Kowelɛt 2:21 - WẼNNAAM SEBRE 2014

²¹ Bala, nina tʋmda ne yẽesem la bãngr la tõogre, n bas a yõodã tɩ ned a to sẽn ka maan tʋʋmdã wa rɩke. Woto me yaa zaalem, la a yaa wẽng wʋsgo.

SEBR SÕNGO

²¹ Ges-y ned sẽn tʋm a tʋʋna ne yam la minim tɩ sake, la yaool n yaa ned sẽn pa naag n tʋme, n na n deeg a pʋɩɩre. Ad-y m ka ne rẽ me yõod ye, yaa naong kãseng bala.

Kowelɛt 2:21 Iomraidhean Croise

2 Kibayã 34:2

A Zoziyaas maana sẽn tat Sẽn-Ka-Saab yam, n tũ a yaab a Davɩɩd naoor n ka bʋdg n leb goabg bɩ rɩtg ye.

2 Kibayã 35:18

Hal sẽn sɩng ne Wẽnnaam no-rɛɛs a Sãmwɛll zamaane, Israyɛll dĩm ba a yembr na n zɩ n maan Pak tigr a woto buud wa rĩm a Zoziyaas ne maan-kʋʋdbã, la Leevi nebã, la Zʋʋda ne Israyɛll neb nins sẽn dag n be Zeruzalɛm ne Zeruzalɛm nebã sẽn maanã ye.

Yɩɩn‑sõamyã 39:7

N-yẽe! Ninsaal kẽnã fãa yaa wa sulunsuk bala, yẽnda tãnd-tãndã fãa yaa zaalem! Yẽnda baood n zamdame, la a ka mi ned ning sẽn na n soog-a ye.

Yɩɩn‑sõamyã 49:10

Ned tõe n vɩɩmdame n ka wa ki? Ned na vɩ bal n ka wa kẽ yaoogẽ?

Yɩɩn‑sõamyã 49:11

Bala, d yãtame tɩ yam dãmb kiidame, la yalemb ne nin-yood me kiidame. B fãa loogdame n bas b paoongã tɩ neb a taab yõd n sooge.

Kowelɛt 2:20

Woto yĩnga, mam sũurã sãama ne tʋʋm nins fãa mam sẽn dag n maan dũniyã zug ka wã yĩnga.

Kowelɛt 4:4

Mam yãndame tɩ tʋʋm nins fãa nebã sẽn maandã, la tõogr ning nebã sẽn tõogd b tʋʋmã pʋgã, yaa sũ-kiir la ned kam fãa maand ne a to. Woto me yaa zaalem, la a wẽnda wa ned sẽn digd sebgo.

Kowelɛt 4:8

Yaa ned sẽn yaa a yembr n ka tar doagd ye. Yẽnda ka tar bi-ribl wall ba-biig ye. La baoosgo, yẽnda tʋʋmdã ka tar tɛk ye. Yẽnda ninã ka tɩgd arzegs ye. Yaa ãnda yĩng la mam sẽn tʋmd n mongd m meng sũ-noog woto wã? Woto me yaa zaalem la a yaa tʋʋmd sẽn yaa wẽnga.

Kowelɛt 9:18

Yam n são zab-teedo, la yel-wẽn maand a yembr sãamda bõn-sõama wʋsgo.

Zeremi 22:15

Fo tagsdame tɩ yaa f sẽn maneg f roogã ne sɛɛdr tɩɩs raadã yĩng n kɩt tɩ fo yaa rĩm bɩ? Fo ba wã rag n tar n dɩtame la a yũuda, la ne rẽ fãa, yẽnda rag n maanda sẽn zemse, la sẽn yaa tɩrga, tɩ bũmb baa fɩ ka paoog-a ye.

Zeremi 22:17

La foom, fo gesg la f tagsg pʋgẽ, fo sẽn baood yaa f meng nafr bala, f baood n daaga sẽn ka tar-a yell zɩɩm, la f wõr neb n maan-b pãnga.