Kowelɛt 1:13 - WẼNNAAM SEBRE 2014

¹³ Mam tagsame n na n bao ne yam n bãng bũmb nins fãa sẽn maand saasã tẽngrã võore. Wẽnnaam dɩka tʋʋm toog n kõ ninsaalbã.

SEBR SÕNGO

¹³ Mam maaga m meng ne yam kãsenga, n ges neere bũmb fãa sẽn maand saaga tẽngre. Mik waa! Yaa tʋʋm toog bala la Wẽnnaam rɩk n tãng ninsaalba. Yaa tʋʋmd sẽn dat gũusgu la b kõ Adem biisi.

Kowelɛt 1:13 Iomraidhean Croise

Sɩngrẽ 3:19

La fo na n kaaga f rĩir tʋʋlg n yaool n paam dɩɩb n dɩ. Hal tɩ ta daar ning fo sẽn na n lebg n leb tẽng tomẽ wã. B sẽn yãk tẽng tom n maan foomã yĩnga. Bala, fo yaa tẽng tom, la fo na n leb n leba tẽng tomẽ.»

A. Zoobe 28:3

Bãmb widigda bugum, Bãmb kẽeda tẽngã zĩ-zulums pʋgẽ n baood kug sẽn be lik pʋgẽ, sẽn be kũum maasmẽ wã.

Yɩɩn‑sõamyã 111:2

Sẽn-Ka-Saab tʋʋmã yaa kãsemse, tɩ sẽn nong-b bãmbã baood n bãng-ba.

Yelbũna 18:1

Sẽn vɩ-a a yembr maanda a sẽn date, la saglg buud fãa puugda a sũuri.

Yelbũna 18:15

Sẽn tar-a yam paamda bãngre, la yam soab kelgd n baooda bãngre.

Yelbũna 23:26

M biiga, kɩs sɩd ne maam, la f rɩk m mamsg ne sũ-noogo.

Yelbũna 25:2

Wẽnnaam waoogrã yaa b sẽn solgd b yɛlã. La rĩm waoogr yaa a sẽn veesd n bãng yɛlã n yaool n tʋma.

Yelbũna 4:7

Fo sã n dat n yɩ yam soaba, bɩ f bao yam. La f maan f sẽn tõe tɛk fãa n bao bãngre.

Kowelɛt 1:17

Mam dag n tagsdame n dat n bãng yam ne zu-kaalgo, la yalemd võore. La mam mikame tɩ yõwã me yaa wa ned sẽn digd sobg bala.

Kowelɛt 11:5

Fo sẽn ka mi sobg sẽn tũud zĩig ningã, wall kõab sẽn sũgd taab to-to pag sẽn tʋt pʋgẽ wã, woto me, fo ka tõe n bãng tʋʋmd ning Wẽnnaam sẽn maandã fãa ye.

Kowelɛt 12:12

M biiga, bũmb ning sẽn keta, gũus f meng n paam zãmsg bõn-kãens pʋga. B sã n baood n gʋls sɛb wʋsgo, b kõn tol n gʋls n sɛ ye. La zãmsg wʋsg yaamsda yĩnga.

Kowelɛt 2:23

Yẽnda rasmã fãa yaa sũ-sãanga. La yẽnda yɛlã fãa yaa toogo. Baa yʋngo, yẽnda sũurã ka tar vʋʋsg ye. Yõwã me yaa zaalem.

Kowelɛt 2:26

Ned manesem sã n tat Wẽnnaam yam, bãmb kõta a soab yam la bãngre, la sũ-noogo. La bãmb kõta yel-wẽn soab namsgo, t'a tʋm n wʋk n bĩng ned ning sẽn tat Wẽnnaam yamã. Woto me yaa zaalem, la a wẽnda wa ned sẽn digd sebgo.

Kowelɛt 3:10

Mam yãnda tʋʋmd ning Wẽnnaam sẽn kõ ninsaalbã tɩ b maanã.

Kowelɛt 3:11

Wẽnnaam maana bũmb fãa sõama n zems a wakate. Bãmb ninga wakat sẽn ka sɛt tagsg ninsaal sũur pʋgẽ, baa ne yẽnda sẽn ka tõe n tags n bãng tʋʋmd ning Wẽnnaam sẽn maan hal sɩngr tɩ ta sɛɛbã.

Kowelɛt 4:4

Mam yãndame tɩ tʋʋm nins fãa nebã sẽn maandã, la tõogr ning nebã sẽn tõogd b tʋʋmã pʋgã, yaa sũ-kiir la ned kam fãa maand ne a to. Woto me yaa zaalem, la a wẽnda wa ned sẽn digd sebgo.

Kowelɛt 4:8

Yaa ned sẽn yaa a yembr n ka tar doagd ye. Yẽnda ka tar bi-ribl wall ba-biig ye. La baoosgo, yẽnda tʋʋmdã ka tar tɛk ye. Yẽnda ninã ka tɩgd arzegs ye. Yaa ãnda yĩng la mam sẽn tʋmd n mongd m meng sũ-noog woto wã? Woto me yaa zaalem la a yaa tʋʋmd sẽn yaa wẽnga.

Kowelɛt 7:25

La mam maaga m meng n na n vees n bao n bãng yam, la m bãng bũmb ning sẽn be wã võore. La m bãngame tɩ nin-toolem yaa yalemdo, la gãeemd yaa zu-kaalgo.

Kowelɛt 8:9

Mam yãnda bõn-kãens fãa wakat ning mam sẽn tags n ges tʋʋm nins fãa sẽn maand dũni zug ka wã yellã. Wakat n be tɩ ninsaal tõe a to n maand-a wẽnga.

1 Tɩmote 4:15

Maan tʋʋm‑kãng neere, n dɩk f meng n kõ-a, tɩ nebã fãa na yã tɩ fo kẽngda taoore.