Esdras 8:23 - WẼNNAAM SEBRE 2014

²³ Dẽ, tõnd loee noor n pʋʋs n kos tõnd Wẽnnaamã tɩ b gũ tõndo, la bãmb leoka tõnd pʋʋsgo.

SEBR SÕNGO

²³ Tõnd loee d noore n pʋʋs Wẽnde, la b sõng-d lame.

Esdras 8:23 Iomraidhean Croise

Sɩngrẽ 25:21

A Izak pʋʋs n kosa Sẽn-Ka-Saabo, a pag a Rebeka yĩnga. Bala, a rag n ka tar dogem ye. La Sẽn-Ka-Saab wʋma a kosgã. La a Izak pag a Rebeka rɩka pʋga.

2 Rĩm-dãmba 13:4

La a Zoakaaz yõka Sẽn-Ka-Saab sɛɛga, n kos-b tɩ b maan sugri, la Sẽn-Ka-Saab leoka a pʋʋsgã, bala, bãmb yãnda namsg ning Siiri rĩmã sẽn dag n namsd Israyɛll nebã.

1 Kibayã 5:20

Bãmb paamame tɩ b sõng-b n zab ne Hagaar nebã. Dẽ, b yõga Hagaar nebã ne neb nins fãa sẽn dag n be ne bãmbã. Bala, zabrã wakate, bãmb kelem n boola Wẽnnaam, la Wẽnnaam leoka b kosgã, b sẽn dag n dɩk b teegrã n teeg Wẽnnaamã yĩnga.

Esdras 8:31

La pipi kiuugã rasem piig la a yiibã daare, tõnd yii Ahava kʋɩlgã n na n kẽng Zeruzalɛm. La tõnd so-toakã zãng pʋga, tõnd Wẽnnaamã tẽega b nug n sõng tõndo, la b fãag tõnd ne d bɛɛbã, la ne fãadbã sẽn dag n bẽt tõndã.

A Neemi 9:1

Kiu-kãng rasem pisi la a naasã daare, Israyɛll nebã yeelga boto, n yug b mens tom, la b tigim taab n na n loe noore.

A Ɛstɛɛre 4:16

«Kẽng-y n tigm-y Zʋɩf-rãmb nins fãa sẽn be Suuz na-tẽngã pʋgẽ wã, tɩ y loe noor mam yĩnga, n da rɩ rɩɩbo, la y ra yũ koom, wĩndg la yʋng hal tɩ ta rasem a tãabo. La maam ne m tʋmtʋmd-pogsã me na n loee noor wa yãmba. Dẽ poore, mam na n kẽnga rĩmã nengẽ, baa ne tõogã sẽn gɩdgã. Ba sã n yaa tɩlɛ tɩ mam ki, mam na n kiime.»

Yelbũna 3:5

Bɩ f teeg Sẽn-Ka-Saab ne f sũur fãa, la f ra teeg f meng bãngr ye.

A Ezayi 19:22

Dẽ, Sẽn-Ka-Saab sã n sɩbg Ezɩpt nebã, bãmb n na n leb n maag-ba. Ezɩpt nebã na n lebg n waa Sẽn-Ka-Saab nengẽ, la Sẽn-Ka-Saab na n sak n deega b kosgã n maag-ba.

Zeremi 33:3

Bool maam tɩ m na n leok-f lame. M na n togs-f-la bõn-kãsems sẽn na n maane, yel-solgds fo sẽn dag n ka tõe n bãnge.

A Dãniyɛlle 9:3

Dẽ, mam loee noore, la m yeelg sũ-sãang fuugu, n yug m zug tompeglem, n na n pʋʋs Zu-soab a Wẽnnaam ne se-yõkre.

A Luk Sõng 2:37

n lebg pʋg‑kõore, n kell n paa a woto. La baa ne a sẽn tar yʋʋm pis-nii la a naasã, a dag n ka yit wẽnd doogẽ wã ye. A dag n maanda Wẽnnaam tʋʋmd wĩntoog ne yʋngo, ne no-loeer la pʋʋsgo.

Tʋʋma 10:30

A Korney leokame yaa: Rab-tãtẽ sẽn zems wakat-kãnga, mam dag n bee m doogẽ zaabr lɛɛr a tãab wakat n pʋʋsdẽ. Tao-tao bala, rao sẽn da yer fut sẽn pɩnd n yals mam taoorã,

Yaoolem 4:29

La yãmb sã n zĩnd be n bao Sẽn-Ka-Saab sẽn yaa Wẽnnaamã ne y sũyã fãa, la ne y yamã fãa, y na n yãnd-b lame.