leoka bãmb yaa: Dẽ yĩnga pʋg-paal sɩd tũud-n-taas tõe n maana sũ-sãang wakat ning a sẽn ket n be bãmb sʋk bɩ? Day n wat tɩ b na n yiis pʋg-paalã sɩd n bas-ba. Dẽ bãmb na yaool n loe noore.

A Luk Sõng 1:58

Yẽnda yagsã ne a roagdbã wʋmame tɩ Zu-soabã puka b nimbãan-zoeer ne yẽnda, la b lagma ne-a n paam sũ-noogo.

Rom Dãmba 12:15

Maan-y sũ-noog ne neb nins sẽn maand sũ-noogo, la y yãb ne neb nins sẽn yãbda.

2 Korẽnt rãmba 7:10

Sɩd me, sũ-sãang ning sẽn yit Wẽnnaam nengẽ wã kɩtdame tɩ ned tek yam n kos sugr n paam fãagre, la ned ka maand a bãngẽ rẽ yĩng ye. La dũni wã sũ-sãang wata ne kũum.

Zake 4:9

Bãng-y y nimbãanegã sẽn yaa a soaba, maan-y sũ-sãanga, yãb-y-yã. Bɩ y laadã tek n lebg wiisgu, tɩ y sũ-noogã lebg sũ-sãanga.