Esdras 8:22 - WẼNNAAM SEBRE 2014

²² Rag n na n yɩɩ yãnd ne maam, tɩ m kos rĩmã tɩ b yãk tãb-biis n kõ tõnd tɩ b yãag tõnd tɩ d bɛɛbã ra wa tek n yek-d sorã zug ye. Bala, tõnd dag n wilga rĩmã tɩ tõnd Wẽnnaamã nug-sõngã maanda sẽn baood-b bãmbã fãa neere, n kogend-ba, la b sũur puugda wʋsg ne neb nins fãa sẽn ka baood-b bãmbã.

SEBR SÕNGO

²² M da zoeta yãnde ne m kos wed-dʋʋdba sẽn na n kogl-d ne d bɛɛbã, sora zugu. Tõnd meng n da pʋs n yeel dĩma tɩ Wẽnd sõngr ka paoogd sẽn baood-b bãmb ye tɩ b sũur yaool n fõt ne neb niyns toog sẽn ka be ne bãmbã.

Esdras 8:22 Iomraidhean Croise

1 Kibayã 28:9

La foom m biig a Salmo, bɩ f bao tɩ bãng f ba wã Wẽnnaam. Maan bãmb tʋʋmdã ne f sũur fãa zãnga, maan-a ne yamleoogo. Bala, Sẽn-Ka-Saab feesda ned kam fãa sũuri, la a tagsgo. Fo sã n bao bãmba, b na n basame tɩ f yã bãmba. La fo sã n bas bãmba, bãmb me na n basa foom wakat sẽn ka sɛt yĩnga.

2 Kibayã 15:2

la yẽnda kẽnga rĩm a Aaza nengẽ n tɩ yeele: «Aaza, la yãmb fãa Zʋʋda ne Benzame nebã, kelg-y-yã! Yãmb sã n pa ne Sẽn-Ka-Saabo, bãmb me na n paa ne yãmba. Yãmb sã n bao bãmba, bãmb na n basame tɩ y yãnd-ba. La yãmb sã n bas bãmba, bãmb me na n basa yãmba.

2 Kibayã 16:9

Bala, Sẽn-Ka-Saab geta dũniyã fãa gilli, n na n sõng neb nins sẽn nong bãmb ne b sũyã fãa wã. Yel-kãngã pʋgẽ, fo maana yalemdo, yaa rẽ n kɩt tɩ sẽn sɩng ne moasã, fo na n paama zaba.»

Esdras 7:28

La yaa Sẽn-Ka-Saab n kɩte, tɩ rĩmã ne a kug-zĩidbã, la a nin-kãsemsã nong maam. Sẽn-Ka-Saab sẽn yaa mam Wẽnnaamã nug sẽn be mam zugã yĩnga, b kõo maam pãnga, tɩ m tõog n tigim Israyɛll nanambsã tɩ b na n tũ maam n kẽnge.»

Esdras 7:6

A Ɛsdraas yii Babilond n wa, yẽnda yaa ned sẽn tar bãngre, n mi a Moyiis tõodã sõama. Yaa tõod nins Sẽn-Ka-Saab sẽn yaa Israyɛll Wẽnnaamã sẽn dag n kõ a Moyiisã. La Sẽn-Ka-Saab sẽn dag n be ne yẽnda wã yĩnga, rĩmã kõo yẽnda bũmb ning fãa a sẽn kosã.

Esdras 7:9

A Ɛsdraas yãka yam n yi Babilond pipi kiuugã pipi daare, la Wẽnnaam nug-sõngã sẽn dag n gũud yẽnda wã yĩnga, a taa Zeruzalɛm kiuug a nu soabã pipi daare.

Esdras 8:31

La pipi kiuugã rasem piig la a yiibã daare, tõnd yii Ahava kʋɩlgã n na n kẽng Zeruzalɛm. La tõnd so-toakã zãng pʋga, tõnd Wẽnnaamã tẽega b nug n sõng tõndo, la b fãag tõnd ne d bɛɛbã, la ne fãadbã sẽn dag n bẽt tõndã.

A Neemi 2:9

Dẽ, mam kẽnga gʋvɛrneer-dãmb nins sẽn be Efrat kʋɩlgã rʋʋndã nengẽ, n tɩ kɩs-b rĩmã sɛbã. Rĩmã rag n yãka tãb-biis ne wed-rʋʋdba, n kɩt tɩ b yãagd maam m tʋʋmdã pʋga.

Yɩɩn‑sõamyã 20:8

Neb kẽer teega b zabr saar-dãmba, tɩ kẽer teeg b wiidi. La tõndo, yaa Sẽn-Ka-Saab sẽn yaa tõnd Wẽnnaamã yʋʋr la tõnd boonda.

Yɩɩn‑sõamyã 34:22

Toog na n kʋʋ nin-wẽnga, la sẽn kis-b nin-tɩrgã na n paama sɩbgre.

Yɩɩn‑sõamyã 90:11

Ãnda n tõe n bãng yãmb sũ-yikrã pãng sẽn ta zĩig ninga, la y sũ-kãbrã sẽn kɩt tɩ b zoet yãmbã?

Kʋʋr yɩɩla 3:25

Sẽn-Ka-Saab maanda neb nins sẽn teeg bãmbã la b baood bãmbã neere.

Rom Dãmba 8:28

La tõnd miime tɩ bũmb fãa tʋmda ne taab neb nins sẽn nong Wẽnnaamã, b rãmb sẽn paam boolg wa sẽn zems Wẽnnaam yam-yãkrã sõngr yĩnga.

1 Korẽnt rãmba 9:15

Ne maam, mam ka tʋm ne no-kãens baa a yembr ye. La mam ka gʋlsd a woto tɩ y na kõ-m ye. Bala, mam sẽn kiid n são. Ned baa a yembr kõn yiis waoogr ning mam sẽn tar yel-kãng pʋgẽ wã ye.

2 Korẽnt rãmba 7:14

Sã n yaa mam sẽn pẽg m meng bilf a Tit taoor yãmb wɛɛngẽ wã, bõn-kãng yãnd ka tar maam ye. Wa tõnd sẽn dag n togs yãmb sɩd daar fãa wã, woto me, tõnd sẽn pẽg d mens yãmb wɛɛngẽ a Tit taoorã me yɩɩ sɩda.

Ebre rãmba 10:38

La mam nin-tɩrg na n vɩɩ ne tẽebo, la a sã n leb poorẽ, mam sũur ka noom ne-a ye.

Zozuwe 22:16

«Ade, Sẽn-Ka-Saab nebã fãa sokdame yaa: Bõe yĩng tɩ yãmb beeg Sẽn-Ka-Saab sẽn yaa Israyɛll Wẽnnaamã a woto. Yãmb wẽnemd n basa Sẽn-Ka-Saab n maan tẽn-kugr y mens yĩnga, n wẽnemd n bas Sẽn-Ka-Saab rũndã?

1 Pɩyɛɛr 3:12

Bala, Zu-soabã geta nin-tɩrse, bãmb kelgda nin-tɩrs pʋʋsgo, la b wẽnemdeda b neng n basd neb nins sẽn maand wẽngã.