Esdras 7:25 - WẼNNAAM SEBRE 2014

²⁵ La mam yeta foom a Ɛsdraas tɩ f tall yam ning fo Wẽnnaamã tõod bãngr sẽn be fo nugẽ wã, n yãk bʋ-kaoodba, ne tõodã bãngdba, tɩ b tõe n ges neb nins fãa sẽn be kʋɩlgã rʋʋnde, n mi yãmb Wẽnnaam tõodã bʋʋd kaoob yellã. La f kɩt tɩ sẽn ka mi-b tõodã bãng-ba.

SEBR SÕNGO

²⁵ Sã n yaa foo, Esdras, yik ne yam pidung ning f Wẽnd la f noanga sẽn kõ fooma, n zĩndig bʋ-kaoodba la sɩlem dãmba tɩ b welgd sẽn be b Efrat rʋʋnda yɛla, sẽn mi-b Wẽnnaam noora fãa yɛla la b sõng tɩ sẽn ka mi-b noora wa bãng-a.

Esdras 7:25 Iomraidhean Croise

Sɩngrẽ 41:38

La Faarõ yeela bãmb yaa: «Tõnd tõe n leb n yãnda ned sẽn tar yam wa nin-kãngã, tɩ Wẽnnaam Sɩɩgã be a zug sɩda?»

Sɩngrẽ 41:39

Faarõ yeela a Zozɛf yaa: «Ade, Wẽnnaam sẽn tõog n kɩt tɩ fo bãng bõn-kãensã wã, tõnd ka leb n tõe n yãnd ned a to sẽn tar bãngre, la a tar yam wa foom ye.

1 Rĩm-dãmbã 3:28

Israyɛll nebã fãa sẽn wʋm dĩm a Salmo sẽn kao bʋʋdã to-to wã, bãmb zoee rĩmã. Bala, b yãame tɩ rĩmã tara Wẽnnaam yam n maand a tʋʋmã ne tɩrlem.

2 Rĩm-dãmba 17:27

Asiiri rĩmã kõo noor n yeele: «Sã n yaa woto, bɩ y kɩt tɩ maan-kʋʋdb nins yãmb sẽn yõg n wa Asiiri ka wã ned a yembr kẽng n tɩ zĩnd beenẽ ne bãmba, n zãms-b tẽngã wẽnnaamã sẽn waoogd to-to.»

1 Kibayã 22:12

Moasã, bɩ Sẽn-Ka-Saab kõ foom yam la bãngre. Bɩ b kɩt tɩ f naamã tall pãng Israyɛll soolmã pʋgẽ, tɩ f tõog n sak Sẽn-Ka-Saab sẽn yaa fo Wẽnnaamã tõogo.

1 Kibayã 23:4

A Davɩɩd yeelame: «Yãk-y neb tus pisi la a naas sẽn na n get Sẽn-Ka-Saab roogã tʋʋm yelle, la y yãk neb tus a yoob sẽn na n yɩ seb-gʋlsdb ne bʋ-kaoodba, la neb tus a naas sẽn na n yɩ rigno-gũudba,

Esdras 10:4

Woto wã, Ɛsdraase, yik tɩ yellã fãa bee fo nugẽ, tõnd bee f poorẽ. Paam daood n maan tʋʋmdã.»

Esdras 6:6

Rẽndã yĩng kɩtame tɩ rĩm a Daryuus gʋls sebr n kõ gʋvɛrneer a Tatnayi sẽn so Efrat kʋɩlgã rʋʋndã, ne a Setaar-Boznayi ne b tʋmd-n-taasã sẽn be kʋɩlgã rʋʋndã n yeel-b yaa: «Yiis-y y toog yel-kãngã wɛɛngẽ.

Esdras 7:10

Sɩd me, a Ɛsdraas rag n zãmsda Sẽn-Ka-Saab tõodã ne a sũur fãa, la a sakd-ba, la a rɩkd Sẽn-Ka-Saab tõodã ne b noyã n zãmsd Israyɛll nebã.

Esdras 7:14

Yaa maam ne m kug-zĩidb a yopoe wã n tʋmd foom tɩ f kẽng Zʋʋda soolmẽ wã ne Zeruzalɛm, n tɩ ges b sã n sakda fo Wẽnnaamã tõod nins fo sẽn zãadã wa sẽn segde.

A Neemi 9:3

Bãmb yik n yalsa yĩngr lɛɛr a tãabo, n kelg Sẽn-Ka-Saab sẽn yaa bãmb Wẽnnaamã tõodã sebr kaorengo. Bãmb leb n dɩka lɛɛr a tãab yɛs n yĩgimd Sẽn-Ka-Saab sẽn yaa bãmb Wẽnnaamã taoor n na n kos b yel-wẽnã sugri.

Yɩɩn‑sõamyã 19:7

Wĩndgã pukda sa-gãongã kɩreng a yembre, n gilg n tɩ kẽ kɩreng a to, la a walmã wẽeda bũmbã fãa.

Yelbũna 2:6

Bala, yaa Sẽn-Ka-Saab n kõt yam, la bãngr ne yam-sõng yita bãmb noorẽ.

Yelbũna 6:23

Bala, noyã yaa wa fɩtla, la zãmsgã yaa wa vẽenem, la remsgã ne keoogrã yaa vɩɩm sore.

Malasi 2:7

Bãngr bee maan-kʋʋdã noorẽ. Bala, yaa yẽnda nengẽ la nebã na n wa sok n bãng tõogã sẽn tog n tũ to-to, a sẽn yaa Saasẽ-Pãng-Soabã no-rɛɛsã yĩnga.

A Matiye Sõng 13:52

La a Zeezi yeela bãmba: «Yaa woto yĩng tɩ tõog karen-saamb ning fãa sẽn zãms arzãn soolem yɛl n bãnge, wẽnda wa yir soab sẽn yãkd bõn-paals ne bõn-kʋd a paoong pʋgẽ.»

A Mark Sõng 6:34

A Zeezi sẽn yi koom koglgẽ wã, b yãnda neb kʋʋng wʋsgã, la b nimbãaneg yõka bãmba, bala, bãmb wẽnda wa piis sẽn ka tar pe-kɩɩm ye. La bãmb sɩngame n zãms-b bũmb wʋsgo.

Yaoolem 16:18

Yãmb na n yãka bʋ-kaoodb la seb-gʋndba, n ning-b tẽms nins Sẽn-Ka-Saab sẽn yaa yãmb Wẽnnaamã sẽn kõ yãmbã pʋsẽ wã dignoyẽ, wa sẽn zems y buudã fãa sõore, tɩ b bʋ nebã bʋʋd ne tɩrlem.

Kolos Rãmba 1:28

Yaa Kiris koɛɛg la tõnd moonda, n keoogd ned buud fãa la d zãmsd ned kam fãa ne yam buud fãa, tɩ tõnd tõe n kɩt tɩ ned kam fãa zems zãng Kiris tũudmã pʋgẽ.

Zake 1:5

Yam sã n paoog yãmb ned a yembre, bɩ a kos Wẽnnaam sẽn kõt nebã fãa ne yamleoog n ka lengdẽ wã, la b na kõ-a yamã.