A Ɛstɛɛre 4:16 - WẼNNAAM SEBRE 2014

¹⁶ «Kẽng-y n tigm-y Zʋɩf-rãmb nins fãa sẽn be Suuz na-tẽngã pʋgẽ wã, tɩ y loe noor mam yĩnga, n da rɩ rɩɩbo, la y ra yũ koom, wĩndg la yʋng hal tɩ ta rasem a tãabo. La maam ne m tʋmtʋmd-pogsã me na n loee noor wa yãmba. Dẽ poore, mam na n kẽnga rĩmã nengẽ, baa ne tõogã sẽn gɩdgã. Ba sã n yaa tɩlɛ tɩ mam ki, mam na n kiime.»

A Ɛstɛɛre 4:16 Iomraidhean Croise

Sɩngrẽ 18:19

Bala, mam yãka yẽnda t'a wilg a kambã ne a yagensã sẽn na n pʋgl yẽnda n wa wã, tɩ b tũ Sẽn-Ka-Saab sore, la b maan sẽn yaa tɩrga la sẽn zemse. Woto, Sẽn-Ka-Saab na n pidsa bũmb ning bãmb sẽn dag n gom a Abrahaam wɛɛngẽ wã n kõ-a.»

Sɩngrẽ 43:14

Bɩ Pãng-Soab a Wẽnnaam kɩt tɩ raoã zoe yãmb nimbãaneg n bas tɩ yãmb ba-biig a yembrã ne a Benzame tũ yãmb n wa. La sã n mikame tɩ mam na n konga m kambã, bɩ kong-ba!»

2 Sãmwɛlle 10:12

Keng f meng tɩ d yɩ gãndaad n zab d nebã yĩnga, ne tõnd Wẽnnaamã tẽms yĩnga, la bɩ Sẽn-Ka-Saab maan b raabo.»

2 Rĩm-dãmba 7:4

Tõnd sã n yet tɩ d na n leba tẽngã pʋga, komã sẽn be beenẽ wã yĩnga, d na n kiime. Tõnd sã n leb n pa ka me, d na n kiime. Rẽ wã, d yik n kẽng Siiri nebã tãb-sikẽ wã. Bãmb sã n bas-d n ka kʋ, rẽ la woto. B sã n kʋ-do, rẽ me la bala.»

2 Kibayã 20:3

Dẽ, rabeem wʋsg yõka a Zozafate, t'a yãk yam n na n bao Sẽn-Ka-saabo, yẽnda moona no-loeer Zʋʋda tẽmsã fãa pʋsẽ.

Esdras 8:21

La tõnd sẽn wa n be Ahava kʋɩlgã noor beenẽ, mam yãka yam tɩ tõnd fãa na n loee noor n sik d mens tõnd Wẽnnaamã taoore, n kos-b tɩ b sõng tõnd tɩ d so-toakã yɩ sõama, tõnd ne d zagsã, la d laogã zãng yĩnga.

A Ɛstɛɛre 4:15

A Ɛstɛɛr tʋmame tɩ b tɩ yeel a Mardoose yaa:

A Ɛstɛɛre 4:17

Dẽ, a Mardoose kẽngame n tɩ maan bũmbã fãa wa sẽn zems a Ɛstɛɛr sẽn yeelã kɛpɩ-kɛpɩ.

A Ɛstɛɛre 4:3

Soolem nins fãa pʋs rĩmã sẽn yãk noor ne bũmb ningã sẽn ta, a yɩɩ sũ-sãan-kãseng Zʋɩf-rãmbã sʋka. B rag n loeta noore, n yãbd n wiisdẽ. Neb wʋsg rag n gãee bot zutu, la tompeglem pʋga.

A Ɛstɛɛre 5:1

La rasem a tãabã daar sẽn ta, a Ɛstɛɛr yeelga a naamã fut n kẽ rĩmã na-yirã pʋgẽ zakã pʋga, n yals na-roogã noore. Wakat-kãnga, rĩmã rag n zao a naamã geer zug na-roogã pʋga, t'a nengã tees rignoorã.

A Ɛstɛɛre 9:31

Bãmb sẽn maanã yaa sẽn na n kɩte, tɩ b vigl ra-kãens tɩ yaa Purim tigr rayã, wa zʋɩf a Mardoose ne rĩm-poak a Ɛstɛɛr sẽn dag n yãke, bãmb mensã ne b yagensã yĩngã, tɩ yaa no-loeere, la wiisg rayã.

A Ezayi 22:12

Badaare, Zu-soabã sẽn yaa Saasẽ-Pãng-Soabã boonda yãmb tɩ y wa yãb n wiisi, la y põng y zut n sẽgen boto.

Zeremi 36:9

Zʋʋda rĩm a Yoyakim sẽn deeg naam tɩ yʋʋm-nuunẽ, yʋʋmdã kiuug a wɛ soabã pʋgẽ, b mooname n yeele, tɩ Zeruzalɛm nebã fãa ne neb nins fãa sẽn yi Zʋʋda tẽmsã pʋgẽ n kẽng Zeruzalɛmã maan no-loeer Sẽn-Ka-Saab taoore.

A Dãniyɛlle 2:18

Dag n yaa sẽn na n kos saasẽ Wẽnnaamã tɩ b maan nimbãan-zoeer yel-solem-kãngã wɛɛngẽ, tɩ b ra kʋ yẽnda ne a tũud-n-taasã, la ne Babilond bãngdbã me ye.

A Matiye Sõng 12:40

Bala, a wa a Zonaas sẽn zĩnd zĩm-bedrã pʋgẽ rasem a tãab la yʋnd a tãabã, woto me, Ninsaal Bi-riblã na n paa tãnd tẽngr dasem a tãab la yʋnd a tãabo.

A Luk Sõng 9:24

Sɩd me, ned ning fãa sẽn dat n kogl a vɩɩm, a vɩɩm na sãame. La ned ning sẽn na n bas a vɩɩm mam yĩnga, a na n leb n paam-a lame.

A Zã Sõng 19:22

A Pilat leokame n yeele: «Mam sẽn gʋlsã, m gʋlsame.»

Tʋʋma 10:7

La malɛɛk ning sẽn gom ne yẽnda wã sẽn looge, a Korney boola a tʋmtʋmdb a yiib ne a sodaag a yembr sẽn yaa nin-sõng sodaas nins yẽnda sẽn so wã sʋka.

Tʋʋma 20:24

La mam tagsdame tɩ mam vɩɩmã ka tar yõod ne maam ye. La sẽn pak maam yaa tɩ m wee n tõog n maan m tʋʋmdã hal n ta a tɛka, n tõog n baas tʋʋmd ning Zu-soab a Zeezi sẽn ning mam zugã, n moon Wẽnnaam barkã koe-noogã.

Tʋʋma 21:13

La a Poll leokame: Yaa bõe n tar yãmb tɩ y yãbd n na n sãam mam sũuri? Bala, mam seglame n sɛ, la ka sẽbrã yĩng bal ye. M seglame me n na n ki Zeruzalɛm Zu-soab a Zeezi yʋʋrã yĩnga.

Tʋʋma 27:33

Sẽn deng beoogã vẽegre, a Poll sagla nebã fãa n yeel-b tɩ b rɩ. Yẽnda yeel-b lame yaa: Ade, yaa rasem piig la a naas rũndã la yãmb sẽn gũud sobgã yõkre, n ka sakd n dɩ rɩɩb ye.

Tʋʋma 9:9

Yẽnda maana rasem a tãab n ka tõe n yãnd ye. La a ka rɩ wala a yũ bũmb ye.

Rom Dãmba 16:4

B gẽnega b yõor n na n fãag maam. Ka maam n yembr n bal n pʋʋsd-b bark ye, buud a taabã wẽnd-dotã fãa me pʋʋsd-b lame.

Filip rãmba 2:30

Bala, yaa Kiris tʋʋmdã yĩng la a sẽn da na n ki wã. Yẽnda gẽnega a yõor n sõng maam ne sõngr ning yãmb sẽn da tog n sõng maam n ka tõogã.

Zozuwe 24:15

Yãmb sã n ka rat n tũ Sẽn-Ka-Saabo, bɩ y bao y sẽn na n tũ a soab rũndã: Sã n yaa wẽnnaam-dãmb nins yãmb yaab-rãmbã sẽn dag n tũud Efrat kʋɩlgã rʋʋndã la y rat n tũ, bɩ y tũ. Sã n leb n yaa Amoor-dãmbã sẽn be yãmb sʋkã wẽnnaam-dãmb la y rat n tũ, bɩ y tũ. La maam ne m zakã rãmb yẽ, tõnd na n tũu Sẽn-Ka-Saabo.»

1 Sãmwɛlle 19:5

Yẽnda gẽnega a yõore, n kʋ Filistẽ daoã. La Sẽn-Ka-Saab tall-a lame n wa ne fãag-kãseng Israyɛll nebã fãa yĩnga. Yãmb yãnda bõn-kãng tɩ y sũurã yɩ noog hal wʋsgo. La maana a wãn moasã, tɩ y rat n maan wẽnga, n kʋ a Davɩɩd n daag bʋʋm soab zɩɩm zaalem?»