Kowelɛt 11:10 - WẼNNAAM SEBRE 2014

¹⁰ Rẽ yĩngã, rig sũ-pa-noaang t'a loog n bas-fo, la f zãag f meng ne wẽnga. Bala, yãadem ne bi-bɩɩlem wakat yaa zaalem.

SEBR SÕNGO

¹⁰ Yiis sũ-sãanga f sũurẽ la f zãag namsgo ne f yĩnga. Bi-bɩɩlem la vɩɩma sõor pukri la ka na n kaoos n loog ye.

Kowelɛt 11:10 Iomraidhean Croise

A. Zoobe 11:12

We-bõang sã n wa tõog n dog yir-bõanga, yalem me na n yaool n paam bãngre!

A. Zoobe 13:26

Bala, yãmb gʋlsa m yellã tɩ yaa toogo, yãmb sɩbgda maam m yãadmẽ kongrã yĩnga.

A. Zoobe 20:11

Yẽnda yĩngã tõr rag yaa wa bi-bɩɩg yĩng n tar pãnga, la rẽnda fãa na n naag n gãand tẽng tom pʋgẽ.

Yɩɩn‑sõamyã 25:7

Sẽn-Ka-Saabo, da tẽeg-y mam bi-bɩɩlem wakatẽ yel-wẽnã yell ye. Da-y tags-y mam kɩɩsgã yell me ye. Tẽeg-y mam yell wa sẽn zems y nonglmã, bala, yãmb yaa sõmblem soaba.

Yɩɩn‑sõamyã 39:5

Sẽn-Ka-Saabo, kɩt-y tɩ m bãng m baoosg sẽn na n yɩ to-to, la y wilg maam m dasmã sõore. Kɩt-y tɩ m bãng tɩ m yaa bõn-loaagdg bala.

Yɩɩn‑sõamyã 39:6

Ade, yãmb kɩtame tɩ m vɩɩmã woglem ka yɩɩd nug-pʋg ye. La mam vɩɩmã woglem yaa wa walem bal yãmb taoore. Yaa sɩda, ninsaal buudã fãa yaa wa pemsem bala.

Yelbũna 22:15

Biig sũur pida ne yalemdo, la f sã n dems-a ne wẽedo, a na n basa a yalemdã.

Kowelɛt 1:14

Mam yãnda tʋʋm nins fãa sẽn maand saasã tẽngrã. Fãa yaa zaalem. Fãa yaa wa ned sẽn digd sobg bala.

Kowelɛt 1:2

Koɛɛg soabã yeelame yaa: «Zaalem woo zaalem, bũmb fãa yaa zaalem.

Kowelɛt 12:1

Tẽeg f naandã yell f bi-bɩɩlem wakate, tɩ f toogã wakat nan ka ta, tɩ yʋʋm nins fo sẽn na n wa yeel tɩ f ka tar sũ-noogã wakat nan ka kolge,

2 Korẽnt rãmba 7:1

Woto yĩnga, m zo-nongdse, tõnd sẽn tar kãab-kãensã wã, bɩ d yɩlg d mens ne rẽgd ning sẽn dẽgemd yĩngã ne sɩɩgã, n bɩ sõmblem sẽn zems zãng pʋgẽ n paase, Wẽnnaam dabeem zoees pʋgẽ.

2 Tɩmote 2:22

Zãag ne yãadem datem wẽnsã, la f bao tɩrlem, la tẽebo, la nonglem, la laafɩ ne neb nins sẽn pʋʋsd Zu-soabã ne sũy sẽn yaa yɩlma.