Esdras 6:5 - WẼNNAAM SEBRE 2014

⁵ Sẽn paase, b tog lebsa teed nins rĩm a Nebukatnedzaar sẽn dag n tɩ wʋk Zeruzalɛm Wẽnd doogẽ wã n kẽng Babilondã, yaa sãnem ne wanzuri teedo. La b tog n tɩ lebsa bũmb fãa a zĩigẽ Zeruzalɛm Wẽnd doogã pʋga.»

SEBR SÕNGO

⁵ Rooga teed fãa sẽn ya sãnem bɩ wanzurf, t'a Nabikodonozor tall n loog Babilon, teoog fãa na n leba a zĩigẽ, wẽnd doogẽ wã, fãa na n bĩnga be.

Esdras 6:5 Iomraidhean Croise

2 Rĩm-dãmba 24:13

Babilond dĩm a Nebukatnedzaar wʋka Sẽn-Ka-Saab roogã ne na-yirã laogã fãa, la a wã sãnemã teed nins Israyɛll dĩm a Salmo sẽn maan n ning Sẽn-Ka-Saab roogã pʋgẽ, wa Sẽn-Ka-Saab sẽn dag n yeelã.

2 Kibayã 36:10

Yʋʋmdã sẽn wa n na n baasã, a Nebukatnedzaar kɩtame tɩ b tall a Zozakẽ ne Sẽn-Ka-Saab roogã te-sõamy wã fãa n kẽng Babilonde. La a kɩt t'a Sedesiyaas lebg rĩm n soog Zʋʋda ne Zeruzalɛm.

2 Kibayã 36:18

Yẽnda wʋka Sẽn-Ka-Saab roogã teed fãa, te-bɛd la te-bãoonego. Yẽnda wʋka rĩmã ne a nanambsã laog fãa n tall n kẽng Babilonde.

Esdras 5:14

Naab a Nebukatnedzaar dag n wʋka sãnemã ne wanzuri wã teedã sẽn dag n be Wẽnnaam doogã pʋg Zeruzalɛmã, n kẽng n tɩ ning Babilond wẽnd doogã pʋga. La rĩm a Siruus yiisa teedã Babilond wẽnd doogẽ wã n kɩs ned a yembr yʋʋr sẽn boond t'a Sesbatsaare. A Sesbatsaar yaa rĩm a Siruus sẽn dag n yãk ned ning n kɩt t'a lebg Zʋʋda gʋvɛrneerã.»

Zeremi 27:16

Mam yeela maan-kʋʋdbã ne nin-bãmbã fãa tɩ Sẽn-Ka-Saab yetame: «Da kelg-y no-rɛɛsdb nins sẽn yet yãmb tɩ sã n yɩ bilfu, b na n talla Sẽn-Ka-Saab roogã teed sẽn be Babilondã n wa ka wã goam ye. Bãmb sẽn togsdã yaa zĩrẽ pĩnd-n-bãngr goamã.

Zeremi 52:19

Gũudbã naab leb n wʋka sĩn-bãoonegã ne bugum laasã, la zɩɩm mesb laasã ne tompeglem laasã, la fɩtl dogendsã ne wisd yõogr laasã, la bõn-yũudl wamã, la bũmb nins fãa sẽn maan ne sãnem la wanzuri wã.

A Dãniyɛlle 1:2

La Zu-soabã basame t'a Nebukatnedzaar tõog Zʋʋda rĩm a Yoyakim n yõk-a, la a wʋk Wẽnnaam doogã teed kẽere. La a talla teedã n kẽng Sineyaar tẽnga, n tɩ bĩng-b a wẽnnaam-dãmbã roogẽ, b laogã bĩngr zĩigẽ.

A Dãniyɛlle 5:2

La rĩm a Bɛlsatzaar yũu reezẽ rãamã n tɩge. Dẽ, a yeelame tɩ b kẽng n tɩ wʋk sãnemã ne wanzuri wã laasã yẽnda ba a Nebukatnedzaar sẽn dag n wʋk Zeruzalɛm Wẽnd doogã pʋgẽ wã, n tall n wa tɩ yẽnda ne a pagbã, la a pʋg-rɩkdsã ne a nin-kãsemsã tall n yũ rãam.