A Ɛstɛɛre 9:16 - WẼNNAAM SEBRE 2014

¹⁶ La Zʋɩf-rãmb a taab nins sẽn be rĩmã soolem toay-toayã pʋsẽ wã, tigma taab n na n zab n fãag b yõore, la b kogl b meng ne b bɛɛbã. Dẽ, bãmb kʋʋ neb tus-pis-yopoe la a nu, la bãmb ka sɩɩs b pãoongã ye.

A Ɛstɛɛre 9:16 Iomraidhean Croise

Sɩngrẽ 34:27

A Zakoob kambã kẽngame n tɩ kʋ tẽngã nebã, la b zɛ b sẽn so wã, tɩ bala, b sãama bãmb tão-poaka.

A Ɛstɛɛre 8:11

Ne seb-kãense, rĩmã rag n kõta Zʋɩf-rãmb nins fãa sẽn be tẽmsã fãa pʋsẽ wã noore, tɩ b tigim taab n zab n fãag b yõore. La b sãame, la b kʋ, la b menes buud nins fãa neb nins sẽn be tẽmsã pʋsẽ, la rĩmã soolem-dãmbã fãa pʋgẽ, n dat n yik n zab ne Zʋɩf-rãmbã. B yeelame tɩ b kʋ b pagbã ne b kambã, la b zɛ b paoongã me.

A Ɛstɛɛre 9:2

Bãmb tẽmsã fãa pʋsẽ, rĩm a Asiruus soolem-dãmbã fãa pʋse, Zʋɩf-rãmbã tigma taab n na n zab ne neb nins sẽn dag n dat bãmb ne wẽngã, la ned ba a yembr ka tõog n yals bãmb taoor ye. Bala, Zʋɩf-rãmbã rabeem yõka nebã fãa.

Yɩɩn‑sõamyã 149:7

Bãmb dat n doka b sũur ne bu-zẽmsã, la b sɩbg buud toay-toayã,

Yɩɩn‑sõamyã 37:15

Bãmb sʋʋsã na n wẽneg n kõsa b mensã sũyã, la b tãbdã na n kaoome.