A Ɛstɛɛre 9:1 - WẼNNAAM SEBRE 2014

¹ Kiuug piig la a yiib soabã sẽn yaa Adaar kiuugã rasem piig la a tãab daare, daar ning rĩmã sẽn kõ noore, la a yiis tõog n wilgd nebã sẽn dag n tog n maanã daar sẽn ta, daar ning Zʋɩf-rãmbã bɛɛb sẽn dag n tẽed tɩ bãmb na n tõoga Zʋɩf-rãmbã, yellã wẽnemdame, n lebg tɩ yaa Zʋɩf-rãmbã n tõog b bɛɛbã.

A Ɛstɛɛre 9:1 Iomraidhean Croise

2 Sãmwɛlle 22:41

Yãmb kɩtdame tɩ mam bɛɛbã zoet mam taoore, la m na n menesa sẽn kis-b maamã zãnga.

A Ɛstɛɛre 3:13

La b tʋma seb-kɩtbã ne sɛbã, tɩ b saag soolem toay-toayã fãa pʋsẽ n kɩse: sɛbã rag n kõta noor tɩ b sãam Zʋɩf-rãmbã, n kʋ-ba, la b menes-b zãnga. B kom-bɩɩse, b nin-kẽemba, la pagbã ne kambã fãa, la b zɛ b paoongã. Sãoongã tog n yɩɩ daar a yembr pʋgẽ, yaa kiuug piig la yiib soabã sẽn yaa Adaar kiuugã rasem piig la tãabã daare.

A Ɛstɛɛre 3:7

Rĩm a Asiruus sẽn deeg a naamã tɩ yʋʋm piig la yiiblẽ soabã, pipi kiuugã sẽn yaa Nisã kiuugã pʋgẽ wã, a Haman kɩtame tɩ b maan poeere, daar fãa zugu, sẽn sɩng ne pipi kiuugã n tɩ tãag kiuug piig la yiibẽ soabã sẽn yaa Adaar kiuugã, n dat n bãng daar ninga, wall kiuug ning sẽn zems ne yẽnda sẽn dat n maan bũmb ningã.

A Ɛstɛɛre 8:12

La yõwã fãa na n yɩɩ daar a yembr pʋgẽ, rĩm a Asiruus soolem-dãmbã fãa pʋsẽ, kiuug piig la a yiib soabã b sẽn boond tɩ Adaar kiuug rasem piig la a tãabã daare.

A Ɛstɛɛre 8:6

Mam na n maana a wãn n get toog ning sẽn na n paam mam nebã, n ka yeel tɩ yelle? N-yẽe, mam na n maana a wãn n get mam buudã sãoongã n ka maan bũmbu.

A Ɛstɛɛre 9:17

Bõn-kãens fãa maana Adaar kiuugã rasem piig la a tãab daarã. La kiuugã rasem piig la a naasã daare, bãmb vʋʋsame. La badaar yɩɩ tigri, la sũ-noog wʋsg daare.

Yɩɩn‑sõamyã 18:40

Yãmb kõta maam pãng tɩ m tõe n zabe, yãmb kɩtdame tɩ mam tõog m bɛɛbã.

Yɩɩn‑sõamyã 30:11

Sẽn-Ka-Saabo, kelg-y-ma, la y zoe m nimbãanega! Sẽn-Ka-Saabo, sõng-y-ma!

Tʋʋma 12:11

Dẽ, a Pɩyɛɛr yam vẽnegame t'a bãng bũmb ning sẽn maanã. La a yeelame yaa: Moasã, mam bãnga sɩd-sɩd tɩ yaa Zu-soabã n tʋm malɛɛk t'a fãag maam rĩm a Erood nugẽ la ne bũmb ning fãa Zʋɩf-rãmbã sẽn da rat n maan maamã.

Yaoolem 32:36

N-yẽe! Sẽn-Ka-Saab n na n kao b nebã bʋʋdo. Bãmb sã n yãnd tɩ b nebã pãng sɛɛme, tɩ yembs ne burkĩmb ka leb n beẽ, bãmb na n zoee b tʋmtʋmdbã nimbãanega.

Vẽnegre 11:18

Soolem toay-toayã rãmb ra yika b sũyã, la yãmb sũ-puugrã waame, la wakat taame tɩ y na n kao neb nins sẽn ki wã bʋʋdo, la y keo y no-rɛɛsdbã sẽn yaa yãmb tʋmtʋmdbã ne y nin-tũusdsã la neb nins sẽn zoet yãmb yʋʋrã, nin-tals la nin-kãsemse, la y sãam neb nins sẽn sãamd tẽngã.