Kowelɛt 12:2 - WẼNNAAM SEBRE 2014

² la sẽn deng wĩndgã ne vẽenemã, la kiuugã ne ãdsã sẽn na n sobge, la sawat sẽn na n pʋgl saag n wa wã.

SEBR SÕNGO

² Wakat kãng tɩ wĩndga kɩllame tɩ ya lika. Wakat kãng tɩ kiuuga la ãdsã sobame, tɩ saaga niid n pa yoogdẽ ye.

Kowelɛt 12:2 Iomraidhean Croise

Sɩngrẽ 27:1

A Izak rag n lebga nin-kẽema, t'a ninã pãng boog t'a ka leb n neẽ ye. A Izak boola yẽnda bi-kãseng a Ezayu, la a yeelame: «Ad-ma.»

Sɩngrẽ 48:10

A Israyɛll rag n kʋʋlame t'a ninã pãng boog t'a ka leb n neẽ ye. Dẽ, a Zozɛf kɩtame tɩ kambã kolg a Israyɛlle, la a Israyɛll mobg-b lame n mok-ba.

Yɩɩn‑sõamyã 42:7

Mam Wẽnnaam, m sũur sãamame, rẽ kɩtame tɩ m na n zĩnd hal Zʋrdẽ kʋɩlgẽ wã, ne Hɛrmo la Mitseyaar tãngẽ wã, n tẽeg yãmb yelle.

Yɩɩn‑sõamyã 71:20

Yãmb kɩtame tɩ yel-pakr ne tood wʋsg paam tõndo. La yãmb n na n leb n kõ maam vɩɩm, yãmb n na n leb n yiis maam bog-zulungã pʋga.

Yɩɩn‑sõamyã 77:16

Yãmb fãaga y nebã ne y nugã pãnga. Y fãaga a Zakoob ne a Zozɛf yagensã.

Yɩɩn‑sõamyã 90:10

Tõnd yʋʋmã sõor ka yɩɩd pis-yopoe ye. La yĩns keelem sã n beẽ, a tata pis-nii. La ne rẽ fãa, ket n yaa namsg la nimbãaneg bala. Bala, vɩɩmã loogda tao-tao. La tõnd na n loogame.

A Ezayi 13:10

Bala, ãdsã sẽn be yĩngrã ne b sulã kõn leb n kõ b vẽenem yɛs ye. La wĩntoogã pukr wakate, a na n sobgame, la kiuugã vẽenem kõn leb n tãoos ye.

A Ezayi 5:30

Badaare, b na n guglma bãmb zut wa ko-kãsengã sẽn guglumdã. B na n gesa tẽngã, la yaa lik ne toog bala. La sawad-taok n na n wa kɩt t'a vẽenemã lebg lika.

A Matiye Sõng 24:29

Tao-tao bala, ra-kãens toogã zugẽ, wĩndgã na n sobgame, kiuugã peelem kõn leb n zĩnd ye, ãdsã na n yii yĩngr n sʋʋge, la saasẽ pãensã na n digimdame.

1 Sãmwɛlle 3:2

Daar a yembre, a Eli rag n gãee a gãagẽ. A ninã pãng rag n booga wʋsgo, t'a ka leb n neẽ ye.

1 Sãmwɛlle 4:15

Wakat-kãng t'a Eli rag n tara yʋʋm pis-wɛ la a nii, la a ninã rag n ka leb n ne ye.

1 Sãmwɛlle 4:18

Raoã sẽn wilg kaoolã koglgã yellã bal yee, la a Eli sẽn yi a goeelã zug n lʋɩ a zãmbɛɛl tẽngã rignoor sɛɛgẽ, t'a yublã kao t'a ki. Bala, a rag n yaa nin-kẽema, la a mengã rag n zɩsame. A Eli yɩɩ Israyɛll nebã bʋ-kaood yʋʋm pis-naase.