A Ɛstɛɛre 8:8 - WẼNNAAM SEBRE 2014

⁸ Moasã, bɩ yãmb mengã gʋls bũmb ning yãmb sẽn tagsd tɩ yaa sõama n tõe n sõng Zʋɩf-rãmbã ne rĩmã yʋʋre, n ning rĩmã nug-tikr bãnde. Bala, sebr sẽn gʋls ne rĩmã yʋʋr n ning rĩmã nug-tikr bãnd ka tõe n tek ye.

A Ɛstɛɛre 8:8 Iomraidhean Croise

1 Rĩm-dãmbã 21:8

Dẽ, a Zezabɛll gʋlsa sɛb rĩm a Akaab yʋʋr yĩnga, n ning a Akaab nug-tikr bãndã sɛbã zutu. La yẽnda tʋma sɛbã tɩ b tɩ kɩs kãsem-dãmbã ne kug-zĩidbã sẽn be tẽng ning a Nabot sẽn beẽ wã.

A Ɛstɛɛre 1:19

Sã n mikame tɩ taa rĩmã yam, bɩ b yãk tõog sẽn ka tõe n viigi, n wilgd tɩ rĩm-poak a Vasti kõn tol n leb n wa rĩm a Asiruus taoor yɛs ye. La rĩmã na n dɩka a Vasti naamã n kõ pag a to sẽn são yẽnda. La b kɩt tɩ b gʋls tõ-kãngã Meed ne Pɛrs-rãmbã tõogã sebr pʋgẽ.

A Ɛstɛɛre 3:12

Dẽ, pipi kiuugã rasem piig la tãabã daare, b boola rĩmã sɛb-gʋndbã tɩ b wa. La b gʋlsa a Haman sẽn yãk noor ningã fãa sɛb pʋsẽ, n na n kõ rĩmã kombɛɛmbã, nanambsã, la soolem toay-toayã gʋvɛrneer dãmbã, la buud toay-toayã nanambse. Soolem fãa ne a gʋlsem, la buud fãa me ne a goamã, la b gʋlsa rĩm a Asiruus yʋʋr yĩnga, n ning rĩmã nug-tikr bãnde.

A Ɛstɛɛre 8:10

B gʋlsa sɛbã ne rĩm a Asiruus yʋʋre, n ning rĩmã nug-tikr bãnde, la b rɩk-b n tʋm wed-rʋʋdb nins sẽn zao wiid nins rĩmã sẽn dag n tũus tɩ yaa sõama n tar pãng n be rĩmã zakẽ wã.

A Ɛstɛɛre 8:5

A Ɛstɛɛr yeela rĩmã yaa: «Sã n taa rĩmã yam, la sã n yaa tɩ rĩmã nonga maam, la rĩmã sã n dat n maan maam neere, la rĩmã sũur sã n yaa noog ne maam, bɩ b gʋls sebr sẽn wilgd tɩ Agaag ned a Hamedata biig a Haman sẽn dag n gʋls sebr ning n dat n sãam Zʋɩf-rãmbã fãa sẽn be rĩmã soolmẽ wã lebga zaalem.»

A Dãniyɛlle 6:8

Yãmb soolmã taoor dãmbã, ne tẽngã laog yel-gɛtbã, la nanambsã, ne sagendbã, la kombɛɛmbã fãa tagsame tɩ yaa neere, tɩ yãmb yiis tõog sẽn ka viigda, n wilg tɩ ka ne rasem pis-tã pʋgẽ, ned sã n bas yãmb n pʋʋs Wẽnnaam a to, wall a pʋʋs ned a to, bɩ b lob a soab gɩgmã wã bokẽ.

2 Tɩmote 2:19

Baoosgo, yẽbg-kãenkãe ning Wẽnnaam sẽn yẽbgã yasame, la gomd ning sẽn pʋgdã ning-a-la bãnde: Zu-soabã mii neb nins sẽn yaa bãmb dẽndã, la ned ning fãa sẽn pʋt Zu-soabã yʋʋr tog n basa ka-tɩrlem.