Esdras 9:6 - WẼNNAAM SEBRE 2014

⁶ La mam pʋʋsa Wẽnnaam n yeel yaa: «Mam Wẽnnaam, yãnd n tar maam, yãndã tara maam tɩ m ka tol n tõe n zẽk m neng yãmb taoor ye. Tõnd yel-wẽnã yaa wʋsgo, tɩ b zãntlmã yɩɩd tõnd woglmã, tõnd beegrã zamame n tol n tat saasẽ.

SEBR SÕNGO

⁶ n yeele: «M Wẽnnaam, yãnd tar-m la wʋsgo tɩ m pa rat n doog m neng yãmb taoor ye, Soaala. Tõnd yel-wẽna looga d zĩnd n sõdg-ba, b sama wa tãnga.

Esdras 9:6 Iomraidhean Croise

Sɩngrẽ 13:13

Sodom tẽngã neb rag n yaa nin-wẽns meng-menga, la b maanda yel-wẽn n beegd Sẽn-Ka-Saabo.

1 Rĩm-dãmbã 8:47

bãmb sã n zĩnd b yembdã tẽng pʋgẽ, n tek yam n wẽnemd n bao yãmba, n yõk yãmb sɛɛg n yeele: ‹Tõnd beegame, tõnd maana sẽn ka zemse, tõnd maana sẽn yaa wẽnga!›

2 Kibayã 28:9

La Samaari pʋgẽ wã, Sẽn-Ka-Saab no-rɛɛs a yembr n dag n be beenẽ t'a yʋʋr boondẽ t'a Obɛɛde. Yẽnda yiime n seg Israyɛll tãb-biisã sẽn lebg n wat Samaari wã n yeel-b yaa: «Ade, yaa Sẽn-Ka-Saab sũurã sẽn yik ne Zʋʋda nebã yĩng n kɩt tɩ bãmb bas tɩ yãmb tõog-ba, la yãmb kʋ-b-la ne sũ-yikr sẽn zẽk n tat hal saasẽ.

Esdras 9:13

Tõnd Wẽnnaam, yaa tõnd tʋʋm-wẽnsã ne d yel-wẽnã sẽn yaa wʋsgã yĩng la yel-bãmbã sẽn paam tõndã. La baa ne rẽ fãa, yãmb ka sɩbg tõnd wa sẽn zems tõnd yel-wẽnã ye. La yãmb kell n basa tõnd tɩ d põse, n wa be ka.

Esdras 9:15

Sẽn-Ka-Saab sẽn yaa Israyɛll Wẽnnaam, yãmb yaa tɩrga, bala, tõnd neb kẽer põsame n ket n vɩ. Yaa rẽ n kɩt tɩ yaa a woto rũndã. Dẽ wã, baa tõnd sẽn yaa yel-wẽn-dãmbã, baa ne tõnd ned ba a yembr sẽn dag n ka tog n põsã, tõnd bee yãmb taoore.»

A Neemi 1:6

Mam kot-y lame tɩ y kɩll y tʋbr n kelg-ma, la y puk y nin n ges-ma, la y wʋm m pʋʋsgã m sẽn pʋʋsd yãmbã, bala, mam yaa y tʋmtʋmda. Mam bee yãmb taoor dũndã n pʋʋsd yãmb wĩndg la yʋngo, Israyɛll nebã sẽn yaa yãmb tʋmtʋmdbã yĩnga. Mam vẽnegd n togsda yãmb tõnd Israyɛll nebã yel-wẽnã tõnd sẽn maan n beeg yãmbã. Yaa sɩda, maam ne m buudã kongame.

A. Zoobe 40:4

«Mam paoodame, m na n leoka yãmb tɩ bõe? Mam na n dɩka m nug n pĩ m noor bala.

A. Zoobe 42:6

Rẽ kɩtame tɩ mam lebsd m noor poorẽ, la m maand m bãngẽ n zĩ tomẽ ne tompeglmẽ.»

Yɩɩn‑sõamyã 38:4

Yãmb sũ-puugrã kɩtame tɩ mam yĩngã zãng tar toogo. Mam beegrã yĩnga, mam kõabã ka leb n tar laafɩ ye.

Yɩɩn‑sõamyã 38:5

Bala, mam yel-wẽnã zãntlem yɩɩda m zugã woglem, la a lebga zɩɩbo, n zɩsg maam hal wʋsgo.

Yikri 32:31

La a Moyiis lebg n leba Sẽn-Ka-Saab nengẽ n tɩ yeele: «M Zu-soabã, m kãntɩɩga! Nin-kãensã maana yel-wẽn-kãsenga. Bãmb maana sãnem wẽnnaam b mensã yĩnga.

A Ezayi 1:18

Sẽn-Ka-Saab yetame: «M kotame tɩ y wa tɩ d yẽs ne taaba. Baa yãmb yel-wẽnã sã n yaa miuug wa saag-pag-a-minamina, b na n lebga pɛɛlg wa lampalga. La baa b sã n yaa miuug wa monem, b na n lebga pɛɛlg wa pe-kõbdo.

A Ezayi 59:12

Bala, tõnd beegrã yaa wʋsg yãmb taoore, la tõnd yel-wẽnã kõta kaset tɩ d ka zems ye. Tõnd beegrã bee ne tõndo, la tõnd mii d kongrã.

Zeremi 3:3

Yaa woto n kɩt tɩ saag ka ni sigri, la sẽoog me ye. La baoosgo, yãmb nensã yaa wa pʋg-yoodr nenga. Yãnd ka tar yãmb ye.

Zeremi 31:19

Tõnd sẽn wẽnemd n bas yãmbã, d maanda d bãngẽ. Yãmb sẽn kɩt tɩ tõnd bãng d kongrã, tõnd sũur sãamame tɩ d pĩis d gɛya. Yãnd tara tõnd tɩ d zut surẽ, bala, tõnd bi-bɩɩlem wakatẽ paoogrã ket n be d zugu.

Zeremi 51:9

Tõnd makame n tɩp Babilonde, la a ka sãoog ye. Wa-y tɩ d bas-a, tɩ ned kam fãa kuil a tẽngẽ. Bala, a sɩbgrã yell zẽk n taa saasã, a zẽkame n tãag sawatã.

Zeremi 6:15

Bãmb sẽn maan yel-beedã yãnd tar-b lame bɩ? Baa bilfu! Bãmb ka mi yãn-zoeer ye. Woto yĩnga, bãmb na n naaga neb nins sẽn lʋɩtã n lʋɩ. Mam sã n wa sɩbg-ba, b na n lʋɩɩme. Maam a Sẽn-Ka-Saab n yeele.

Zeremi 8:12

Bãmb sẽn maan yel-beedã yãnd tar-b lame bɩ? Baa bilfu! Bãmb ka mi yãn-zoeer ye. Woto yĩnga, bãmb na n naaga neb nins sẽn lʋɩtã n lʋɩ. Mam sã n wa sɩbg-ba, b na n lʋɩɩme. Maam a Sẽn-Ka-Saab n yeele.

Kʋʋr yɩɩla 3:42

Tõndo, tõnd wegmame n kɩɩs yãmba, la yãmb ka kõ tõnd sugr ye.

Ezekiyɛl 16:63

tɩ mam sã n wa kõ foom sugr bũmb nins fãa fo sẽn maanã yĩnga, bɩ f tẽeg tɩ yãnd yõk-fo, tɩ f ka tol n tõe n leb n yaag f noore, yãndã yĩnga. Maam a Zu-soab a Sẽn-Ka-Saab n yeele.»

Maan‑kʋʋre 26:40

La nin-bãmb vẽneg n togsa bãmb kongrã, ne b ba-rãmbã kongr b sẽn maan n beeg maamã, la kɩɩsg ning bãmb sẽn kɩɩs maamã.

A Luk Sõng 15:21

Biigã yeela a ba wã yaa: «M ba, mam beega Wẽnnaam la m beeg yãmba. Mam ka leb n zems tɩ b bool maam tɩ y biig ye.»

A Luk Sõng 18:13

Yaood-dɛɛgdã yalsa yɩɩga, n pʋs n ka saagd n na n doog a neng yĩngr ye. La a ra pĩisda a yãoog n yetẽ: «Mam Wẽnnaam! Zoe-y mam nimbãaneg tɩ m yaa yel-wẽn-maanda.»

Rom Dãmba 6:21

Bi-bõe la yãmb dag n womd wakat-kãnga? Yaa biis nins sẽn ningd yãmb yãnd moasã wã, bala, b baoosg yaa kũum.

Vẽnegre 18:5

Bala, yẽnda yel-wẽnã zamame hal n tãag arzãna, la Wẽnnaam tẽega a ka-tɩrlem tʋʋmã yelle.