Kowelɛt 3:16 - WẼNNAAM SEBRE 2014

¹⁶ La sẽn paase, mam yãndame tɩ dũniyã ka, b basda bʋ-sɩdã n maand wẽnga, b basda tɩrlem n maand wẽnga.

SEBR SÕNGO

¹⁶ Ad-m sẽn le maag m meng n ges la m sẽn yãend tẽng zugu: wẽnem n dɩt naam tɩ sẽn da toga ne bʋʋd paalgr põsd bʋʋd toogo.

Kowelɛt 3:16 Iomraidhean Croise

Kowelɛt 4:1

Mam leb n tagsa neb nins b sẽn maand pãng dũniyã pʋg ka wã yelle. Gese, b sẽn namsd-b rãmbã nintãm yitame, la ned ka belsd bãmb ye. Bãmb namsdbã tara pãnga, la ned ka belsd bãmb ye.

Kowelɛt 5:7

Fo sã n yãnd tɩ b maand naong rãmb pãng soolem pʋgẽ, n ka maand sẽn zemse, la b ka kaood bʋʋd tɩrga, bɩ f ra bas tɩ bõn-kãng ling foom ye. Bala, ned sã n yaa nin-kãsenga, nin-kãseng n kogend yẽnda, la nin-kãsems a taab n be n yɩɩd bãmb fãa.

Kowelɛt 5:8

Tẽn-gãongã yõod yaa nebã fãa yĩnga. Baa rĩm meng teega pʋʋg sẽn kõt bũmb ningã.

Kowelɛt 8:9

Mam yãnda bõn-kãens fãa wakat ning mam sẽn tags n ges tʋʋm nins fãa sẽn maand dũni zug ka wã yellã. Wakat n be tɩ ninsaal tõe a to n maand-a wẽnga.

A Ezayi 59:14

n kɩt tɩ zemsg targ n bas-do, tɩ tɩrlem zãag ne-do. Bʋ-tɩrg ka leb n be bʋʋd zĩigẽ ye, la maan sɩd ka kẽed beenẽ ye.

A Miise 2:2

Bãmb sã n dat ned pʋʋg n deege, b reegd-a lame. La b sã n dat ned roog n deege, b reegd-a lame n sooge. Bãmb maanda ned ne a zak rãmb pãnga, n deegd bũmb nins b sẽn so wã.

A Miise 7:3

Bãmb sẽn mi yaa wẽng maaneg bala. Naab ka maand neer tɩ b ka reeg bũmb ye, Bʋ-kaoodã ka kaood bʋʋd t'a ka reeg kũun ye, Nin-kãsemsã wilgda b yão-beedã, la b naagd taab n tʋmd b tʋʋm-beedo.

Sofoni 3:3

Bãmb nanambsã sẽn be b sʋkã wẽnda wa gɩgmã sẽn kelemde, la b bʋ-kaoodbã yaa wa zaabr rigd-n-yĩidsi, bãmb ka yõkd n wãb n kell beoog yĩng ye.

A Matiye Sõng 26:59

Maan-kʋʋdbã kãsem-dãmbã ne kaorengã yɛl-bʋʋdbã fãa rag n baooda kaset zĩrẽ n na n paam n dõd a Zeezi n kɩt tɩ b kʋ-ba,

Tʋʋma 23:3

Dẽ, a Poll yeela yẽnda yaa: Pʋ-libsim soaba, Wẽnnaam na n wẽe yãmba. Yãmb zĩndame n na n kao mam bʋʋd wa sẽn zems ne tõogo, la y kɩɩs tõogã n yet tɩ b wẽ maam.

Zake 2:6

La yãmba, yãmb paooga naong soabã. Dẽ yĩnga, arzegs rãmbã ka weoogd yãmb la b tar yãmb n kẽnd bʋʋd zĩisẽ sɩda?