Esdras 8:21 - WẼNNAAM SEBRE 2014

²¹ La tõnd sẽn wa n be Ahava kʋɩlgã noor beenẽ, mam yãka yam tɩ tõnd fãa na n loee noor n sik d mens tõnd Wẽnnaamã taoore, n kos-b tɩ b sõng tõnd tɩ d so-toakã yɩ sõama, tõnd ne d zagsã, la d laogã zãng yĩnga.

SEBR SÕNGO

²¹ Aava ko-sora noore m moona no-loeere la d sulga d mens d Soaala taoore n bõs tɩ b ges-do tɩ d tõog n sɩng d kẽna ne laafi tõnd ne d kamba la zɩɩbã d sẽn tʋkã.

Esdras 8:21 Iomraidhean Croise

2 Kibayã 20:3

Dẽ, rabeem wʋsg yõka a Zozafate, t'a yãk yam n na n bao Sẽn-Ka-saabo, yẽnda moona no-loeer Zʋʋda tẽmsã fãa pʋsẽ.

2 Kibayã 20:4

Zʋʋda nebã tigmame n na n bao Sẽn-Ka-saabo. Nebã yii Zʋʋda tẽmsã fãa pʋsẽ n na n wa bao Sẽn-Ka-Saabo.

Esdras 8:15

Mam tigma nin-bãmbã fãa kʋɩlg ning sẽn zoet n teesd Ahava wã noore, la tõnd paa beenẽ rasem a tãab tõre. La mam sõda nebã ne maan-kʋʋdbã, n mik tɩ bãmb sʋkã, Leevi buudã yageng ka be beenẽ ye.

Esdras 8:31

La pipi kiuugã rasem piig la a yiibã daare, tõnd yii Ahava kʋɩlgã n na n kẽng Zeruzalɛm. La tõnd so-toakã zãng pʋga, tõnd Wẽnnaamã tẽega b nug n sõng tõndo, la b fãag tõnd ne d bɛɛbã, la ne fãadbã sẽn dag n bẽt tõndã.

A Neemi 9:1

Kiu-kãng rasem pisi la a naasã daare, Israyɛll nebã yeelga boto, n yug b mens tom, la b tigim taab n na n loe noore.

A Ɛstɛɛre 4:16

«Kẽng-y n tigm-y Zʋɩf-rãmb nins fãa sẽn be Suuz na-tẽngã pʋgẽ wã, tɩ y loe noor mam yĩnga, n da rɩ rɩɩbo, la y ra yũ koom, wĩndg la yʋng hal tɩ ta rasem a tãabo. La maam ne m tʋmtʋmd-pogsã me na n loee noor wa yãmba. Dẽ poore, mam na n kẽnga rĩmã nengẽ, baa ne tõogã sẽn gɩdgã. Ba sã n yaa tɩlɛ tɩ mam ki, mam na n kiime.»

Yɩɩn‑sõamyã 137:1

Tõnd dag n bee Babilond kʋɩlsã noore, la tõnd sẽn zĩnd beenẽ n tẽeg Sɩyõ tẽngã yellã, tõnd yãbame.

Yɩɩn‑sõamyã 5:8

La yãmb nonglmã sẽn yaa kãseng ne maamã yĩnga, mam wata yãmb doogẽ wã, mam na n wõgemda yãmb do-sõngã taoor n waoog yãmba, yãmb sẽn zems waoogrã yĩnga.

Yɩɩn‑sõamyã 5:9

Sẽn-Ka-Saabo, tɛ-y maam yãmb tɩrlmã pʋga, mam bɛɛbã yĩnga. Maneg-y sor ning yãmb sẽn dat tɩ m tũ wã.

Yɩɩn‑sõamyã 8:2

Sẽn-Ka-Saab sẽn yaa tõnd Zu-soaba, Yãmb yʋʋrã yaa kãseng dũniyã fãa pʋgẽ! Yãmb ziirã zẽk n gãndga saasẽ.

Yelbũna 3:6

Bɩ f tẽeg Sẽn-Ka-Saab yelle, bũmb nins fãa f sẽn maandã pʋgẽ, la bãmb n na n manega f soayã.

A Ezayi 30:21

Yãmb sã n dabd goabg bɩ rɩtgo, yãmb tʋbr na n wʋma koe-kãngã y poorẽ sẽn yete: «ad sorã, tu-y-yã-a.»

A Ezayi 35:8

B na n tuka so-kõodr beenẽ, n pʋd sorã yʋʋr tɩ ‹sor sẽn welg toore. Ned ning sẽn yaa rẽgd ka rɩkd so-kãng ye. So-kãng yaa sẽn tũud-b yẽnda wã yĩnga, la yalembã sã n dɩk so-kãnga, b ka na n menem ye.

A Ezayi 42:16

Mam na n kɩtame tɩ zoens kẽn sor b sẽn dag n ka mi zugu. Mam na n tall-b lame n tũ so-bugs b sẽn dag n ka mi pʋga. Mam na n kɩtame tɩ lik-bida lebg vẽenem bãmb taoore, la m kɩt tɩ so-rʋdã lebg saalga. Mam na n maana bõn-kãngã, la m ka na n tol n bas bãmb ye.

A Ezayi 49:10

Kom kõn leb n yõk bãmb ye, ko-yũud kõn leb n yõk bãmb ye. Sob-tʋʋlg ne wĩndg walem kõn leb n nams bãmb ye. Bala, sẽn zoet-a bãmb nimbãanegã n na n tɛ bãmba, la a talla bãmb n kẽng ko-budum zĩigẽ.

A Ezayi 58:3

Sã n mikame tɩ yãmb ka ne, bõe yĩng tɩ tõnd loet noore? Sã n mikame tɩ yãmb ka mi, bõe yĩng tɩ tõnd na n mong d meng rɩɩbo? Daar ning yãmb sẽn loet noorã, yãmb tʋmda y mens tʋʋma, la y namsd y tʋmtʋmdbã.

A Ezayi 58:5

Rẽ yĩnga, yaa no-loeer a woto buud la mam dat sɩda, yaa ned sẽn mongd a meng bũmb daar pʋgẽ? Yaa ned sẽn sulgd a zug wa tãnwĩiga, la a yeelg bot n gãe tompeglmẽ la? Rẽ yĩnga, yãmb boonda yõwã tɩ no-loeere? Yõwã yaa daar sẽn tat Sẽn-Ka-Saab yam sɩda?

Zeremi 10:23

Sẽn-Ka-Saabo, mam miime tɩ ninsaal ka tar noor ne a vɩɩm sẽn na n yɩ bũmb ning ye. Ninsaal ka so a meng vɩɩm yell ye.

Zeremi 42:3

Bɩ Sẽn-Ka-Saab sẽn yaa fo Wẽnnaamã wilg tõnd d sẽn tog n kẽngẽ, la d sẽn tog n maan bũmb ninga!»

A Dãniyɛlle 9:3

Dẽ, mam loee noore, la m yeelg sũ-sãang fuugu, n yug m zug tompeglem, n na n pʋʋs Zu-soab a Wẽnnaam ne se-yõkre.

A Zowɛlle 1:14

Yãk-y daar no-loeer yĩnga, moon-y tigin-kãseng daare, tigm-y kãsem-dãmbã, ne tẽngã nebã fãa, tigm-y-b Sẽn-Ka-Saab sẽn yaa yãmb Wẽnnaamã roogẽ, la y kelem n bool Sẽn-Ka-Saabo!

Maan‑kʋʋre 16:29

Ad no-tũudg ning sẽn ka sɛtã, b sẽn kõ yãmb t'a tog n pa wakat fãa yĩngã. Kiuug a yopoe soabã rasem piig daare, bɩ y loe noore, la y bas y tʋʋmã fãa, sã n yaa tẽng-n-neda, wall sãan sẽn wa n be yãmb sʋka.

Maan‑kʋʋre 16:31

Badaar na n yɩɩ vʋʋsg daar yãmb yĩnga, la yãmb tog n loee noore. Yõwã yaa no-tũudg sẽn ka sɛta.

Maan‑kʋʋre 23:29

Ned ning fãa sẽn ka sika a meng badaare, b na n yiisa a soabã a nebã sʋka.

A Zonaase 3:5

Dẽ, Niniiv tẽngã neb tẽe Wẽnnaam. La bãmb mooname n yeel nebã fãa tɩ b loe noore. La sẽn sɩng ne kãsma, n tɩ tãag yao-zʋʋga, nebã fãa yeelga sũ-sãang fut n zĩnd tompeglmẽ.

A Zonaase 3:7

Dẽ poore, Niniiv naabã kɩtame tɩ b moon Niniiv tẽngã pʋg n yeel yaa: «Rĩmã ne a kug-zĩidbã wilgdame tɩ ninsaalbã ra rɩ rɩɩbo, la bɩ rũmsã fãa, sã n yaa rũm-bɛd wall rũm-bãoonego, ra wãb yamdo, la b ra yũ koom me ye.

Sõadga 14:3

Yaa bõe tɩ Sẽn-Ka-Saab talld tõnd n na n kẽes tẽng a woto pʋgẽ? Tõnd na n kii zabrẽ wã, tɩ b wʋk d pagbã ne d kambã. Tõnd sã n lebg n leb Ezɩpt tẽngã n são.»

Sõadga 14:31

La yãmb kambã yãmb sẽn dag n yeel tɩ b na yɩ y bɛɛbã yembsã, yaa kom-bãmb la mam na n kɩt tɩ b kẽ tẽng ning yãmb sẽn dag n sãbsã pʋgẽ. La bãmb na n bãnga tẽngã.

Tʋʋma 2:39

Bala, Wẽnnaam kãabgã yaa yãmb ne y kambã yĩnga, la neb nins fãa sẽn be zĩ-zãrgã yĩnga, la neb nins fãa tõnd Wẽnnaam sẽn na n yaool n boolã me yĩnga.»

Bʋ-kaoodba 20:26

Dẽ, Israyɛll tãb-biisã ne nebã fãa kẽnga Betɛlle, n tɩ pa be n yãb Sẽn-Ka-Saab taoore, la b loe noor badaar hal tɩ ta zaabre, la b maan maand sẽn yõogd bugum, la zems-n-taar maando, n kõ Sẽn-Ka-Saabo.

1 Sãmwɛlle 7:6

Dẽ, bãmb tigma Mispa, la b toog koom n daag Sẽn-Ka-Saab taoore. Bãmb maana no-loeer badaare, la b yeelame: «Tõnd beega Sẽn-Ka-Saabo.» A Sãmwɛll dag n yaa Israyɛll nebã bʋ-kaood Mispa.