Kowelɛt 1:17 - WẼNNAAM SEBRE 2014

¹⁷ Mam dag n tagsdame n dat n bãng yam ne zu-kaalgo, la yalemd võore. La mam mikame tɩ yõwã me yaa wa ned sẽn digd sobg bala.

SEBR SÕNGO

¹⁷ Mam maaga m menga n welg yam vẽenem soaba la gãeenga, n welg sẽn wẽnd yam bũmbu ne sẽn wẽnd yalemdo. M bãnga tʋʋmd ning m sẽn kõ m menga sẽn wẽnd a soaba: yaa wudg n bir sobgo bala.

Kowelɛt 1:17 Iomraidhean Croise

Yɩɩn‑sõamyã 73:16

Dẽ, mam tagsame n na n wʋm bõn-kãng võore, la yɩɩ toog ne maam.

Kowelɛt 12:8

Koɛɛg Soabã yetame: «Zaalem fasɩ! Bũmb fãa yaa zaalem bala.»

Kowelɛt 2:17

Dẽ, mam kisga vɩɩmã, bala, tʋʋm nins fãa sẽn maand dũniyã zugã yaa wẽnse. Bala, fãa yaa zaalem, a wẽnda wa ned sẽn digd sebgo.

Kowelɛt 2:3

Mam yãka yam n na n noog m sũur ne reezẽ rãam, la m gũus m meng n kẽn ne yam, la m loe m meng ne yalemd ning mam sẽn maandã, n tõog n bãng ninsaalbã sẽn maand bũmb ning dũniyã zug b vɩɩmã wakatã sã n zemsame.

Kowelɛt 3:19

Bala, bũmb ning sẽn paamd ninsaalbã ne bũmb nins sẽn paamd rũmsã yaa bũmb a yembre. A yembr kiida wa a to. Bãmb b yiibã fãa yõy vʋʋsem yaa bũmb a yembre. Ninsaal ka yɩɩd rũng ye. La bũmbã fãa yaa zaalem

Kowelɛt 4:4

Mam yãndame tɩ tʋʋm nins fãa nebã sẽn maandã, la tõogr ning nebã sẽn tõogd b tʋʋmã pʋgã, yaa sũ-kiir la ned kam fãa maand ne a to. Woto me yaa zaalem, la a wẽnda wa ned sẽn digd sebgo.

Kowelɛt 4:6

Nug-pʋg pʋgẽ vʋʋsg n são nug pʋs a yiib pʋgẽ tʋʋmd sẽn wẽnd f sẽn digd sebgo.

Kowelɛt 6:9

Ned sẽn na n maand sũ-noog ne a sẽn tar bũmb ningã n são a sẽn tagsd n dat n paam bũmb ningã. Yõwã me yaa zaalem la a wẽnda wa ned sẽn digd sebgo.

Kowelɛt 8:16

Mam sẽn wa n dat n bao n bãng yam sẽn yaa bũmb ningã, la m na n tags yell ning sẽn maand dũniyã zug ka wã yelle, tɩ ninsaal ka tõe n gũs wĩntoog ne yʋngã,

Kowelɛt 9:3

Bõn-kãngã fãa yaa wẽnga, la a bee bũmb nins fãa sẽn maand dũniyã zugã pʋgẽ. Bala, yɛlã paamda nebã fãa. La sẽn paase, ninsaalbã sũyã pida ne wẽnga, la yalemd bee b sũyã pʋsẽ, b vɩɩmã wakate. Dẽ poore, bãmb rabda kũum zĩigẽ.

1Tesalonik Rãmba 5:21

Bʋ-y bũmb fãa yelle, tɩ sẽn yaa sõama bɩ y reege,