Kowelɛt 3:12 - WẼNNAAM SEBRE 2014

¹² La mam miime tɩ bũmb ka be sẽn noom ninsaal n yɩɩd yẽnda sẽn na n paam sũ-noog la naar a vɩɩmã wakat ye.

SEBR SÕNGO

¹² Mam miime tɩ ninsaal ka rat bũmb a to sã n ka a noog a sũuri la a pems ne vɩɩma yɩɩre.

Kowelɛt 3:12 Iomraidhean Croise

Yɩɩn‑sõamyã 37:3

Teeg Sẽn-Ka-Saab n maan neere, n zĩnd tẽngã pʋg n vɩɩmd bãane.

Kowelɛt 11:9

Bi-bɩɩga, maan sũ-noog f bi-bɩɩlmã wakate, la f noog f sũur f bɩʋʋngã wakate, n tũ soay nins f sũurã sẽn date, la f ninã sẽn getã. La bɩ f bãng tɩ Wẽnnaam na n bʋʋ ne foom bõn-kãens fãa yĩnga.

Kowelɛt 2:24

Bũmb ka be sẽn yaa noog ne ninsaal n yɩɩd a sẽn na n paam n dɩ la a yũ, n maan sũ-noog ne a tʋʋmd ye. La ne yõwã me, mam yãame t'a yita Wẽnnaam nengẽ.

Kowelɛt 2:3

Mam yãka yam n na n noog m sũur ne reezẽ rãam, la m gũus m meng n kẽn ne yam, la m loe m meng ne yalemd ning mam sẽn maandã, n tõog n bãng ninsaalbã sẽn maand bũmb ning dũniyã zug b vɩɩmã wakatã sã n zemsame.

Kowelɛt 3:22

Mam yãame tɩ bũmb ka be sẽn noom ninsaal n yɩɩd a sẽn na n maan sũ-noog ne a tʋʋmã ye. Yaa woto la yẽnda rẽnda. Ãnda n na n kɩt tɩ yẽnda lebg n wa yãnd bũmb ning sẽn na n wa zĩnd yẽnda loogr poorẽ wã?

Kowelɛt 8:15

Dẽ, mam yeelame tɩ sũ-noog yaa sõama. Bala, bũmb ka be n yaa sõama ninsaal yĩng dũniyã ka, sã n ka t'a rɩ la a yũ la a maan sũ-noog ye. Yẽnda tog n paama woto, yẽnda tʋʋmã pʋgẽ dasem nins fãa Wẽnnaam sẽn kõ yẽnda t'a vɩɩmd dũniyã zug ka wã yĩnga.

A Ezayi 64:5

Tõnd fãa lebga neb sẽn yaa rẽgdo, la tõnd sẽn maand d tɩrlem tʋʋmã fãa wẽnda fu-rẽgdo. Tõnd fãa zelga wa vãad sẽn ki, tɩ tõnd kongrã kãagd tõnd wa sebgo.

A Luk Sõng 11:41

Kõ-y naong rãmbã ne y sũyã fãa, la bũmbã fãa na n yɩɩ yolgemd yãmb yĩnga.

Tʋʋma 20:35

Mam wilga yãmb bũmb fãa pʋgẽ tɩ d tog n tʋma a woto n tõog n sõng naong rãmba, la d tẽeg goam nins Zu-soab a Zeezi meng sẽn yeelã: Tɩ kõ bee bark n yɩɩd tɩ reege.

Yaoolem 12:18

La yaa Sẽn-Ka-Saab sẽn yaa yãmb Wẽnnaamã taoor bala, zĩig ning Sẽn-Ka-Saab sẽn yaa yãmb Wẽnnaamã sẽn yãkã, la yãmb ne y bi-ribla, la y bi-pugla, ne y yem-daadã, la y yem-pogsã, ne Leevi buudã ned sẽn be yãmb tẽmsã pʋsã na n dɩ Sẽn-Ka-Saab sẽn yaa yãmb Wẽnnaamã taoore, n maan sũ-noog ne bũmb ning yãmb sẽn tarã.

Yaoolem 12:7

Yaa Sẽn-Ka-Saab sẽn yaa yãmb Wẽnnaamã taoor beenẽ, la y na n dɩ, tɩ yãmb ne y zagsã rãmb maan sũ-noog ne bũmb ning fãa yãmb sẽn tarã, tʋʋm nins fãa Sẽn-Ka-Saab sẽn yaa yãmb Wẽnnaamã sẽn na n ning-y bark b pʋsẽ wã.

Yaoolem 26:11

Bɩ yãmb ne a Leevi buudã nebã, la sãamb nins sẽn be ne yãmbã maan sũ-noog ne bõn-sõama nins fãa Sẽn-Ka-Saab sẽn yaa yãmb Wẽnnaamã sẽn kõ yãmb ne y yirã rãmbã.

Yaoolem 28:63

Sẽn-Ka-Saab sũur sẽn dag n yɩ noog to-to tɩ b maan yãmb neer n kɩt tɩ y lebg wʋsgã, woto me, Sẽn-Ka-Saab sũur na n leb n yɩɩ noog tɩ b menes yãmba, la b sãam-yã. Sẽn-Ka-Saab na n yiisa yãmb tẽng ning yãmb sẽn na n tɩ kẽ n soogã pʋgẽ.

1 Tɩmote 6:18

Bɩ b maan neere, la bɩ b yɩ neb sẽn maand tʋʋm-sõamy wʋsgo, la b yɩ neb sẽn kõte, la sẽn nong n pʋɩ b sẽn tarã ne neb a taaba.