Esdras 9:11 - WẼNNAAM SEBRE 2014

¹¹ Yaa tõod nins yãmb sẽn dag n tũnug y no-rɛɛsdbã n yeel tɩ: Yãmb sẽn dabd n na n tɩ reeg tẽng ning n soogã yaa tẽn-dẽgdo, bala, neb nins sẽn be a pʋgẽ wã yaa rẽgdo. La b maana b tʋʋm-beedã n kɩt t'a pid ne rẽgd zĩiga fãa.

SEBR SÕNGO

¹¹ d basa noya bãngdba sẽn da taas tõndo. Yãmb n da yeel-do: ‹Ad-y m sẽn na n kẽes-y tẽng ninga yaa tẽn dẽgdo. Tẽnga rãmb rẽgem-a-la ne yel-yoodo niyns b sẽn pids-a, goabg la rɩtgo, poorẽ la taoore.

Esdras 9:11 Iomraidhean Croise

2 Rĩm-dãmba 21:16

Sẽn paase, rĩm a Manaase kʋʋ neb wʋsg sẽn ka tar yelle, n daag b zɩɩm n pid Zeruzalɛm tẽngã fãa. Yel-kãens wa n paasa yel-wẽn nins yẽnda sẽn kɩt tɩ Zʋʋda nebã maan Sẽn-Ka-Saab nifẽ wã.

2 Kibayã 33:2

A Manaase maana sẽn yaa wẽng Sẽn-Ka-Saab nifẽ. Bala, yẽnda maana yel-beed wa buud a taab nins Sẽn-Ka-Saabã sẽn dag n kɩt tɩ Israyɛll nebã rigã.

Esdras 6:21

Israyɛll neb nins sẽn yi yembdã pʋgẽ n lebg n wa wã naagame n dɩ Pak tigrã. La yaa ne neb nins fãa sẽn welg b mens ne bu-zẽmsã rẽgdã. La b lagma ne b saam-biisã n waoog Sẽn-Ka-Saab sẽn yaa Israyɛll Wẽnnaamã.

Esdras 9:1

Yel-kãens fãa zugẽ, nanambsã wa n yeela maam yaa: «Israyɛll nebã, ne maan-kʋʋdbã, la Leevi nebã ka welg b mens ne tẽn-kãngã nebã ye. Bala, Kana nebã, ne Hɛt nebã, la Perɛɛz nebã ne Zebuus nebã, la Amo nebã, ne Moaab nebã, la Ezɩpt nebã, ne Amoor nebã sẽn maand tʋʋm-beed ninsã, bãmb me maanda a woto.

Esdras 9:10

La moasã, tõnd Wẽnnaam, bũmb ning sẽn maana poore, tõnd na n yeelame tɩ bõe? Bala, tõnd kɩɩsa yãmb tõodã.

Zeremi 26:5

la y ka kelg mam tʋmtʋmdbã sẽn yaa no-rɛɛsdbã mam sẽn tʋm yãmb nengẽ naoor wʋsg tɩ y ka kelg-bã,

2 Korẽnt rãmba 7:1

Woto yĩnga, m zo-nongdse, tõnd sẽn tar kãab-kãensã wã, bɩ d yɩlg d mens ne rẽgd ning sẽn dẽgemd yĩngã ne sɩɩgã, n bɩ sõmblem sẽn zems zãng pʋgẽ n paase, Wẽnnaam dabeem zoees pʋgẽ.

Yaoolem 12:31

Ra maan-y-yã a woto Sẽn-Ka-Saab sẽn yaa yãmb Wẽnnaamã nifẽ ye. Bala, nin-bãmb dag n maanda yel-beed buud toor-toor nins Sẽn-Ka-Saab sẽn kisã b wẽnnaam-dãmbã yĩnga. Bãmb tol n dag n dɩkda b kom-dibli la b kom-pugli n yõogd bugum n kõt b wẽnnaam-dãmbã.

Yaoolem 18:12

Ned ning fãa sẽn maand woto yaa yel-beed Sẽn-Ka-Saab nifẽ. Yaa yel-be-kãng yĩng la Sẽn-Ka-Saab sẽn yaa yãmb Wẽnnaamã kɩt tɩ b rig neb nins sẽn dag n be beenẽ wã.