A Ɛstɛɛre 3:15 - WẼNNAAM SEBRE 2014

¹⁵ Rĩmã kõo sɛb-kɩtbã noor tɩ b yi tao-tao n looge. La b moona noor ning b sẽn yãkã Suuz na-tẽngã pʋga. Dẽ, rĩmã ne a Haman rag n zĩime n yũuda, tɩ Suuz na-tẽngã be sũ-sãang pʋga.

A Ɛstɛɛre 3:15 Iomraidhean Croise

Sɩngrẽ 37:25

Dẽ poore, bãmb zĩndame n na n dɩ b rɩɩbo. Bãmb sẽn zẽk n gese, b yãnda Ismayɛll buudã neb sẽn yi Galaad n tũud taab wʋsg n watẽ. Bãmb yʋgma wã rag n zɩlga tɩdare, ne kaam sẽn tar yũ-noogo, la wisdu, n tar n dabd Ezɩpt tẽnga.

1 Rĩm-dãmbã 14:27

Rĩm a Roboaam maana zũud gãndo, n ledg sãnem gãndã zĩigẽ, la a rɩk-b n gũnug tãb-biis nins sẽn yaa rĩmã gũudbã nanambsã sẽn gũud rĩmã zak noorã.

A Ɛstɛɛre 1:10

Rasem a yopoe wã daare, rĩmã sẽn yũ reezẽ rãamã t'a sũurã yaa noogã, a boola a Mehuma, ne a Biizta, la a Harbona, ne a Bigta, la a Abagta, ne a Zetaare, la a Karkaas sẽn yaa sõgen-kãsems a yopoe nins sẽn be rĩm a Asiruus taoor n tʋmd yẽnda yĩngã.

A Ɛstɛɛre 4:16

«Kẽng-y n tigm-y Zʋɩf-rãmb nins fãa sẽn be Suuz na-tẽngã pʋgẽ wã, tɩ y loe noor mam yĩnga, n da rɩ rɩɩbo, la y ra yũ koom, wĩndg la yʋng hal tɩ ta rasem a tãabo. La maam ne m tʋmtʋmd-pogsã me na n loee noor wa yãmba. Dẽ poore, mam na n kẽnga rĩmã nengẽ, baa ne tõogã sẽn gɩdgã. Ba sã n yaa tɩlɛ tɩ mam ki, mam na n kiime.»

A Ɛstɛɛre 8:15

A Mardoose yii rĩmã nengẽ ne naam fut sẽn gʋl kẽega la pɛɛlga, n fõgen sãnem maanf sẽn yaa bedre, la a yeelg kobr sẽn wʋg ne lamd gĩs sẽn yaa moaama. Suuz na-tẽngã pʋga, nebã rag n kaasdame n maand sũ-noogo.

Yɩɩn‑sõamyã 37:7

Sĩnd f noor Sẽn-Ka-Saab taoore, la f ges bãmb bala. Ra yik f sũur ne ned ning sẽn paamd tõogr a saag-wẽns pʋga, la ne ned sẽn tõogd ne a tags-wẽns ye.

Yelbũna 1:16

Bala, bãmb zoetame n na n tɩ maan wẽnga, la bãmb yãgd n na n tɩ raaga zɩɩm.

Yelbũna 29:2

Nin-tɩrs sã n lebgd wʋsg tẽngẽ, ninbuiidã maanda sũ-noogo. La nin-wẽns sã n dɩt naam, ninbuiidã yãbdame.

Yelbũna 31:4

Lemuwɛlle, ka segd tɩ rĩm yũ rãam, la ka segd me tɩ nanambs me yũ rã-toos ye.

Yelbũna 4:16

Bala, bãmb ka gãanded n gũs tɩ b ka reng n maan wẽng ye. Bãmb sã n ka maan ned pʋ-toogo, b ka tõe n gũs ye.

A Ooze 7:5

Tõnd dĩmã tigr daare, nanambsã yũu divẽ tɩ b nens yilme, la rĩmã rɩka a meng n kõ nin-yaalse.

A Amoose 6:6

Yãmb yũuda reezẽ rãam ne zɩɩm mesb laase, la y rɩkda dẽenem biis kaam n ningd y mens zutu, A Zozɛf buudã sãoong ka namsd bãmb ye!

A Zã Sõng 16:20

Sɩd-sɩdã, mam yeta yãmb tɩ yãmb na n yãbame n wiisi, la dũniyã neb sũy na n yɩɩ noogo. Yãmb na n yãnda sũ-sãanga, la yãmb sũ-sãangã na n tekame n lebg sũ-noogo.

Vẽnegre 11:10

Dũni nebã na n maana sũ-noog ne bũmb ning sẽn paam kaset dãmb a yiibã, la b na n kɩdmame. Bãmb na n tʋma kũun n kõ taaba. Bala Wẽnnaam no-rɛɛsdb a yiib kãens da namsa nebã sẽn be tẽngã zugã.