A Ɛstɛɛre 2:23 - WẼNNAAM SEBRE 2014

²³ La b sẽn vɛɛs n mik tɩ yellã yaa sɩdã, b luula sõgen-bãmb yiibã da-lugds zutu. La b gʋlsa bõn-kãng soolmã kibay sebr pʋgẽ rĩmã taoore.

A Ɛstɛɛre 2:23 Iomraidhean Croise

Sɩngrẽ 40:19

Ade, keta rasem a tãabo, tɩ Faarõ zẽk fo zug tɩ loog f sẽn date, la b na n luula foom ra-luk zugu, tɩ bõn-yɩgdɩ rɩ fo nemdã.»

Sɩngrẽ 40:22

La a kɩtame tɩ b luul rɩɩb yel-gɛtbã taoor soabã wa a Zozɛf sẽn dag n bilg a zãmsdã võor to-to n kõ-a wã.

Esdras 4:15

Seb-kãngã yaa sẽn na n yɩlẽ tɩ yãmb tõe n vees y yaab-rãmbã kibay sebr pʋga, n ges n bãng yellã sẽn yaa to-to. La yãmb na n yãndame, la y na n bãngame tɩ Zeruzalɛm yaa tẽn-tõtre, la a namsa rĩm-dãmba, la soolem toay-toay nanambse. La sẽn sɩng hal kʋdem-wẽndẽ, tẽn-kãngã yaa rãmbda. Rẽ meng n kɩt tɩ b sãam-a wã.

A Ɛstɛɛre 10:2

Rĩmã pãngã ne a gandaalmã tʋʋmã fãa, ne rĩmã sẽn zẽk a Mardoose to-to wã gʋlsa Meed ne Pɛrs-rãmbã soolem rĩm-dãmb kibayã sebr pʋga.

A Ɛstɛɛre 5:14

Dẽ, yẽnda pag a Zerɛɛs ne a zo-rãmbã fãa yeela yẽnda yaa: «Bɩ f kɩt tɩ b maan da-lugdg ta zãntlmã ta kãntɩɩg pis-nu, la beoog yibeoogo, bɩ f kos rĩmã tɩ b kɩt tɩ b luul a Mardoose da-lugdgã zugu. Dẽ, fo tõe n tũu rĩmã n kẽng tigrã ne sũ-noogo.» La gomdã yɩ a Haman noogo, t'a kɩt tɩ b maan da-lugdgã.

A Ɛstɛɛre 6:1

Badaar yʋngo, rĩmã rag n ka tõe n gũs ye. Dẽ, a kɩtame tɩ b tall soolmã kibay sebrã n wa karemdẽ t'a kelgdẽ.

A Ɛstɛɛre 7:10

La b luula a Haman da-lugdg ning yẽnda sẽn dag n lugl a Mardoose yĩngã zugu. Dẽ, rĩmã sũur sigame.

Malasi 3:16

Dẽ, sẽn zoet-b Sẽn-Ka-Saabã goma ne taaba. Sẽn-Ka-Saab kɩlla b tʋbre, n wʋme. B gʋlsa tẽegr sebr bãmb taoore, n na n tẽegd neb nins sẽn zoet Sẽn-Ka-Saabo, la b waoogd bãmb yʋʋrã yelle.

Zozuwe 8:29

B luula Ayi rĩmã tɩɩg zugu, la b bas-a-la beenẽ hal tɩ ta zaabre. La wĩndgã sẽn kẽ, a Zozoe kɩtame tɩ b sik kũumã tɩɩgã zugu, n tɩ lob tẽngã noore. La b zama kug a zugu, la kugã keta beenẽ hal tɩ ta rũndã.