Esdras 9:9 - WẼNNAAM SEBRE 2014

⁹ Tõnd Wẽnnaam, yaa sɩda, tõnd dag n yaa yembse, la yãmb ka bas tõnd yembdã pʋg ye. Yãmb kɩtame tɩ Pɛrs-rãmbã rĩm-dãmbã zoe tõnd nimbãanega. Bãmb basa tõnd tɩ d vɩɩmde, n tõog n lebs n me yãmb roogã, n yik a lal-wedsã, la d paam zĩ-soalgdg sẽn tar pãng Zeruzalɛm ne Zʋʋda pʋgẽ.

SEBR SÕNGO

⁹ D yaa yemse, la d yembda pʋgẽ, d Wẽnnaama ka raag-do n bas ye. Pɛrs rãmba dĩma taoore, b puka b nonglem, n kõ-d pãnga tɩ d le me b roogo n yalse, n yik raboodã, n le me Zɩɩda la Zerizalɛɛm lalse.

Esdras 9:9 Iomraidhean Croise

Esdras 2:68

La bãmb sẽn wa n ta Zeruzalɛm sẽn yaa tẽng ning Sẽn-Ka-Saab roogã sẽn be wã pʋgẽ, bãmb buudã nanambs kẽer yãka b kũun ne yamleoog n kõ Wẽnnaam doogã yĩnga, sẽn na n yɩlẽ tɩ b tõe n lebs n me Wẽnnaam doogã a pĩnd zĩigẽ wã.

Esdras 7:6

A Ɛsdraas yii Babilond n wa, yẽnda yaa ned sẽn tar bãngre, n mi a Moyiis tõodã sõama. Yaa tõod nins Sẽn-Ka-Saab sẽn yaa Israyɛll Wẽnnaamã sẽn dag n kõ a Moyiisã. La Sẽn-Ka-Saab sẽn dag n be ne yẽnda wã yĩnga, rĩmã kõo yẽnda bũmb ning fãa a sẽn kosã.

Esdras 7:8

La a Ɛsdraas tũu nin-bãmbã n wa Zeruzalɛm kiuug a nu soabã pʋgẽ, rĩmã sẽn deeg a naamã tɩ yʋʋm yopoɛɛlẽ.

Esdras 9:10

La moasã, tõnd Wẽnnaam, bũmb ning sẽn maana poore, tõnd na n yeelame tɩ bõe? Bala, tõnd kɩɩsa yãmb tõodã.

A Neemi 2:17

Dẽ, mam yeel-b lame yaa: «Yãmb nee nimbãaneg ning pʋg tõnd sẽn be wã. Zeruzalɛm tẽngã sãama zãnga, b yõoga a kʋɩlemsã bugum! Rẽ wã, bɩ y wa tɩ d lebs n me Zeruzalɛm lalsã, n tõog n yiis d tẽngã yãnde.»

A Neemi 9:17

Bãmb zãgsame n ka kelg yãmb ye. La b ka tẽeg bõn-bãnã yãmb sẽn maan n kõ bãmbã yell ye. Bãmb kɩɩsgã pʋga, b kenga b sũyã, n yãk taoor soab n dat n lebg n leb b yembdã pʋg Ezɩpt tẽnga. La baa ne rẽ fãa, yãmb yaa Wẽnnaam sẽn kõt sugri, la y yaa nimbãan-zoɛta, la y yaa maan-neer soaba, la y sũur ka yikd tao-tao ye, la yãmb nonglmã sẽn yaa kãsengã yĩnga, yãmb ka bas-b ye.

Yɩɩn‑sõamyã 109:12

Bɩ ned ra leb n maan-a neer ye, la bɩ ned da zoe a kɩɩbsã nimbãaneg ye.

Yɩɩn‑sõamyã 138:7

Baa mam sã n kẽnd yel-pakr pʋga, yãmb n kõt maam vɩɩm. Mam bɛɛbã sũ-yikr pʋga, y tẽegda y nugu, yãmb tẽegda y nug-rɩtg n fãag maam.

A Ezayi 14:3

Dẽ, daar ning Sẽn-Ka-Saab sẽn na n kõ yãmb vʋʋsg y namsgã ne y toogã, la y yembdã b sẽn dag n namsd yãmbã loogr poore,

A Ezayi 5:2

Mam zoa wã gudga tẽngã n vigs kugã n lebs n sel reezẽ tɩɩs bu-sõngo, la a me gãosg pʋʋgã sʋka, n tu reezẽ rãam wẽkr boko. Yẽnda rag n tagsdame t'a pʋʋgã na n woma reezẽ tɩɩs bi-sõama, la a woma bi-põaasa!

A Ezayi 5:5

Moasã, m kotame tɩ y bas tɩ m wilg-y mam sẽn na n maan m reezẽ tɩɩs pʋʋgã bũmb ninga. Mam na n yãka a yãgrã n bas-a tɩ b sãam-a. Mam na n wura a lalgã tɩ b kẽ n tab-a ne nao.

A Ezayi 61:4

Bãmb na n lebs n mee kʋdem-wẽndẽ raboodã, la b lebs n maneg hal pĩnd zĩis nins sẽn dag n sãamã. Bãmb na n kɩtame tɩ tẽms nins sẽn dag n yaa we-rasempʋɩɩsã leb n paam meebo, yaa tẽms nins sẽn dag n sãam n dɩg zamaan woo zamaanã.

Ezekiyɛl 11:16

Bõn-kãng yĩnga, bɩ f togs bãmb tɩ Zu-soab a Sẽn-Ka-Saab sẽn yeel la woto: «Baa mam sã n dag n yiisa bãmb n sãeeg-b bu-zẽmsã sʋka, baoosgo, wakat bilf pʋgẽ, mam yɩɩ zĩig sẽn welg toor bãmb yĩng tẽng ning bãmb sẽn kẽngã pʋgẽ.»

A Dãniyɛlle 9:25

Dẽ wã, bɩ f bãng bõn-kãngã, la f wʋm a võore: Sẽn sɩng ne daar ning b sẽn togs koɛɛgã n yeel tɩ b lebs n me Zeruzalɛmã, hal tɩ ta Wẽnnaam nin-tũusdgã zamaanẽ, yaa yʋʋm a yopoe naoor a yopoe. La yʋʋm a yopoe naoor pis-yoob la a yiibã wakate, b na n lebs n mee Zeruzalɛm zĩisã, la b lebs n me a lalsã. Rẽ na n yɩɩ toog wakate.

A Aaze 1:9

Yãmb dag n tẽeda wʋsgo, la y wa n yasa ne bilfu, tɩ y wʋk rẽndã n kuili, la mam fʋʋs-a lame t'a looge. Bõe yĩng tɩ m maan a woto? Yaa maam a Saasẽ-Pãng-Soabã n sokde. Yaa mam doogã sẽn lʋɩ, tɩ yãmb ned kam fãa bas-a, n bas n get a meng roog yellã yĩnga.

Zakari 2:5

Vẽnegrã pʋga, mam sẽn zẽk m neng n gese, mam yãnda rao sẽn zãad wĩir sẽn tar n magd a nugẽ.