A Ɛstɛɛre 2:12 - WẼNNAAM SEBRE 2014

¹² Pʋg-sad fãa rag n tog n maana kiuug piig la yiibu, n yaool n kẽng rĩm a Asiruus nengẽ, wala sẽn zems b sẽn kõ noor ning pagbã wɛɛngẽ wã. B rag n dɩkda kiuug a yoob n zɛ miir kaam. La b rɩk kiuug a yoobe, n sõ parfẽ-rãmb sẽn tar yũ-noogo, ne pagb ka-zɛɛdem buud toor-toore.

A Ɛstɛɛre 2:12 Iomraidhean Croise

A Ɛstɛɛre 2:11

La daar fãa, a Mardoose rag n kẽnda pagbã zak sɛɛga, n sokd n na n bãng a Ɛstɛɛr keelem, la b sẽn n get a yell to-to.

A Ɛstɛɛre 2:13

La pʋg-sad ning fãa sẽn na n yi pagbã zakẽ n kẽng rĩmã nengẽ, b kõt-a-la bũmb ning fãa a sẽn date, t'a zã n kẽng na-zakẽ wã.

A Ɛstɛɛre 2:3

Bɩ rĩmã yãk neb b soolem-dãmbã fãa pʋse, tɩ b tigs pʋg-sadb sẽn ka mi raopa, la sẽn yaa neeba, n tall n wa Suuz na-tẽngã na-pagb zak pʋga. La bɩ b rɩk bãmb n kõ a Hegayi sẽn yaa rĩmã sõgen-kãseng ning sẽn get-a pagbã yellã, t'a ges b yell n kõ b ka-zɛɛdem buud toay-toay tɩ b maneg b mense.

A Ɛstɛɛre 2:9

La pʋg-sadã rag n taa a Hegayi yam t'a paam t'a na n maan-a neere. Dẽ, a Hegayi yɩɩ tao-tao n kõ a Ɛstɛɛr ka-zɛɛdem nins yẽnda sẽn na n tall n maneg a mengã, la rɩɩb nins a sẽn tog n dɩ wã. La a yãk tʋmtʋmd-pogs a yopoe na-yirã tʋmtʋmd-pogs nins sẽn mi-b tʋʋmd sõama n yɩɩdã sʋka, n kõ a Ɛstɛɛre. La a talla ne a tʋmtʋmd-pogsã, n tɩ kẽes rot nins sẽn yaa sõama n yɩɩd na-yirã pagb zak pʋgẽ wã.

Yelbũna 7:17

La mam yuga m gãagã ne parfẽ buud toor-toor sẽn tar yũ-noogo.

A Salmo yɩɩla 3:6

Yaa ãnda n yit we-raoogẽ wa miir ne parfẽ la wisd buud wʋsg bug-zõos sẽn nusdã n watẽ?

A Ezayi 3:24

Bõn-põosg yũug n na n deeg parfẽ-rãmb sẽn tar yũ-noog zĩiga, wĩy n na n deeg sɛɛg sẽbds zĩiga. Zu-koɛɛl n na n deeg zut sẽn pãnem zĩiga, bot na n deega nagem fu-yer-bɛd zĩiga. Bãnd sẽn ningd-b yãnd n na deeg b neermã zĩiga.

A Ezayi 57:9

Yãmb baoo kaam n zoe n kẽng a Melɛk nengẽ, yãmb paasa y parfẽ wã waooglem, la y tʋm y tʋmtʋmdbã tɩ b kẽng zĩ-zãrgẽ, yãmb kɩtame tɩ b sud n tãag hal kɩɩm-kulgu.