Kowelɛt 12:5 - WẼNNAAM SEBRE 2014

⁵ la pʋg-sadb nins fãa sẽn yɩɩndã koees pãng sẽn na n booge, la ned sẽn yɛɛsd zĩ-zãonglgo, tɩ sorã fãa pid ne rabeem, la amand tɩɩg sẽn ningd a puudu, tɩ sʋʋr lebg zɩsg a yĩnga, tɩ kapr tɩɩg biis ka leb n tar noosem ye. Bala, ninsaal dabda a roog sẽn ka sɛt zĩigẽ, la yãbdbã zoet n pɩʋʋmda soayã,

SEBR SÕNGO

⁵ Sor sã n dʋʋda, a tũub wat n lebga rabeem ne-fo, nao wã zẽkr meng wat lebga toogo; f zoobda na n pelga wa laongo; yɩgd n vũud f yam wa sʋʋra ka na n le yɩg ye, f zelemda ka na n le bak toog la miisg ye. Daar n wate tɩ Adem biig fãa na n dɩk ra-babs sore la kʋ-yãbdba zoe n seglame n gũudẽ.

Kowelɛt 12:5 Iomraidhean Croise

Sɩngrẽ 42:38

A Zakoob yeelame: «Mam ka na n sak tɩ m biigã tũ yãmb n kẽng ye. Bala, yẽnda kẽema kiime, tɩ kell yẽnda a yembre. Yãmb sẽn na n dɩk sorã tɩ bũmb sã n tek n maan-a, yãmb na n kɩtame tɩ mam sig kɩɩm-kulg ne m zoob-peendã la ne sũ-sãanga.»

Sɩngrẽ 44:29

Dẽ wã, yãmb sã n deeg bi-kãngã me n bas maam, tɩ bũmb sã n tɩ maan-a, yãmb na n kɩtame tɩ mam sig kɩɩm-kulg ne m zoob-peendã ne sũ-sãanga.›

Sɩngrẽ 44:31

la tõnd ba wã sã n yãnd tɩ biigã ka tũud tõndo, b na n kiime. Rẽ na n yɩɩ tõnd sẽn yaa yãmb tʋmtʋmdbã n na n kɩt tɩ mam ba wã sẽn yaa yãmb tʋmtʋmdã sig kɩɩm-kulg ne a zoob-peendã la ne sũ-sãanga.

A. Zoobe 15:10

Neb n be tõnd sʋk n kʋʋl tɩ b zoobd pelge, tɩ b yʋʋmã yɩɩd fo ba wã yʋʋmã.

A. Zoobe 17:13

Mam gũuda bõe tɩ ka kɩɩm-kulgu? Lebga lik bida pʋgẽ la mam na n tɩʋ m gãagã.

A. Zoobe 30:23

N-yẽe! Mam miime tɩ yãmb talla maam n taas kɩɩm-kulgu, zĩig ning nin-vɩɩsã fãa sẽn na n seg taabã.

Yɩɩn‑sõamyã 71:18

Mam Wẽnnaam, baa mam sã n wa kʋʋl tɩ m zug pelge, bɩ y ra bas-m ye, hal tɩ m tõog n wilg zamaan-kãngã nebã yãmb nugã tʋʋmã, la m wilg zamaan ning sẽn wat-a wã yãmb pãng tʋʋmã.

Yelbũna 16:31

Zoob-peend yaa ziir maanfo, la yaa tɩrlem sor zug la b paamd-a.

Yelbũna 20:29

Kom-bɩɩsã pãng n yaa b nag-teoogo, la nin-kẽembã zoob-peend n yaa b waoogre.

Kowelɛt 9:10

Bũmb ning fo nug sẽn tõe n maan ne fo pãngã, bɩ f maan-a. Bala, tʋʋmde, tagsgo, la bãngr ne yam ka be kɩɩm-kulgu, zĩig ning fo sẽn dabdẽ wã ye.

A Ezayi 46:4

Maam n na n kell n ges y yell n tãag y kʋʋlem wakate, mam na n zãa yãmb hal n tãag y zoob-peend wakate. Maam n maan a woto ne yãmba, la m dat n leb n zãa yãmba, n tebend yãmb la m yols-yã.

Zeremi 1:11

Sẽn-Ka-Saab goma ne maam n yeele: ‹Zeremi, foom nee bõe? La mam leokame tɩ m nee tɩɩg ning sẽn ningd-a puud tao-tao wã willa.

Zeremi 9:16

Saasẽ-Pãng-Soabã yetame: Tags-y-yã! Bool-y pagb sẽn mi yãbrã tɩ b wa. Kẽng-y n tɩ bool-y sẽn mi-b yãbr sõamã wã tɩ b wa!

Maan‑kʋʋre 19:32

Bɩ y põond n waoog zoob-peend soaba, la y waoog nin-kẽema. Bɩ f zoe Wẽnnaam. Mam yaa Sẽn-Ka-Saabo.

Ebre rãmba 9:27

A wa a sẽn be ned fãa zug tɩ ki vugr bala (la kũumã poore, bʋʋd n watã),