A Ɛstɛɛre 4:3 - WẼNNAAM SEBRE 2014

³ Soolem nins fãa pʋs rĩmã sẽn yãk noor ne bũmb ningã sẽn ta, a yɩɩ sũ-sãan-kãseng Zʋɩf-rãmbã sʋka. B rag n loeta noore, n yãbd n wiisdẽ. Neb wʋsg rag n gãee bot zutu, la tompeglem pʋga.

A Ɛstɛɛre 4:3 Iomraidhean Croise

A Ɛstɛɛre 1:1

Rag n yaa rĩm a Asiruus wakate. Yaa Asiruus ning sẽn dag n dɩt naam Ẽnd soolmã n tɩ tãag Kuus soolmã. Bãmb fãa yaa soolem-dãmb koabg la pisi la a yopoe.

A Ɛstɛɛre 3:12

Dẽ, pipi kiuugã rasem piig la tãabã daare, b boola rĩmã sɛb-gʋndbã tɩ b wa. La b gʋlsa a Haman sẽn yãk noor ningã fãa sɛb pʋsẽ, n na n kõ rĩmã kombɛɛmbã, nanambsã, la soolem toay-toayã gʋvɛrneer dãmbã, la buud toay-toayã nanambse. Soolem fãa ne a gʋlsem, la buud fãa me ne a goamã, la b gʋlsa rĩm a Asiruus yʋʋr yĩnga, n ning rĩmã nug-tikr bãnde.

A Ɛstɛɛre 4:16

«Kẽng-y n tigm-y Zʋɩf-rãmb nins fãa sẽn be Suuz na-tẽngã pʋgẽ wã, tɩ y loe noor mam yĩnga, n da rɩ rɩɩbo, la y ra yũ koom, wĩndg la yʋng hal tɩ ta rasem a tãabo. La maam ne m tʋmtʋmd-pogsã me na n loee noor wa yãmba. Dẽ poore, mam na n kẽnga rĩmã nengẽ, baa ne tõogã sẽn gɩdgã. Ba sã n yaa tɩlɛ tɩ mam ki, mam na n kiime.»

A Ɛstɛɛre 4:2

La yẽnda kolga rĩmã rignoor n yalse, bala, ned rag n ka segd n yeelg bot n tũ rĩm rignoorã n kẽ ye.

A Ɛstɛɛre 4:4

A Ɛstɛɛr tʋmtʋmd-pogsã ne a zu-soben-dãmbã wa n togsa yẽnda bõn-kãnga, la rĩm-poak a Ɛstɛɛr sũurã sãama wʋsgo. A Ɛstɛɛr kɩsa fut tɩ b tɩ kõ a Mardoose t'a yeeg a botã la a yeelge, la a Mardoose zãgsame.

A Ɛstɛɛre 9:31

Bãmb sẽn maanã yaa sẽn na n kɩte, tɩ b vigl ra-kãens tɩ yaa Purim tigr rayã, wa zʋɩf a Mardoose ne rĩm-poak a Ɛstɛɛr sẽn dag n yãke, bãmb mensã ne b yagensã yĩngã, tɩ yaa no-loeere, la wiisg rayã.

A. Zoobe 2:8

A Zoob rɩka sa-pees n zagemd a yĩngã, la a zĩ tompeglmẽ.

A Ezayi 22:12

Badaare, Zu-soabã sẽn yaa Saasẽ-Pãng-Soabã boonda yãmb tɩ y wa yãb n wiisi, la y põng y zut n sẽgen boto.

A Ezayi 22:4

Rẽ n kɩte tɩ mam yetẽ: «Wẽnemd-y y nens n da leb n ges maam ye. Bas-y maam tɩ m yãb n wiisi. Da bao-y tɩ bels maam, Zeruzalɛm sẽn yaa mam nin-nongdsã sãoong yĩng ye.

A Ezayi 58:5

Rẽ yĩnga, yaa no-loeer a woto buud la mam dat sɩda, yaa ned sẽn mongd a meng bũmb daar pʋgẽ? Yaa ned sẽn sulgd a zug wa tãnwĩiga, la a yeelg bot n gãe tompeglmẽ la? Rẽ yĩnga, yãmb boonda yõwã tɩ no-loeere? Yõwã yaa daar sẽn tat Sẽn-Ka-Saab yam sɩda?

Ezekiyɛl 27:30

Bãmb na n zẽka b koees n yãb fo yĩnga, bãmb na n kelma ne sũ-sãanga. Bãmb na n yuga b zut tom, bãmb na n bilma tompeglmẽ.

A Dãniyɛlle 9:3

Dẽ, mam loee noore, la m yeelg sũ-sãang fuugu, n yug m zug tompeglem, n na n pʋʋs Zu-soab a Wẽnnaam ne se-yõkre.

A Zonaase 3:6

La Niniiv naabã sẽn wʋm kibarã, a yika a naamã geer zug n yeeg a naamã kobre, la a yeelg sũ-sãang fuug n zĩnd tompeglmẽ.

A Matiye Sõng 13:42

La b na n loba bãmb wʋng bugmẽ, la be na n yɩɩ yãbr la yẽn wãbr zĩiga.

A Matiye Sõng 22:13

Dẽ, rĩmã yeela tʋmtʋmdbã yaa: «Sẽb-y-yã a nao wã ne a nusã, n lob-a lik bida sẽn be yɩngã pʋgẽ. Yãbr la yẽn wãbr na n zĩnda be.»

A Matiye Sõng 25:30

La sã n yaa ne tʋmtʋmd ning sẽn ka-a yõodã, lob-y-yã-a lik bida sẽn be yɩngã pʋgẽ, beenẽ na n yɩɩ wiisg la yẽn wãbr n na n zĩndi.»

Zozuwe 7:6

A Zozoe sũurã sãamame t'a kẽes a futu, n wõgemd n fõgen a neng tẽng Sẽn-Ka-Saab kaoolã koglgã taoor n pa be tɩ ta zaabre, yẽnda ne Israyɛll kãsem-dãmbã. La b yuga b zut tom.

1 Sãmwɛlle 11:4

Neb nins b sẽn tʋmã sẽn ta Gɩbeya a Sayull sẽn beẽ wã n togs koe-kãngã tɩ nebã wʋma, b fãa zẽka b koees n yãbe.