Kowelɛt 2:17 - WẼNNAAM SEBRE 2014

¹⁷ Dẽ, mam kisga vɩɩmã, bala, tʋʋm nins fãa sẽn maand dũniyã zugã yaa wẽnse. Bala, fãa yaa zaalem, a wẽnda wa ned sẽn digd sebgo.

SEBR SÕNGO

¹⁷ La yɛla sẽn ya woto wã, m yam ka be ne m vɩɩma baa bilfu; tɩ sẽn maan fãa saaga tẽngre pa tat m yam ye, la bũmb fãa yaa ka yõodo, yaa wudg n bir sobgo.

Kowelɛt 2:17 Iomraidhean Croise

Kowelɛt 2:11

La mam tagsa tʋʋm nins fãa mam nus sẽn dag n maanã, la namsg nins fãa mam sẽn dag n namsã yelle. La ade, fãa yaa zaalem. A wẽnda wa ned sẽn digd sebgo. Bũmb sẽn tar yõod ka be dũniyã zug ye. Yam la yalemd ka võor ye.

A Zonaase 4:8

La sõ-bɩɩmd wakate, Wẽnnaam kɩtame tɩ sob-tʋʋlg yi yaang sẽnẽ n wa, la wĩntoogã pãba a Zonaas zugã t'a pãngã sɛ t'a lʋɩ. Dẽ, yẽnda yeelame yaa: «Mam sẽn kiid n são m sẽn vɩ.»

Kowelɛt 4:2

Maam, mam yetame tɩ neb nins sẽn ki wã tara sũ-noog n yɩɩd neb nins sẽn ket n vɩ wã.

Abakuk 1:3

Bõe yĩng tɩ yãmb bas tɩ m yãt tʋʋm-wẽnsã, bõe yĩng tɩ y get tõnd tɩ d be namsg pʋga? Sãoong ne wõr-taabã gũbga maam. Lebga zab taaba, tɩ nokoɛɛmã rãamd zẽkdẽ.

A Zonaase 4:3

La sẽn lebg woto wã, Sẽn-Ka-Saabo, bɩ y reeg m vɩɩmã. Bala mam sẽn kiid n são m sẽn vɩ.»

Ezekiyɛl 3:14

Sɩɩgã zẽka maam n tall n looge. La mam looga ne sũ-toogo, la sũ-puugri, la Sẽn-Ka-Saab nug sẽn tar pãngã rag n sooga maam.

Kowelɛt 6:9

Ned sẽn na n maand sũ-noog ne a sẽn tar bũmb ningã n são a sẽn tagsd n dat n paam bũmb ningã. Yõwã me yaa zaalem la a wẽnda wa ned sẽn digd sebgo.

Kowelɛt 3:16

La sẽn paase, mam yãndame tɩ dũniyã ka, b basda bʋ-sɩdã n maand wẽnga, b basda tɩrlem n maand wẽnga.

Kowelɛt 2:22

Ninsaal tʋʋmdã ne a namsgã fãa dũniyã zug ka wã yõod yaa bõe?

Kowelɛt 1:14

Mam yãnda tʋʋm nins fãa sẽn maand saasã tẽngrã. Fãa yaa zaalem. Fãa yaa wa ned sẽn digd sobg bala.

Yɩɩn‑sõamyã 89:47

Sẽn-Ka-Saabo, yãmb na n solga y meng tɩ ta rabʋre? Yãmb sũ-puugrã na n dɩta wa bugum tɩ ta rabʋre?

A. Zoobe 14:13

Yãmb sã n dag n solgẽ maam kɩɩm-kulg pʋgẽ, n bas maam beenẽ tɩ m solg hal tɩ y sũurã sigi, n yaool n yãk wakat n kõ-m t'a sã n ta bɩ y tẽeg m yelle!

1 Rĩm-dãmbã 19:4

A Eli mengã kẽna daar tõr we-raoogã pʋga, la a tɩ zĩnda tɩɩg tẽngre, la a kosa kũum n yeele: «Sẽn-Ka-Saabo, moasã wã, mam yaa n yɛɛme. Reeg-y m vɩɩmã tɩ mam ka yɩɩd m yaab-rãmbã ye.»

Sõadga 11:15

Sã n yaa woto la y na n maan maam, bɩ y tolg n kʋ-m tɩ sɛ! Y sã n kʋ-ma, y maan-m-la neere. Woto, mam ka na n yãnd toog ning sẽn na n paam maamã ye.»

Kowelɛt 1:17

Mam dag n tagsdame n dat n bãng yam ne zu-kaalgo, la yalemd võore. La mam mikame tɩ yõwã me yaa wa ned sẽn digd sobg bala.

Kowelɛt 4:3

La ned ning sẽn nan ka be wã ne sẽn nan ka yãnd-a tʋʋm-wẽns nins sẽn maand dũniyã pʋg ka wã n são bãmb fãa.