Esdras 6:8 - WẼNNAAM SEBRE 2014

⁸ Ad mam sẽn kõt yãmb noor tɩ y maan bũmb ninga: ‹Mam datame tɩ y sõng Zʋʋda kãsem-dãmbã b Wẽnnaamã roog meeb pʋgẽ. La yaa yõor-yaood ning b sẽn deeg kʋɩlgã rʋʋnd n wa yao rĩmã, la yãmb na n yãk n yao nin-bãmbã, tɩ tʋʋmdã ra tol n yals ye.›

SEBR SÕNGO

⁸ Y sẽn na n maan bũmb ning ne Zʋɩf rãmbã nin-kẽemsa sẽn na n lagem yãmb rooga meebẽ la woto: m datame tɩ ligda yi yõora yaoodẽ y sẽn deesd neba nengẽ b tẽnsẽ wã. Yãk-y ligda be n kɩs y sẽn tog n kɩse, wakat fãa la bũmb da paoog ye.

Esdras 6:8 Iomraidhean Croise

Esdras 4:16

Woto n kɩte, tɩ tõnd wilgd rĩmã, tɩ b sã n lebs n me Zeruzalɛm tẽngã, la b yik a lalsã, yãmb kõn tol n leb n tõog n soog Efrat kʋɩlgã rʋʋnd ned ye.› »

Esdras 4:23

Dẽ, b sẽn karem rĩm a Artagzɛrzɛɛs sebrã t'a Rehum ne a seb-gʋnd a Simsayi, la b tʋmd-n-taasã wʋma, b yika tao-tao n kẽng Zeruzalɛm tẽngã, Zʋʋda nebã nengẽ, n tɩ modg bãmb ne pãnga, n yeel-b tɩ b yals tʋʋmdã.

Esdras 5:5

La Wẽnnaam dag n bee ne Zʋɩf-rãmbã kãsem-dãmba. Dẽ, b ka tõog n kɩt tɩ b yals tʋʋmdã ye. B kẽnga taoore, la b gũud b sẽn na n tɩ togs rĩm a Daryuus yellã, la rĩmã sẽn na n tʋm leokr ning tɩ wa yel-kãng wɛɛngẽ.

Esdras 6:14

Zʋʋda kãsem-dãmbã kẽnga taoor n me roogã ne tõogre, wa Wẽnnaam no-rɛɛsdb a Aaze ne a Ido biig a Zakari sẽn dag n yeelã. Bãmb mee roogã n sɛ wa Israyɛll Wẽnnaamã sẽn yeelã, la a yɩɩ wa rĩm a Siruus ne rĩm a Daryuus la rĩm a Artagzɛrzɛɛs sẽn yaa Pɛrs-rãmbã rĩm-dãmbã sẽn dag n kõ noorã to-to wã.

Esdras 6:4

Bɩ b ning kug-peesds n tong taab ruls a tãabo, ne ra-paal rulg a yembre. La yaa na-yirã n na n ges tʋʋmdã yaood yelle.

Esdras 6:7

Bas-y Zʋɩf-rãmbã tɩ b kẽng taoor ne Wẽnnaam doogã meebo. Zʋʋda gʋvɛrneerã, ne b kãsem-dãmbã tog n lebs n mee Wẽnnaam doogã a zĩ-kʋdgẽ wã.

Esdras 6:9

Yãmb tog n kõo Zeruzalɛm maan-kʋʋdbã bũmb ning b sẽn datã daar fãa. Sã n yaa lolse, pe-raado, wall piis sẽn na n maan maoong sẽn yõogd bugum n kõ yĩngr Wẽnnaamã, la y kõ-b koodo, ne yamsem, la reezẽ rãam, ne kaam.

Esdras 7:14

Yaa maam ne m kug-zĩidb a yopoe wã n tʋmd foom tɩ f kẽng Zʋʋda soolmẽ wã ne Zeruzalɛm, n tɩ ges b sã n sakda fo Wẽnnaamã tõod nins fo sẽn zãadã wa sẽn segde.

A Neemi 11:23

Bala, rĩmã rag n yiisa tõog bãmb wɛɛngẽ, la ne no-tũuds yɩɩn-yɩɩndbã yĩnga, n wilgd b sẽn tog n maan b tʋʋmdã to-to daar fãa.

A Neemi 2:8

Mam data sebr a to me n tɩ kɩs rĩmã tɩɩs naab a Azaf t'a kõ-m daad sẽn na n maneg tãb-sikã kʋɩlems sẽn pẽ Wẽnd doogã. La raad me m sẽn na n maneg tẽngã lalgã, ne roog ninga mam sẽn na n zĩnd a pʋgẽ wã.» Woto, rĩmã kõo maam seb-kãense, bala, mam Wẽnnaamã nug-sõngã rag n bee mam zugu.

A Dãniyɛlle 6:26

Dẽ poore, rĩm a Daryuus gʋlsa sɛb n tʋm dũniyã buud fãa sẽn be tẽmsã fãa pʋs n gomd gom-zẽnã nengẽ n yeele: «Bɩ y zĩnd ne bãane!

A Aaze 2:8

Wanzuri wã yaa maam n so, la sãnemã me yaa maam n so. Yaa maam a Saasẽ-Pãng-Soabã n yeele.»