Kowelɛt 12:7 - WẼNNAAM SEBRE 2014

⁷ la tomã sẽn nan ka lebg n leb tẽng tomẽ wã, wa a sẽn dag n yaa bũmb ning pĩndã, tɩ sɩɩgã leb n leb Wẽnnaam ning sẽn dag n kõ yẽnda wã nengẽ.

SEBR SÕNGO

⁷ Wakat kãng la ninsaal yĩnga na n leb a tomẽ tɩ yaa be la a yi yã, tɩ vɩɩma vʋʋsem me leb Wẽnnẽ tɩ bãmb n da fʋʋs-a.

Kowelɛt 12:7 Iomraidhean Croise

Sɩngrẽ 18:27

A Abrahaam leb n yeelame: «Mam leb n maanda raood n na n gom ne Zu-soabã. Mam yaool n yaa tẽng tom, la tompeglem bala.

Sɩngrẽ 2:7

Wẽnnaam Sẽn-Ka-Saab yãka tẽngã tom n maan ninsaala. La Wẽnnaam fʋʋsa ninsaal yõ-bogdã pʋga, n ning vɩɩm ninsaal pʋgẽ. La ninsaal lebga nin-vɩɩga.

Sɩngrẽ 3:19

La fo na n kaaga f rĩir tʋʋlg n yaool n paam dɩɩb n dɩ. Hal tɩ ta daar ning fo sẽn na n lebg n leb tẽng tomẽ wã. B sẽn yãk tẽng tom n maan foomã yĩnga. Bala, fo yaa tẽng tom, la fo na n leb n leba tẽng tomẽ.»

A. Zoobe 20:11

Yẽnda yĩngã tõr rag yaa wa bi-bɩɩg yĩng n tar pãnga, la rẽnda fãa na n naag n gãand tẽng tom pʋgẽ.

A. Zoobe 7:21

Bõe yĩng tɩ y ka tõe n kõ m kongrã sugri, bõe yĩng tɩ y ka basd m beegrã taale? Bala, moasã, mam na n gãanda tẽng tom pʋga, la yãmb na n baoo maam, rẽ tɩ mam ka leb n be ye.

Yɩɩn‑sõamyã 103:14

Bãmb mengã mi b sẽn tall bũmb ning n naan tõndo. Bãmb tẽrame tɩ tõnd yaa tẽng tom.

Yɩɩn‑sõamyã 104:29

Yãmb sã n solg y nenga, rabeem yõkd-b lame. Yãmb sã n deeg b vʋʋsmã, b kiidame n lebs tẽngã a tom.

Yɩɩn‑sõamyã 146:4

Bãmb vɩɩmã loogdame, b lebsda tẽngã a tom, la badaar bala, b saagrã tũud-b lame n menem.

Yɩɩn‑sõamyã 31:6

Mam basda m vɩɩmã yãmb nugẽ. Sẽn-Ka-Saab sẽn yaa sɩd Wẽnnaam, yãmb fãaga maam.

Yɩɩn‑sõamyã 90:3

Yãmb n tõe n kɩt tɩ ninsaal leb tẽng tomẽ, la yãmb yetame: «Ãdem yagense, lebg-y n leb-y-yã!»

A Ezayi 57:16

Mam ka na n zab ne bãmb wakat fãa ye, la m ka na n yik m sũur wakat fãa ye. Bala, yaa mam taoor la ninsaal sɩɩgã baasda, yaa vʋʋsem ning mam sẽn naanã.

Zeremi 38:16

La rĩm a Sedesiyaas soos n wẽena ne a Zeremi n yeel-a yaa: «Mam wẽenda ne Sẽn-Ka-Saab sẽn vɩ wã yʋʋre, sẽn naan-a tõndã, tɩ m ka na n kɩt tɩ b kʋ-fo, wall m bas-f nin-kãensã sẽn dat n kʋ foomã nugẽ ye.»

A Dãniyɛlle 12:2

La neb wʋsg sẽn gãe tẽng tomẽ na n vʋʋgame. Kẽer na n vʋʋgame n paam vɩɩm sẽn kõn sa, tɩ kẽer vʋʋg n paam yãnde, n vɩɩmd paoog-kãseng pʋg wakat sẽn kõn sa yĩnga.»

Zakari 12:1

Sɩbgr koɛɛga. Sẽn-Ka-Saab koɛɛg Israyɛll wɛɛngẽ. Ade, Sẽn-Ka-Saab sẽn yaa soab ning sẽn yɛdg sa-gãongã la b vigl tẽngã, n kɩt tɩ sɩɩg be ninsaalb pʋgẽ wã yetame:

Sõadga 16:22

La a Moyiis ne a Aarõ wõgemdame n fõgen b nens tẽng n yeel yaa: «Wẽnnaam! Yaa yãmb n kõt bũmb nins fãa yãmb sẽn naanã vɩɩm! Rẽ yĩnga, yãmb na n yika y sũur ne nin-kãensã fãa, tɩ yaool n yaa nin-yɛng bal n beegã?»

Sõadga 27:16

«Wẽnnaam Sẽn-Ka-Saabo, yãmb n kõt bõn-naandsã fãa vɩɩm, bɩ y yãk ned n lʋɩɩs y nebã taoore.

A Luk Sõng 23:46

La a Zeezi zẽka b koɛɛg n yeel yaa. M ba, m basda m sɩɩgã yãmb nugẽ. La a Zeezi sẽn gom a woto n sɛ, b kiime.

Tʋʋma 7:59

La b sẽn da lobd a Etɛn ne kugã, a ra pʋʋsdame n yetẽ: Zu-soab a Zeezi, reeg-y m sɩɩgã.

Ebre rãmba 12:23

La tigingã ne kom-dẽemsã b sẽn gʋls b yʋy arzãna sullã pʋgã, la Wẽnnaam sẽn yaa nebã fãa bʋ-kaoodã, la nin-tɩrs sẽn paam n zems zãngã sɩɩse.

Ebre rãmba 12:9

Tõnd sẽn paam yĩng ba-rãmb tɩ b ra sɩbgd tõnd tɩ tõnd waoog-bã, tõnd ka tog n sak d sɩɩs ba wã n yɩɩda, tɩ d tõe n paam vɩɩm?