Kowelɛt 2:10 - WẼNNAAM SEBRE 2014

¹⁰ Bũmb ning fãa mam ninã sẽn yãnd n datã, mam ka mong-b ye. Sũ-noog ning fãa mam sũurã sẽn dag n datã, mam ka mong-a ye. Bala, mam sũur yɩɩ noog ne m tʋʋmdã fãa. La mam tʋʋmdã fãa yõod yaa a woto.

SEBR SÕNGO

¹⁰ Mam gesa m nini sẽn tʋlg n ges bũmb ninga fãa, la m ka mong m sũurã sũ-noog ba a ye. M sũur yɩɩ noogo ne m tʋʋmda fãa, dẽ n yɩ yõod ninga m sẽn dɩ, m tʋʋma pʋgẽ.

Kowelɛt 2:10 Iomraidhean Croise

Sɩngrẽ 3:6

Pagã gesame tɩ tɩɩgã biis yaa sõama tɩ rɩ, la a bee neer tɩ gese, la a yaa tɩɩg sẽn wat ne ratem tɩ rɩ n paam yam vẽnegre. Dẽ, pagã yãka tɩɩgã bil n dɩ, la a kõ a sɩdã sẽn dag n be ne yẽnda wã me t'a rɩ.

Sɩngrẽ 6:2

Wẽnnaam kom-dibli wã gesame tɩ ninsaalbã kom-pugli wã yaa neeba, la bãmb baoo kom-pugli bãmb sʋkã n maan b pagba.

A. Zoobe 31:1

Mam dag n maana kaool ne m ninã, tɩ m kõn ges pa-kul ne ratem wẽng ye.

Yɩɩn‑sõamyã 119:37

Bɩ y kɩt tɩ m wẽnemd n da ges bũmb nins sẽn ka tar yõodã ye. La y sõng-m tɩ m vɩɩmd wa sẽn zemsd yãmb daabã!

Yɩɩn‑sõamyã 128:2

Fo na n dɩ f tʋʋmdã yõodo. Fo na n paama sũ-noogo, la naar yaa foom n so!

Yelbũna 23:5

Fo yonga f nin n get arzegse? Bãng tɩ b na n wa loogame, bala, b mii pɩgs pusbu, la b na n yɩka wa sɩlga, n loog saasẽ.

Kowelɛt 11:9

Bi-bɩɩga, maan sũ-noog f bi-bɩɩlmã wakate, la f noog f sũur f bɩʋʋngã wakate, n tũ soay nins f sũurã sẽn date, la f ninã sẽn getã. La bɩ f bãng tɩ Wẽnnaam na n bʋʋ ne foom bõn-kãens fãa yĩnga.

Kowelɛt 2:1

Mam tagsa m sũur pʋgẽ tɩ mam na n makame n maan sũ-noogo, la m bãng sũ-noog sẽn yaa-a soaba. La ade, yõwã me yaa zaalem.

Kowelɛt 2:22

Ninsaal tʋʋmdã ne a namsgã fãa dũniyã zug ka wã yõod yaa bõe?

Kowelɛt 2:24

Bũmb ka be sẽn yaa noog ne ninsaal n yɩɩd a sẽn na n paam n dɩ la a yũ, n maan sũ-noog ne a tʋʋmd ye. La ne yõwã me, mam yãame t'a yita Wẽnnaam nengẽ.

Kowelɛt 3:22

Mam yãame tɩ bũmb ka be sẽn noom ninsaal n yɩɩd a sẽn na n maan sũ-noog ne a tʋʋmã ye. Yaa woto la yẽnda rẽnda. Ãnda n na n kɩt tɩ yẽnda lebg n wa yãnd bũmb ning sẽn na n wa zĩnd yẽnda loogr poorẽ wã?

Kowelɛt 5:10

Paoong sã n paasdẽ, a rɩtbã me sõor paasdame. Paoong yõod yaa bõe ne a soaadbã, sã n ka bãmb ninã sẽn getã bala?

Kowelɛt 5:17

Ad mam sẽn yãnde: Mam yãndame t'a yaa sõama tɩ ned rɩ la a yũ, la a paam naar a tʋʋmã fãa yẽnda sẽn maand dũniyã zugã pʋga, hal a vɩɩmã Wẽnnaam sẽn kõ yẽnda wã tɛka. Yẽnda pʋɩɩr la woto.

Kowelɛt 5:18

Baoosgo, Wẽnnaam sã n kõ ned arzegs la paoongo, la b leb n kõ-a pãn-tõog t'a tar n dɩtẽ, n tar a meng rẽnda, la a maand sũ-noog ne a tʋʋmdã, bõn-kãng yaa Wẽnnaam kũuni.

Kowelɛt 6:2

Wẽnnaam kõta nina arzegse, paoongo, la ziiri, hal tɩ bũmb baa a yembr ka paoog yẽnda a sẽn datã pʋg ye. La Wẽnnaam yaool n ka kõ yẽnda pãn-tõog t'a rɩ b yõod ye. Yaa sãan n dɩt a yõodã. Woto me yaa zaalem, n yaa toog sẽn namsd ninsaala.

Kowelɛt 6:9

Ned sẽn na n maand sũ-noog ne a sẽn tar bũmb ningã n são a sẽn tagsd n dat n paam bũmb ningã. Yõwã me yaa zaalem la a wẽnda wa ned sẽn digd sebgo.

Kowelɛt 8:15

Dẽ, mam yeelame tɩ sũ-noog yaa sõama. Bala, bũmb ka be n yaa sõama ninsaal yĩng dũniyã ka, sã n ka t'a rɩ la a yũ la a maan sũ-noog ye. Yẽnda tog n paama woto, yẽnda tʋʋmã pʋgẽ dasem nins fãa Wẽnnaam sẽn kõ yẽnda t'a vɩɩmd dũniyã zug ka wã yĩnga.

Kowelɛt 9:6

Bãmb nonglmã, bãmb kisgrã, ne bãmb sũ-kiirã me fãa sɛɛme. Bãmb ka leb n tar pʋɩɩr ne bũmb nins fãa sẽn maand dũniyã zugã ye.

Kowelɛt 9:9

Maan sũ-noog ne pag ning fo sẽn nongã, vɩ-zaalg ning Wẽnnaam sẽn kõ foom dũniyã zugã wakate. Bala, yõwã la fo pʋɩɩr f vɩɩmã pʋga, la tʋʋmd ning fo sẽn maand dũniyã zugã pʋga.

1 Zã 2:16

Bala, bũmb nins fãa sẽn be dũniyã pʋgã, sã n ya yĩng ratem wẽngã, la ninã sẽn get bũmb nins n datã, la wilg-m-meng arzegs sẽn wat ne wã ka yit Wẽnnaam nengẽ ye, a yita dũni nengẽ.

Bʋ-kaoodba 14:2

La a Samsõ sẽn wa n lebg n kuilã, a yeela a baaba ne a ma yaa: «Mam sẽn kẽng Timna wã mam yãnda pʋg-sad Filistẽ-dãmbã kom-pugli sʋka, kẽng-y n tɩ kos-y-yã-a n kõ-m tɩ m maan m paga.»