A Ɛstɛɛre 1:22 - WẼNNAAM SEBRE 2014

²² Rĩmã kɩtame tɩ b gʋls sɛb n tʋm yẽnda soolem-dãmbã fãa pʋse. La b gʋlsa sɛbã wa sẽn zems soolem fãa ne a gʋlsem, la wa sẽn zems buud fãa ne a goamã. La yaa sẽn na n yɩlẽ tɩ rao fãa tall noor ne a zaka, la a kɩt tɩ b gom b buudã goamã.

A Ɛstɛɛre 1:22 Iomraidhean Croise

A Ɛstɛɛre 1:21

La gom-kãngã taa rĩmã ne a nanambsã yam, la rĩmã maana wa a Memukan sẽn yeelã.

A Ɛstɛɛre 3:12

Dẽ, pipi kiuugã rasem piig la tãabã daare, b boola rĩmã sɛb-gʋndbã tɩ b wa. La b gʋlsa a Haman sẽn yãk noor ningã fãa sɛb pʋsẽ, n na n kõ rĩmã kombɛɛmbã, nanambsã, la soolem toay-toayã gʋvɛrneer dãmbã, la buud toay-toayã nanambse. Soolem fãa ne a gʋlsem, la buud fãa me ne a goamã, la b gʋlsa rĩm a Asiruus yʋʋr yĩnga, n ning rĩmã nug-tikr bãnde.

A Ɛstɛɛre 8:9

Badaar bala, kiuug a tãab soabã sẽn yaa Sɩvan kiuugã rasem pisi la a tãab daarã, b boola rĩmã sɛb-gʋndbã fãa, la b gʋlsa a Mardoose sẽn yãk yam ning zʋɩf-rãmbã wɛɛngẽ wã, n tʋm soolem toay-toayã fãa taoor-dãmba, la guvɛrneer-dãmbã, la nanambsã, sẽn sɩng ne Ẽnd n tɩ tãag Kuus tẽngã. Yaa soolem-dãmb koabg la pisi la a yopoe. B gʋlsa wa sẽn zems soolem fãa ne a gʋlsem la buud fãa me ne a goamã. La b gʋls n kõo Zʋɩf-rãmbã me ne b gʋlsem la b buudã goamã.

A Dãniyɛlle 3:29

Moasã, ad noor ning mam sẽn kõte: Ned ning fãa, ba a sẽn yaa buud ning neda, wall a sẽn gomd buud goam ninga, a soabã sã n paoog a Sadrak ne a Mesak la a Abednego Wẽnnaamã, b na n bees-a lame, la b wã a zakã n kɩt t'a lebg raboogo. Bala, Wẽnnaam a to ka be n tõe n fãag ned wa Wẽnnaam-kãngã sẽn maanã ye.»

A Dãniyɛlle 4:1

«Maam a Nebukatnedzaar dag n vɩɩ bãan m na-yirã pʋga, n be m na-zakẽ wã tɩ m vɩɩm yaa noogo.

A Luk Sõng 16:8

La a zu-soaba pẽga a tʋʋmã taoor soab sẽn ka tɩrgã, a sẽn maan yamã yĩnga. Bala, dũni‑kãnga neb maanda yam ne taaba, n yɩɩd vẽenem kambã.

1 Tɩmote 2:12

Mam ka kõt pag noor t'a zãms nebã, wall a soog rao ye. A tog paa sĩndim pʋgẽ.