Kowelɛt 3:2 - WẼNNAAM SEBRE 2014

² Rogem tara a wakate, la kũum me tara a wakate. Selb tara a wakate, la võob me tara a wakate.

SEBR SÕNGO

² Dogem bee wakato tɩ kũum me be wakato. Sel tɩɩg bee wakat tɩ võog tɩɩg me be wakato.

Kowelɛt 3:2 Iomraidhean Croise

Sɩngrẽ 17:21

La sẽn kẽed ne mam kaoolã wɛɛngẽ, yaa ne a Izak sẽn yaa bi-ribl ning fo pag a Saara sẽn na n dog vẽer woto wẽndã la m na n vigl-a.»

Sɩngrẽ 47:29

A Israyɛll vɩɩmã sẽn wa n dabd a sɛɛb zĩigẽ, yẽnda boola a biig a Zozɛf n yeel-a yaa: «Fo sã n nonga maam, mam kot-f lame tɩ f rɩk f nug n tik mam gerã, n wẽen tɩ f na n maan-m-la neere, la f na n maana sɩd ne maam, la f ka na n mum maam Ezɩpt tẽngã pʋg ye!

1 Rĩm-dãmbã 13:2

Wẽnnaam daoã kãaba tẽn-kugrã wẽng wa Sẽn-Ka-Saab sẽn wilgã n yeele: «Tẽn-kugri! Tẽn-kugri! Ade, Sẽn-Ka-Saab yeelame tɩ bi-ribl n na n dog a Davɩɩd buudã pʋgẽ, la b na n pʋd-a a yʋʋr t'a Zoziyaase. La maoong kʋʋb zĩisẽ maan-kʋʋdb nins sẽn yõogd wisd fo zugã, bi-kãng na n kʋ-b-la fo zugu, la b na n yõoga ninsaalb kõab fo zugu.»

2 Rĩm-dãmba 4:16

A Eliize yeela pagã yaa: «Vẽer woto wẽnde, tɩ fo bugda bi-ribla.» Dẽ, pagã yeelame: «Sɩd bɩ, m kẽem sõngo? Wẽnnaam neda, da-y belg-y-m ye!»

A. Zoobe 14:14

Ninsaal sã n dag n kiid n vʋʋgdẽ, mam toogã rasem sõor tɛka, mam dag n na n yalsẽ lame n gũ hal tɩ ned a to wa led m zĩigẽ.

A. Zoobe 14:5

Sã n yaa tɩ yãmb pĩnd n yãka ninsaal dasem sõore, sã n yaa tɩ yãmb sõda kiis nins a sẽn na n kaoosã sõore, sã n yaa tɩ yãmb yãka wakat a sẽn ka na n gãndge,

A. Zoobe 7:1

Ninsaal belmã dũni zug yaa bõe tɩ sã n ka tʋʋm-wɛgl tʋʋmã t'a rasmã yaa wa ned sẽn deegd kiuug yaoodo.

Yɩɩn‑sõamyã 113:9

Bãmb kɩtdame tɩ pʋg-kiir paam doogo, n paam kamb t'a sũur noomẽ. Pẽg-y Sẽn-Ka-Saabo!

Yɩɩn‑sõamyã 52:5

Fo nonga wẽng n yɩɩd sẽn yaa sõama, la f nong zĩrẽ n yɩɩd sɩd goamã.

Yelbũna 24:27

Tʋm f tʋʋmã yɩng fãa n sɛ, la f segl f pʋʋg neere, n yaool n me f zaka.

A Ezayi 28:24

Ka-koaad sã n dat n war a pʋʋg n bʋde, a tara warb bal n ka basdẽ la? Yẽnda koodame la a bẽesdẽ n ka basdẽ la?

A Ezayi 38:1

Wakat-kãnga, rĩm a Ezekɩyaas lʋɩɩ bãag sẽn dat n kʋ-a. La a Amots biig a Ezayi sẽn yaa Wẽnnaam no-rɛɛsã wa n yeel-a lame yaa: «Ade, Sẽn-Ka-Saab yetame: Maneg f zakã yɛla. Bala, fo ka na n leb n vɩɩmd ye. Fo na n kiime.»

A Ezayi 38:5

«Kẽng n tɩ yeel a Ezekɩyaas tɩ Sẽn-Ka-Saab sẽn yaa yẽnda ba a Davɩɩd Wẽnnaamã yetame: ‹Mam wʋma fo pʋʋsgã, mam yãnda fo nintãmã. Mam paasda fo vɩɩmã yʋʋm piig la a nu.

A Ezayi 54:1

Pʋg-kiiri, fo sẽn ka rogã, kaas ne sũ-noogo! Fo sẽn ka bãng rogem toogã, yɩɩl ne sũ-noog la tõogre. Bala, Sẽn-Ka-Saab yeelame: «B sẽn bas pag ningã kamb na n yɩɩ wʋsg n yɩɩg pag ning sẽn ket a sɩdã yirã.»

Zeremi 1:10

Ade, rũndã, mam kõta foom noor tɩ f võ, la f pãb n wã, la f sãame, la f siig buud toay-toayã ne soolem toay-toayã, la f lebs n me la f sele.

Zeremi 45:4

Sẽn-Ka-Saab yeela a Zeremi t'a yeel a Baruk yaa: «Beneere, mam siigda bũmb ning m sẽn dag n me wã, la m võogda bũmb ning m sẽn dag n selã. Bõn-kãng na n yɩɩ tẽngã gill fãa pʋgẽ.

A Matiye Sõng 13:41

Ninsaal Bi-riblã na n tʋma bãmb malegsã tɩ b yãgs kug-lakdsã fãa ne neb nins sẽn maand‑b wẽngã n yiis-b bãmb soolmẽ wã.

A Matiye Sõng 15:13

A Zeezi leokame n yeele: «B na n võoga bõn-bɩtg ning fãa mam ba sẽn be arzãnã sẽn ka selã.

A Luk Sõng 1:13

Malɛɛkã yeela yẽnda yaa: Zakari, da zoe rabeem ye, bala, Wẽnnaam leoka fo pʋʋsgo. Fo pag a Elizabɛt na n doga bi-ribl n kõ-fo. La fo na n pʋda a yʋʋr t'a Zã.

A Luk Sõng 1:20

Gese, fo na n lebga muka, la fo kõn tõog n gome, hal tɩ ta wakat ning bõn-kãngã sẽn na n paam pidsgã, fo sẽn ka tẽ mam goamã, tɩ b yaool n na n paam pidsgu, b wakat sã n ta wã yĩnga. »

A Luk Sõng 1:36

Ad fo kẽem a Elizabɛt me rɩka pʋg a kʋʋlem wakate, n na n dog bi-ribla. B sẽn dag n boond yẽnda tɩ kiirã, a tara kiis a yoob pʋg moasã.

A Zã Sõng 16:21

Pag rogem sã n ta, sũ-sãams n tar-a, bala, a wakatã taame. La a sã n dog biigã n sa, a ka leb n tẽr a toogã yell ye, a sũur sẽn noom ne ned sẽn dogã yĩngã.

A Zã Sõng 7:30

Nebã da rat n yõka a Zeezi, la ned baa a yembr ka sɩɩs bãmb ye, bãmb wakatã sẽn dag n nan ka ta wã yĩnga.

Tʋʋma 7:17

La wakatã sẽn kolgd tɩ Wẽnnaam sẽn dag n maan kãabg ningã ne a Abrahaamã tog n pidsi, nebã fɩɩgame n lebg wʋsg Ezɩpt tẽngã pʋgẽ,

Tʋʋma 7:20

La yaa wakat-kãng la b rog a Moyiisi. A rag n yaa bi-neere n ta Wẽnnaam yam. La yẽnda zĩnda a ba wã zakẽ kiis a tãabo.

Galat Rãmba 4:4

La wakat sẽn ta, Wẽnnaam tʋma b bi-riblã tɩ pag rog-ba, n dog-b tõogã pʋgẽ,

Yaoolem 34:5

Dẽ, Sẽn-Ka-Saab tʋmtʋmd a Moyiis kii beenẽ, Moaab tẽngã pʋgẽ, wa Sẽn-Ka-Saab sẽn yeelã.

Ebre rãmba 9:27

A wa a sẽn be ned fãa zug tɩ ki vugr bala (la kũumã poore, bʋʋd n watã),

1 Sãmwɛlle 2:5

Sẽn dag n dɩt-b n tɩgdã koosda b mens rɩɩb yĩnga, tɩ kom sẽn dag n tar-b rãmbã rɩt n tɩgda. Pʋg-kiir dogda naoor a yopoe, tɩ sẽn dag n dogd-a wʋsgã lebg kiiri.