Kowelɛt 3:3 - WẼNNAAM SEBRE 2014

³ Kʋʋb wakat beeme, la tɩpg wakat me beeme. Siigr wakat beeme, la meeb wakat me beeme.

SEBR SÕNGO

³ Kʋʋb bee wakato tɩ sãoogre me be wakato. Tus n lubi bee wakato tɩ meeb sɩngr be wakato.

Kowelɛt 3:3 Iomraidhean Croise

Sɩngrẽ 9:6

La ninsaal sã n daag a to zɩɩm, ninsaal me n na n daag yẽnda zɩɩm. Bala, Wẽnnaam naana ninsaal wa bãmb mengã wẽnego.

A Ezayi 44:26

Mam kɩtdame tɩ mam tʋmtʋmdã goam paam pidsgu, la m kɩt tɩ mam koe-toagsdbã saagr pidsi. Mam goma Zeruzalɛm wɛɛngẽ n yeele: ‹Neb na n leb n zĩnda Zeruzalɛm pʋgẽ, la b na n lebs n mee Zʋʋda tẽmsã, mam na n lebs n yika a raboodã.›

A Ezayi 6:10

Riglim nin-bãmbã sũyã, n kɩt tɩ b yɩ tʋb-pa-wʋmdba, n kɩt tɩ b ninã mume, tɩ b ninã ra leb n yãnd ye, tɩ b tʋbã ra tõog n wʋm me ye, tɩ b ra wa tõog n wʋm a võor ye. Maan a woto tɩ b ra wa tek yam n paam maagr ye.»

Zeremi 1:10

Ade, rũndã, mam kõta foom noor tɩ f võ, la f pãb n wã, la f sãame, la f siig buud toay-toayã ne soolem toay-toayã, la f lebs n me la f sele.

Zeremi 31:28

Mam sẽn dag n gũus bãmb n võ-b la m pãb-b n wã, la m sãam-b la m menes-bã, n kɩt tɩ toog paam-bã, woto me, mam na n gũus-b lame, n lebs n me-b la m sel-ba. Maam a Sẽn-Ka-Saab n yeele.»

Zeremi 33:6

Mam na n yols-b lame, la m maag-ba, la m na n kõo bãmb vɩ-bãan ne yam-gãnega.

Zeremi 45:4

Sẽn-Ka-Saab yeela a Zeremi t'a yeel a Baruk yaa: «Beneere, mam siigda bũmb ning m sẽn dag n me wã, la m võogda bũmb ning m sẽn dag n selã. Bõn-kãng na n yɩɩ tẽngã gill fãa pʋgẽ.

Ezekiyɛl 13:14

Mam na n pãba lalg ning yãmb sẽn dag n bol ne goorã n wã, mam na n lub-a-la tẽnga, t'a yẽbgrã puki. La a n na n lʋɩɩme n zãb yãmb n menes-y zãnga. Woto la yãmb na n bãng tɩ mam yaa Sẽn-Ka-Saabo.»

A Aaze 1:2

«Saasẽ-Pãng-Soabã yetame: ‹Nin-bãmbã yetame: Wakatã nan ka ta ye. Wakat ning b sẽn segd n lebs n me Sẽn-Ka-Saab roogã nan ka ta ye.› »

A Aaze 1:4

«Rẽ yĩnga, zemsame tɩ yãmb be ro-neeb pʋsẽ, tɩ mam doogã yaool n lʋɩ zãnga?»

Zakari 1:12

Sẽn-Ka-Saab malɛɛkã leb n yeelame yaa: «Saasẽ-Pãng-Soaba, yãmb na n basame n ka zoe Zeruzalɛm ne Zʋʋda tẽmsã nimbãaneg hal tɩ ta dabʋre? Bala, yãmb sũurã rag n yika ne bãmb hal yʋʋm pis-yopoe sẽn looge.»

Yaoolem 32:39

Moasã, bãng-y tɩ yaa maam, Wẽnnaam a to ka be tɩ ka maam ye. Yaa maam n kõt vɩɩm, yaa maam n kʋʋde. Yaa maam n pogende, la maam n maagde. Ned ka tõe n deeg bũmb mam nugẽ ye.

1 Sãmwɛlle 2:25

Ned sã n beeg a to, Sẽn-Ka-Saab n na n welg yellã. La ned sã n beeg Sẽn-Ka-Saabo, ãndã n na n yõk sɛɛg a soab yĩnga?» Sẽn-Ka-Saab sẽn dag n yãk yam t'a Eli kambã na n kiime wã yĩnga, b ka kelg b ba wã goam ye.

1 Sãmwɛlle 2:6

Sẽn-Ka-Saab n tõe tɩ ned ki, la b tõe tɩ ned vɩɩmde. Bãmb n tõe tɩ ned sig kɩɩm-kulgu, la b tõe t'a vʋʋge.