Kowelɛt 12:1 - WẼNNAAM SEBRE 2014

¹ Tẽeg f naandã yell f bi-bɩɩlem wakate, tɩ f toogã wakat nan ka ta, tɩ yʋʋm nins fo sẽn na n wa yeel tɩ f ka tar sũ-noogã wakat nan ka kolge,

SEBR SÕNGO

¹ Tẽeg f Naanda yelle tɩ f ket n ya pẽbre. Tẽeg b yelle tɩ raara nan ket n zãra, daar ning f sẽn wat n yeele: «M ka le rɩt m vɩɩma sũ-noog ye.»

Kowelɛt 12:1 Iomraidhean Croise

Sɩngrẽ 39:2

La Sẽn-Ka-Saab rag n bee ne a Zozɛfe. A Zozɛf rag n paamda tõogr ne bũmbã fãa. Yẽnda rag n bee Ezɩpt nedã sẽn yaa yẽnda soaalã zakẽ.

Sɩngrẽ 39:23

Bi-bees roog gũudbã naab rag n ka leb n get a Zozɛf sẽn maand bũmb ningã baa yembr yell yɛs ye. Bala, Sẽn-Ka-Saab rag n bee ne a Zozɛfe. Sẽn-Ka-Saab kɩtame t'a Zozɛf paamd tõogr ne bũmb nins fãa a sẽn maandã.

2 Sãmwɛlle 19:35

La a Barzɩlayi leokame yaa: «Mam vɩɩmã rasem sõor ka leb n yaa wʋsg ye, dẽ wã, ka tɩlɛ tɩ mam tũ yãmb n kẽng Zeruzalɛm ye.

2 Sãmwɛlle 19:36

Mam tara yʋʋm pis-nii moasã. Mam ka leb n mi bũmb sẽn yaa noogo, ne bũmb sẽn ka noog n bak ye. Mam ka leb n mi rɩ-noog ne rã-noog ye. Yɩɩn-yɩɩndb yɩɩl noosem ka leb n kẽed maam ye. Dẽ wã, ka tɩlɛ tɩ mam wa yãmb nengẽ, n wa nams yãmb ye.

1 Rĩm-dãmbã 14:13

Israyɛll nebã fãa na n yãba biigã kʋʋre, la b mum-a. A Zeroboaam buudã sʋka, yaa bi-kãng bal n na n paam yaoogo. Bala, a Zeroboaam buudã sʋka, bi-kãng a yembr bal pʋgẽ, la Sẽn-Ka-Saab sẽn yaa Israyɛll Wẽnnaamã yã bũmb sẽn ta bãmb yam.

1 Rĩm-dãmbã 18:12

mam sã n loog n bas yãmba, Sẽn-Ka-Saab Sɩɩgã tõe n wa rɩka yãmb n kẽng zĩig ning mam sẽn ka mi. Dẽ, mam sã n kẽng n tɩ togs a Akaab tɩ yãmb bee ka, tɩ bãmb wa bao yãmb n konge, b na n kʋʋ maam. Mam yaool n zoeta Sẽn-Ka-Saab rabeem hal mam yãadem wakate.

A Neemi 4:14

Rẽ wã, yãmb sã n wa n wʋm baorgã peebgo, bɩ y yi yãmb sẽn beẽ wã, n zoe n wa mam nengẽ, n wa tigim taaba, la tõnd Wẽnnaamã na n zab n sõnga tõndo.

A. Zoobe 30:2

Bõe pʋgẽ la bãmb tõe n naf maam? Bãmb ka leb n tar pãng ye.

Yɩɩn‑sõamyã 119:55

Sẽn-Ka-Saabo, yʋngo mam tẽegda yãmb yʋʋrã yelle, la m sakda yãmb tõogã.

Yɩɩn‑sõamyã 34:11

Far ne kom tõe n yõka gɩgem-bi, la bũmb kõn tol n paoog neb nins sẽn baood Sẽn-Ka-Saabã ye.

Yɩɩn‑sõamyã 63:6

Mam na n tɩga wa ned sẽn dɩ rɩ-kaam ne sɩɩlem n tɩge. Mam na n kaasa ne sũ-noogo, la m noor na n pẽga yãmba.

Yɩɩn‑sõamyã 90:10

Tõnd yʋʋmã sõor ka yɩɩd pis-yopoe ye. La yĩns keelem sã n beẽ, a tata pis-nii. La ne rẽ fãa, ket n yaa namsg la nimbãaneg bala. Bala, vɩɩmã loogda tao-tao. La tõnd na n loogame.

Yelbũna 22:6

Zãms biig a yel-manesem sẽn tog n yɩ to-to. Woto, ba a sã n wa kʋʋl me, a ka na n bas-b ye.

Yelbũna 8:17

Mam nonga sẽn nong-b maamã. La sẽn baood-b maamã na n yãnda maam.

Kowelɛt 11:10

Rẽ yĩngã, rig sũ-pa-noaang t'a loog n bas-fo, la f zãag f meng ne wẽnga. Bala, yãadem ne bi-bɩɩlem wakat yaa zaalem.

Kowelɛt 11:2

Yãk fo sẽn tarã n pʋɩ ne neb a yopoe wall a nii, bala, fo ka mi toog ning sẽn na n wa zĩnd dũniyã zugã ye.

Kowelɛt 11:8

Ned sã n vɩ n kaoos yʋʋm wʋsgo, bɩ a maan sũ-noog yʋʋm-kãens fãa pʋgẽ. La bɩ a tẽeg tɩ likã rasem na n yɩɩ wʋsgo. Bũmb ning fãa sẽn na n wa wã yaa zaalem.

A Ezayi 26:8

Sẽn-Ka-Saabo, yãmb tõogã sẽn tuk sor ningã zugu, tõnd maanda tẽeb ne yãmba. Tõnd sẽn dat fãa yaa tɩ bool yãmb yʋʋrã.

Kʋʋr yɩɩla 3:27

Yaa neer tɩ rao fãa zãms tɩ tʋk a bi-bɩɩlem wakat yubl-balgre.

A Dãniyɛlle 1:17

Wẽnnaam kõo kom-bɩ-bãmbã b naasã bãngre, la yam tɩ b tõog n bãng sɛbã fãa kaoreng ne yẽesem, la a Dãniyɛll dag n tara bãngr n tõe n bilg vẽnegr ne zãmsd fãa võyã.

A Ooze 7:9

Sãambã sɛta b pãnga tɩ b ka miẽ ye. Kʋʋlem yõk-b lame tɩ b ka miẽ ye.

A Luk Sõng 1:15

Bala, yẽnda na n yɩɩ nin-kãseng Zu-soabã nifẽ. Yẽnda kõn yũ reezẽ rãam wall bõn-yũudl sẽn yilimd neng ye. Sɩɩg-sõng na n pida yẽnda a ma sẽn na n dog-a wakat bala.

A Luk Sõng 18:16

La a Zeezi kɩtame tɩ b wa ne kambã, la b yeele: Bas-y kom-bãoonegã tɩ b wa mam nengẽ la y ra gɩdg-b ye. Bala, Wẽnnaam soolmã yaa neb nins sẽn wẽnd-b bãmbã yĩnga.

Efɛɛz Rãmba 6:4

La yãmb sẽn yaa ba-rãmbã, ra maan-y bũmb sẽn yikd y kambã sũy ye. Wub-y-ba, n sagl-ba, la y keoog-b wa sẽn zems Zu-soabã raabo.

Yaoolem 8:18

Tẽeg-y Sẽn-Ka-Saab sẽn yaa yãmb Wẽnnaamã yelle. Bala, yaa bãmb n kõ yãmb pãng tɩ y paam arzɛka, n na n pids bãmb kaool ning b sẽn dag n wẽen ne y yaab-rãmbã wa b sẽn maand dũndã wã.

2 Tɩmote 3:15

Hal f yãadem wakate, fo bãnga Wẽnnaam sebrã. B tõe n kõo foom yam tɩ f tõog n paam fãagre, fo sẽn tẽed a Zeezi Kirisã.

1 Sãmwɛlle 1:28

Woto, mam me rat n dɩk-a lame n kõ Sẽn-Ka-Saabo, tɩ b soog-a a vɩɩmã tɛka. Dẽ, bãmb wõgemda Sẽn-Ka-Saab taoor beenẽ n waoog-ba.»

1 Sãmwɛlle 16:7

La Sẽn-Ka-Saab yeela a Sãmwɛll yaa: «Da ges a ra-sãndã ne a woglmã ye. Bala, mam zãgs-a lame. Sẽn-Ka-Saab ka get wa ninsaal sẽn getã ye. Ninsaal geta sẽn be ra-sãnde, la Sẽn-Ka-Saab geta sũuri.»

1 Sãmwɛlle 2:18

A Sãmwɛll dag n yeelga maan-kʋʋr fuug b sẽn wʋg ne lamd gĩsi, n maand Sẽn-Ka-Saab tʋʋmde.

1 Sãmwɛlle 2:26

La biig a Sãmwɛll dag n bɩtame, la a rag n taa Sẽn-Ka-Saab ne nebã fãa yam.