Kowelɛt 2:22 - WẼNNAAM SEBRE 2014

²² Ninsaal tʋʋmdã ne a namsgã fãa dũniyã zug ka wã yõod yaa bõe?

SEBR SÕNGO

²² La woto marsã, bõe n kees nin-kãnga yĩnga? A tʋʋm tooga ne a namsgã, a sẽn yãend a vɩɩma pʋgẽ, tẽng zug ka wã, bõe yõodo la a rɩkd a pʋgẽ?

Kowelɛt 2:22 Iomraidhean Croise

Yɩɩn‑sõamyã 127:2

Yãmb sẽn sãt n yit la y kẽed yʋn-sʋgsã yaa zaalem bala. Yãmb sẽn namsd n na n paam n dɩ wã yaa zaalem. La Sẽn-Ka-Saab nin-nongdsã, ba b sã n gõe, Sẽn-Ka-Saab kõt-b-la rɩ-kãnga.

Yelbũna 16:26

Sẽn tʋmd-a tʋmda a pʋg yĩnga, bala, a pʋgã rata rɩɩbo.

Kowelɛt 1:3

Ninsaal sẽn maand tʋʋm nins fãa dũniyã zugã yõod bee yɛɛnẽ?

Kowelɛt 2:11

La mam tagsa tʋʋm nins fãa mam nus sẽn dag n maanã, la namsg nins fãa mam sẽn dag n namsã yelle. La ade, fãa yaa zaalem. A wẽnda wa ned sẽn digd sebgo. Bũmb sẽn tar yõod ka be dũniyã zug ye. Yam la yalemd ka võor ye.

Kowelɛt 3:9

Tʋmtʋmd sẽn tʋmdã, bõe yõod la a paamda?

Kowelɛt 4:6

Nug-pʋg pʋgẽ vʋʋsg n são nug pʋs a yiib pʋgẽ tʋʋmd sẽn wẽnd f sẽn digd sebgo.

Kowelɛt 4:8

Yaa ned sẽn yaa a yembr n ka tar doagd ye. Yẽnda ka tar bi-ribl wall ba-biig ye. La baoosgo, yẽnda tʋʋmdã ka tar tɛk ye. Yẽnda ninã ka tɩgd arzegs ye. Yaa ãnda yĩng la mam sẽn tʋmd n mongd m meng sũ-noog woto wã? Woto me yaa zaalem la a yaa tʋʋmd sẽn yaa wẽnga.

Kowelɛt 5:17

Ad mam sẽn yãnde: Mam yãndame t'a yaa sõama tɩ ned rɩ la a yũ, la a paam naar a tʋʋmã fãa yẽnda sẽn maand dũniyã zugã pʋga, hal a vɩɩmã Wẽnnaam sẽn kõ yẽnda wã tɛka. Yẽnda pʋɩɩr la woto.

Kowelɛt 8:15

Dẽ, mam yeelame tɩ sũ-noog yaa sõama. Bala, bũmb ka be n yaa sõama ninsaal yĩng dũniyã ka, sã n ka t'a rɩ la a yũ la a maan sũ-noog ye. Yẽnda tog n paama woto, yẽnda tʋʋmã pʋgẽ dasem nins fãa Wẽnnaam sẽn kõ yẽnda t'a vɩɩmd dũniyã zug ka wã yĩnga.

A Matiye Sõng 16:26

La ned sã n paam dũni gill fãa n bas n ki, a yõod bee yɛ? Walla bõe la ninsaal na n dɩk n tek ne a vɩɩmã?

A Matiye Sõng 6:11

Kõ-y tõnd d daar woo daar dɩɩbã dũndã.

A Matiye Sõng 6:25

Dẽ n kɩt tɩ mam yet yãmb tɩ y ra maan yɩɩr ne y vɩɩmã yelle, yãmb sẽn na n dɩ bũmb ninga, la y sẽn na n yũ bũmb ninga, wala y maan yɩɩr ne y yĩngã yelle, yãmb sẽn na n yeelg bũmb ningã ye. Vɩɩm ka yɩɩd dɩɩb la, bɩ yĩng ka yɩɩd futu?

A Matiye Sõng 6:34

Dẽ yĩnga, bɩ y da maan yɩɩr ne beoog yell ye, bala, daar fãa yell sek-a lame.

A Luk Sõng 12:22

Dẽ poore, a Zeezi yeela b karen-biisã yaa: Yaa woto yĩng tɩ mam yet yãmb tɩ y ra maan yɩɩr ne y vɩɩmã yelle, yãmb sẽn na n dɩ bũmb ninga, wall ne y yĩngã yelle, y sẽn na n yeelg bũmb ning ye.

A Luk Sõng 12:29

Dẽ wã, bɩ y da nams y mens n baood y sẽn na n dɩ bũmb ninga, wall y sẽn na n yũ bũmb ning ye.

1 Korẽnt rãmba 16:16

Sak-y neb a woto, la y sak neb nins fãa sẽn naag tʋʋmdã pʋgẽ n tʋmdẽ wã.

Filip rãmba 4:6

Da maan-y yɩɩr ne bũmb baa fʋɩ ye. La bũmba fãa pʋga, pʋʋs-y Wẽnnaam n kose la y pʋʋs barka la y wilg Wẽnnaam bũmb nins yãmb sẽn datã.

1 Tɩmote 6:8

Dẽ wã, tõnd sã n tar dɩɩb ne futu, rẽ na n seka tõndo.

1 Pɩyɛɛr 5:7

Sik-y yãmb yɩɩrã fãa n bas ne bãmba, bala, bãmb n get yãmb yelle.