A Ɛstɛɛre 8:10 - WẼNNAAM SEBRE 2014

¹⁰ B gʋlsa sɛbã ne rĩm a Asiruus yʋʋre, n ning rĩmã nug-tikr bãnde, la b rɩk-b n tʋm wed-rʋʋdb nins sẽn zao wiid nins rĩmã sẽn dag n tũus tɩ yaa sõama n tar pãng n be rĩmã zakẽ wã.

A Ɛstɛɛre 8:10 Iomraidhean Croise

1 Rĩm-dãmbã 21:8

Dẽ, a Zezabɛll gʋlsa sɛb rĩm a Akaab yʋʋr yĩnga, n ning a Akaab nug-tikr bãndã sɛbã zutu. La yẽnda tʋma sɛbã tɩ b tɩ kɩs kãsem-dãmbã ne kug-zĩidbã sẽn be tẽng ning a Nabot sẽn beẽ wã.

2 Kibayã 30:6

Woto, Koe-toagsdbã looga ne sɛb nins rĩmã ne a nanambsã sẽn gʋlsã, Israyɛll ne Zʋʋda soolmã fãa pʋgẽ. La wa rĩmã sẽn kõ noor ninga wã, bãmb dag n moondame n yetẽ: «Israyɛll kamba, yãmb sẽn yaa neb nins sẽn põs Asiiri rĩm-dãmbã sãoongã, lebg-y n wa-y Sẽn-Ka-Saab sẽn yaa a Abrahaam, ne a Izake, la a Zakoob Wẽnnaamã nengẽ, la bãmb me na n lebg n wa yãmb sẽn pa-b ka wã nengẽ.

A Ɛstɛɛre 8:8

Moasã, bɩ yãmb mengã gʋls bũmb ning yãmb sẽn tagsd tɩ yaa sõama n tõe n sõng Zʋɩf-rãmbã ne rĩmã yʋʋre, n ning rĩmã nug-tikr bãnde. Bala, sebr sẽn gʋls ne rĩmã yʋʋr n ning rĩmã nug-tikr bãnd ka tõe n tek ye.

A. Zoobe 9:25

Mam dasmã loogda tao-tao n yɩɩd ned sẽn zoete. Bãmb loogdame n ka tol n yãnd vɩ-noog ye.

Kowelɛt 8:4

Bala, baa rĩm sẽn yeel bũmb ninga, yẽnda n so pãnga. Dẽ wã, ãndã n tõe n sok yẽnda t'a maanda bõe?

A Ezayi 60:6

Fo tẽngã na n pida ne yʋgma wʋsgo. Yaa Madiyã ne Efa tẽng yʋgma, la b fãa yita Seba tẽnga. Bãmb zɩta sãnem ne wisd n watẽ, n moond Sẽn-Ka-Saab pẽgrã.

A Ezayi 66:20

B na n talla yãmb saam-biisã fãa sẽn dag n be buud a taabã sʋkã n leb n wa tɩ yɩ kũun Sẽn-Ka-Saab yĩnga, b na n zombga bãmb wiidi, saar-dãmb zutu, la terok-rãmb sẽn bas vɩʋʋg pʋse, ne bõn-weese, la yʋgma zutu, n tall-b n wa mam tãn-sõngã zug Zeruzalɛm. Maam a Sẽn-Ka-Saab n yeele. A na n yɩɩ wa Israyɛll nebã sẽn ning b kũun lagd sẽn yaa yɩlma pʋs n tar n wat Sẽn-Ka-Saab roogẽ wã.

Zeremi 2:23

Yãmb ka tar zug n na n yeele: «Tõnd ka rẽgem d mens ye, tõnd ka tũ Baall-dãmbã ye!» Ges-y y sorã sẽn tɩ be long pʋgã. Ges-y y sẽn maandã. Yãmb wẽnda wa yʋgem-yãang sẽn saad n yeebdẽ!

Zeremi 51:21

Foom la m tall n beds weefã ne a rʋʋdã, la a saarã ne a soabã.

A Dãniyɛlle 4:1

«Maam a Nebukatnedzaar dag n vɩɩ bãan m na-yirã pʋga, n be m na-zakẽ wã tɩ m vɩɩm yaa noogo.

A Dãniyɛlle 6:8

Yãmb soolmã taoor dãmbã, ne tẽngã laog yel-gɛtbã, la nanambsã, ne sagendbã, la kombɛɛmbã fãa tagsame tɩ yaa neere, tɩ yãmb yiis tõog sẽn ka viigda, n wilg tɩ ka ne rasem pis-tã pʋgẽ, ned sã n bas yãmb n pʋʋs Wẽnnaam a to, wall a pʋʋs ned a to, bɩ b lob a soab gɩgmã wã bokẽ.