Esdras 9:1 - WẼNNAAM SEBRE 2014

¹ Yel-kãens fãa zugẽ, nanambsã wa n yeela maam yaa: «Israyɛll nebã, ne maan-kʋʋdbã, la Leevi nebã ka welg b mens ne tẽn-kãngã nebã ye. Bala, Kana nebã, ne Hɛt nebã, la Perɛɛz nebã ne Zebuus nebã, la Amo nebã, ne Moaab nebã, la Ezɩpt nebã, ne Amoor nebã sẽn maand tʋʋm-beed ninsã, bãmb me maanda a woto.

SEBR SÕNGO

¹ Sẽn waa n maan kiis a wãna, kãsem-dãmba kolg-m lame n wilg-m woto: «Israyɛl zãma wã, a maan-kʋʋdba, a Levitsa wegma wa tẽnga rãmba. B maana wa Kanaã rãmba, Ititsã, Perizitsã, Zebuzitsã, Amonitsã, Moabitsã, Amoritsã la Ezipt rãmba.

Esdras 9:1 Iomraidhean Croise

Sɩngrẽ 15:16

La zamaan a naas loogr zugẽ, bãmb na n lebg n waa zĩ-kãngã. Bala, Amoor-dãmbã wẽngã maaneg nan ka lebg wʋsg n loog nug ye.»

1 Rĩm-dãmbã 11:1

Rĩm a Salmo rɩgsa bu-zẽms kom-pugli wʋsg n maan a pagba, n paas Ezɩpt rĩm a Faarõ bi-puglã. Pʋg-kãens dag n yaa Amo, Moaabe, Edom, ne Sidõ la Hɛt buudã kom-pugli.

2 Kibayã 33:2

A Manaase maana sẽn yaa wẽng Sẽn-Ka-Saab nifẽ. Bala, yẽnda maana yel-beed wa buud a taab nins Sẽn-Ka-Saabã sẽn dag n kɩt tɩ Israyɛll nebã rigã.

2 Kibayã 8:7

Neb nins fãa sẽn dag n be Israyɛll pʋgẽ, n yaool n ka Israyɛll buudã neb ye. Yaa Ɛt tẽng nebã, Amo nebã, Perɛɛz nebã, Hɛɛv nebã, la Zebu nebã.

Esdras 10:2

La a Yekiyɛll biig a Sekaniya sẽn yaa a Elam yagengã yeela a Ɛsdraas yaa: «Tõnd sẽn peeg tẽngã nebã sẽn yaa bu-zẽmsã kom-pugli n maan d pagbã, tõnd beega Wẽnnaam hal wʋsgo. La baoosg zãnga, tẽeb ket n bee Israyɛll yĩnga.

Esdras 10:8

La ned ning fãa sẽn ka wa-a tigingã rasem a tãabã pʋgẽ, wa nanambsã ne kãsem-dãmbã sẽn yeelã, b na n deesa a paoongã zãnga, la b yiis a soabã neb nins sẽn yi yembdã pʋg n wa wã sʋka.

A Neemi 13:23

Leb n yaa wakat-kãng me, la mam yã tɩ Zʋɩf-rãmb peeg Asdood ne Amo la Moaab nebã kom-pulgi, n maan b pagba.

A Neemi 4:3

Dẽ, tõnd pʋʋsa d Wẽnnaamã. La nin-bãmbã yĩng kɩtame, tɩ tõnd ning gũudb tɩ b gũud wĩndg ne yʋngo, n tõe n zab ne-b n sõng tõndo.

A Neemi 4:7

Dẽ, mam welga nebã roog-roogo, n ning-b londã sẽn be lalgã poorã tɩ b guudẽ, la b rag n zãada b zabr sʋʋse, b kãnã, la b tãbdo.

A Neemi 9:2

Neb nins sẽn yaa Israyɛll buudã welga toor n bas sãambã, n na n tɩ kos bãmb yel-wẽnã ne b yaab-rãmbã kongrã sugri.

Yɩɩn‑sõamyã 106:35

Bãmb rɩka b meng n fãoog ne bu-zẽmsã, n zãms tɩ maan wa bãmba.

Yikri 13:5

Sẽn-Ka-Saab sã n wa kɩt tɩ yãmb kẽ tẽng ning Kana nebã, ne Hɛt nebã, la Amoor nebã, ne Hevi nebã, la Zebuus nebã sẽn beẽ wã pʋga, tẽng ning Sẽn-Ka-Saab sẽn dag n kãab n yeel tɩ b na n kõo y yaab-rãmbã, sẽn yaa tẽng sẽn pid ne bĩisim la sɩɩdã, bɩ y maan minin-kãng ki-kãng pʋgẽ.

Yikri 23:23

Mam malɛɛkã na n lʋɩɩ fo taoor n yãag foom tɩ f ta tẽng ning Amoor-dãmbã ne Hɛt-dãmbã la Ferɛɛz-rãmbã ne Kana-rãmbã la Hevi-rãmbã ne Zebuuz-rãmbã sẽn be wã. La mam na n menesa bãmb zãnga.

Yikri 33:16

Dẽ, yaa ne bõe la ned na n bãng tɩ maam ne yãmb nebã paama bark yãmb nifẽ? Ka yãmb sẽn yãagd tõndã yĩng sɩda? Yaa rẽ yĩng la maam ne yãmb nebã yaa toor ne neb a taabã fãa sẽn be dũniyã zugã.»

A Ezayi 52:11

Yãmb dãmb fãa sẽn tʋkd Sẽn-Ka-Saab lagdã, yi-y beenẽ n looge! Loog-y-yã! Da sɩɩs-y bũmb sẽn yaa rẽgd ye! Yi-y bõn-kãens sʋka! Yɩlg-y y mense!

Zeremi 26:10

Zʋʋda nanambsã sẽn wʋm bõn-kãnga, b yii rĩmã zakẽ n kẽng Sẽn-Ka-Saab roogẽ wã, la bãmb zĩnda Sẽn-Ka-Saab zakã rignoor ning b sẽn boond tɩ rigno-paallã.

Zeremi 26:16

Dẽ, nanambsã ne nebã fãa yeela maan-kʋʋdbã ne no-rɛɛsdbã yaa: «Rao-kãngã ka tog ne kũum ye. Bala, yaa ne Sẽn-Ka-Saab sẽn yaa tõnd Wẽnnaamã yʋʋre, la a gom ne tõndo.»

Maan‑kʋʋre 18:3

Yãmb ka tog n maan wa Ezɩpt tẽngã nebã sẽn maandã ye, tẽng ning yãmb sẽn dag n beẽ wã ye. La da maan-y wa Kana tẽngã, zĩig ning mam sẽn tar yãmb n dabdã nebã sẽn maandã ye. Da sak-y n tũ-y bãmb noyã ye.

Malasi 2:11

Zʋʋda nebã maana zãmbo. Yel-beed la b maan Zeruzalɛm ne Israyɛlle. Bala, Zʋʋda nebã paooga Sẽn-Ka-Saab zĩ-sõngã b sẽn nongã, bãmb sẽn peeg pagb sẽn waoogd wẽn-sãamsã yĩnga.

Sõadga 23:9

Mam zĩnda tãmsã zut n get nin-bamba, Mam da bee tãmsã zut n get-ba, La mam mikame tɩ yaa buud sẽn welg toore, La bãmb miime tɩ b welga toor ne buud a taabã.

Sõadga 25:6

Wakat ning a Moyiis ne Israyɛll nebã sẽn wa n be sɛk roogã noor n yãbdã, b yãnda Israyɛll ned a yembr sẽn tall Madiyã bi-pugl n wa kẽ a roogẽ.

Yaoolem 18:9

«Yãmb sã n tɩ kẽ tẽng ning Sẽn-Ka-Saab sẽn yaa yãmb Wẽnnaamã sẽn kõ yãmbã, bɩ y ra zãms-y tɩ maan yel-beed nins buud a taabã sẽn be beenẽ n maandẽ wã ye.

Yaoolem 23:8

Ra ges-y Edom nebã wa yel-beed ye. Bãmb yaa yãmb saam-biisi. Ra ges-y Ezɩpt nebã wa yel-beed ye. Yãmb dag n yaa sãamb bãmb tẽngẽ.

Yaoolem 7:1

Sẽn-Ka-Saab sẽn yaa yãmb Wẽnnaamã sã n wa tall yãmb n tɩ kẽes tẽng ning yãmb sẽn na n soogã pʋgẽ, bãmb sã n wa rig buud wʋsg nins sẽn be f taoorã sẽn yaa Hɛt-rãmbã ne Girgaaz-rãmbã la Amoor-dãmbã ne Kana-rãmbã la Ferɛɛz-rãmbã ne Hevi-rãmbã la Zebuuz-rãmbã, buud a yopoe wã sẽn yaa wʋsg n tar pãng n yɩɩd yãmbã,

Zozuwe 23:12

Yãmb sã n wẽnemd n naag buud a taabã sẽn be yãmb sʋkã, la y bao zood ne-b n dɩgs b kom-pugli wã n maan y pagba, la y maan lagem-n-taar ne bãmba,