Kowelɛt 2:3 - WẼNNAAM SEBRE 2014

³ Mam yãka yam n na n noog m sũur ne reezẽ rãam, la m gũus m meng n kẽn ne yam, la m loe m meng ne yalemd ning mam sẽn maandã, n tõog n bãng ninsaalbã sẽn maand bũmb ning dũniyã zug b vɩɩmã wakatã sã n zemsame.

SEBR SÕNGO

³ M kaoola m sũurẽ tɩ m na n tɩgsa m yĩnga ne rãam, n kaool tɩ m kõn bas n yẽesma zãng yẽ ye. La baasgo n na maan yalemdo sẽn zems bala, m bãng bõe n tog ne Adem biig a tẽng zug vɩɩm koɛɛga pʋgẽ.

Kowelɛt 2:3 Iomraidhean Croise

Sɩngrẽ 47:9

A Zakoob leoka Faarõ yaa: «Yaa yʋʋm koabg la pis-tã la woto, mam sẽn gõod tẽng-tẽnga. La mam yʋʋmã sõor ka waoog ye, la a yɩɩ toogo. La yʋʋm-kãens sõorã ka ta mam saam-dãmbã yʋʋmã, b sẽn dag n wa n gõod tẽng-tẽngã ye.»

A. Zoobe 14:14

Ninsaal sã n dag n kiid n vʋʋgdẽ, mam toogã rasem sõor tɛka, mam dag n na n yalsẽ lame n gũ hal tɩ ned a to wa led m zĩigẽ.

Yɩɩn‑sõamyã 104:15

la b paamd reezẽ rãam n yũud n noogd b sũuri, la b paamd kaam n zɛɛdẽ tɩ b nens põeeda, ne rɩɩb sẽn kõt-b pãnga.

Yelbũna 20:1

Reezẽ rãam yũub wata ne paoogr goamã, rã-toos yũub wata ne rãmbgo, la sẽn basd-a tɩ rãam soog-a ka na n tol n paam yam ye.

Kowelɛt 1:17

Mam dag n tagsdame n dat n bãng yam ne zu-kaalgo, la yalemd võore. La mam mikame tɩ yõwã me yaa wa ned sẽn digd sobg bala.

Kowelɛt 10:19

B maanda rɩɩb n dɩtẽ, n maand sũ-noogo. Reezẽ rãam kõta vɩɩm sũ-noogo, la f sã n tar ligdi, f maanda f sẽn dat fãa.

Kowelɛt 12:13

Kelg koɛɛgã fãa baoosgo. Zoe Wẽnnaam la f sak bãmb tõodã, bala, yaa woto la ninsaal fãa tog n maane.

Kowelɛt 2:24

Bũmb ka be sẽn yaa noog ne ninsaal n yɩɩd a sẽn na n paam n dɩ la a yũ, n maan sũ-noog ne a tʋʋmd ye. La ne yõwã me, mam yãame t'a yita Wẽnnaam nengẽ.

Kowelɛt 5:18

Baoosgo, Wẽnnaam sã n kõ ned arzegs la paoongo, la b leb n kõ-a pãn-tõog t'a tar n dɩtẽ, n tar a meng rẽnda, la a maand sũ-noog ne a tʋʋmdã, bõn-kãng yaa Wẽnnaam kũuni.

Kowelɛt 6:12

Dẽ wã, ãnda soab n mi sẽn yaa sõama ninsaal yĩng a vɩɩm wakate? A vɩɩm ning rasem sẽn tar sõorã, n yaa zaalem n loogd wa sulunsukã wakate? Ãnda n tõe n togs ninsaal bũmb ning sẽn na n wa zĩnd dũniyã pʋg ka yẽndã loogr poorã?

Kowelɛt 7:18

Yaa neer tɩ f gãd a yembre, la f ra bas a yembrã me tɩ loog ye. Bala, ned ning sẽn zoet Wẽnnaamã na n paama sor n põs yel-bãmb fãa.

Kowelɛt 7:25

La mam maaga m meng n na n vees n bao n bãng yam, la m bãng bũmb ning sẽn be wã võore. La m bãngame tɩ nin-toolem yaa yalemdo, la gãeemd yaa zu-kaalgo.

Kowelɛt 8:15

Dẽ, mam yeelame tɩ sũ-noog yaa sõama. Bala, bũmb ka be n yaa sõama ninsaal yĩng dũniyã ka, sã n ka t'a rɩ la a yũ la a maan sũ-noog ye. Yẽnda tog n paama woto, yẽnda tʋʋmã pʋgẽ dasem nins fãa Wẽnnaam sẽn kõ yẽnda t'a vɩɩmd dũniyã zug ka wã yĩnga.

A Matiye Sõng 6:24

Ned ba a yembr ka tõe n sak zu-soben-dãmb a yiib ye. Bala, a na n kisga a yembr la a nong a to wã, wala a loe a meng ne a yembr la a paoog a to wã. Yãmb ka tõe n sak Wẽnnaam la y sak arzegs me ye.

Efɛɛz Rãmba 5:18

Da tɩg-y ne rãam ye, yõwã sãamda neda. Pid-y ne Wẽnnaam Sɩɩgã.

Bʋ-kaoodba 9:13

La reezẽ tɩɩgã yeelame yaa: Mam bas m reezẽ rãamã sẽn noogd wẽnnaam-dãmb sũurã, la a noogd ninsaalbã sũurã, n lebg tɩɩs rĩma?

1 Sãmwɛlle 25:36

A Abigayɩll sẽn lebg n ta a Naball yiri, a mikame t'a maanda tigr wa rĩm tigri. A Naball sũurã rag n yaa noog hal wʋsgo. Yẽnda yũu reezẽ rãam t'a neng yilimdẽ. La a Abigayɩll ka togs-a baa fɩ, hal tɩ beoogã vẽege.