Esdras 6:15 - WẼNNAAM SEBRE 2014

¹⁵ La b mee roogã n sɛ Adaar kiuugã rasem a tãab daare. Rag n yaa rĩm a Daryuus sẽn deeg a naamã tɩ yʋʋm-yoaablẽ.

SEBR SÕNGO

¹⁵ B baasa roogã Adar kiuug pisi la a tãab daare. Dĩm a Dariyus naam yʋʋmd a yoob soaba.

Esdras 6:15 Iomraidhean Croise

A Ɛstɛɛre 3:7

Rĩm a Asiruus sẽn deeg a naamã tɩ yʋʋm piig la yiiblẽ soabã, pipi kiuugã sẽn yaa Nisã kiuugã pʋgẽ wã, a Haman kɩtame tɩ b maan poeere, daar fãa zugu, sẽn sɩng ne pipi kiuugã n tɩ tãag kiuug piig la yiibẽ soabã sẽn yaa Adaar kiuugã, n dat n bãng daar ninga, wall kiuug ning sẽn zems ne yẽnda sẽn dat n maan bũmb ningã.

A Ɛstɛɛre 9:21

A Mardoose rag n wilgda Zʋɩf-rãmbã tɩ b rɩk Adaar kiuugã rasem piig la a naas daarã, ne a rasem piig la a nu daarã, tɩ yɩ tigr la sũ-noog wʋsg daar yʋʋmd fãa.

A Ɛstɛɛre 9:19

Yaa rẽ n kɩte, tɩ Zʋɩf-rãmb nins sẽn be-b tẽn-kɩremsẽ wã, tẽms nins sẽn ka gũbg ne lalsã pʋsã, maan Adaar kiuugã rasem piig la a naas daarã tɩ yaa tigri, la sũ-noog wʋsg daare, la daar ned kam fãa sẽn kõt a yak kũuni.

A Ɛstɛɛre 9:17

Bõn-kãens fãa maana Adaar kiuugã rasem piig la a tãab daarã. La kiuugã rasem piig la a naasã daare, bãmb vʋʋsame. La badaar yɩɩ tigri, la sũ-noog wʋsg daare.

A Ɛstɛɛre 9:15

Dẽ, Zʋɩf-rãmb nins sẽn be Suuz na-tẽnga pʋgã leb n tigma taab Adaar kiuugã rasem piig la a naasã daare, la b kʋ neb kobs-tã, la b ka sɩɩs b paoongã ye.

A Ɛstɛɛre 9:1

Kiuug piig la a yiib soabã sẽn yaa Adaar kiuugã rasem piig la a tãab daare, daar ning rĩmã sẽn kõ noore, la a yiis tõog n wilgd nebã sẽn dag n tog n maanã daar sẽn ta, daar ning Zʋɩf-rãmbã bɛɛb sẽn dag n tẽed tɩ bãmb na n tõoga Zʋɩf-rãmbã, yellã wẽnemdame, n lebg tɩ yaa Zʋɩf-rãmbã n tõog b bɛɛbã.

A Ɛstɛɛre 8:12

La yõwã fãa na n yɩɩ daar a yembr pʋgẽ, rĩm a Asiruus soolem-dãmbã fãa pʋsẽ, kiuug piig la a yiib soabã b sẽn boond tɩ Adaar kiuug rasem piig la a tãabã daare.

A Ɛstɛɛre 3:13

La b tʋma seb-kɩtbã ne sɛbã, tɩ b saag soolem toay-toayã fãa pʋsẽ n kɩse: sɛbã rag n kõta noor tɩ b sãam Zʋɩf-rãmbã, n kʋ-ba, la b menes-b zãnga. B kom-bɩɩse, b nin-kẽemba, la pagbã ne kambã fãa, la b zɛ b paoongã. Sãoongã tog n yɩɩ daar a yembr pʋgẽ, yaa kiuug piig la yiib soabã sẽn yaa Adaar kiuugã rasem piig la tãabã daare.

1 Rĩm-dãmbã 8:63

Rĩm a Salmo maana zems-n-taar maando. Yẽnda rɩka rũm-bɛd tus pisi la a yiibu, ne rũm-bãooneg tus koabg la pisi n maan maoong Sẽn-Ka-Saab yĩnga. La rĩmã ne Israyɛll nebã fãa ninga Sẽn-Ka-Saab roogã barka.

Esdras 5:16

Yaa rẽ n kɩte, t'a Sesbatsaar wa Zeruzalɛm ka, n wa lebs n yẽbg Wẽnnaam doogã. La sẽn sɩng ne badaare, b meta Wẽnnaam doogã, la a ket nan ka me n sɛ ye.

Zakari 1:1

Dĩm a Daryʋʋs naamã yʋʋm a yiibẽ soabã kiuug a nii soabã pʋga, Sẽn-Ka-Saab goma ne b no-rɛɛs a Zakari. A Zakari yaa a Berekɩya biiga, t'a Berekɩya yaa no-rɛɛs a Ido biiga. Sẽn-Ka-Saab yeelame tɩ b yeel Israyɛll nebã yaa:

Zakari 1:16

Rẽ kɩtame tɩ Sẽn-Ka-Saab yetẽ yaa: «Mam na n lebg n waa Zeruzalɛm ne nimbãan-zoeere, b na n lebs n mee mam doogã beenẽ.» Yaa Saasẽ-Pãng-Soabã n yeele. La b na n tẽega wĩir n lebs n me Zeruzalɛm.

Zakari 4:9

‹Yaa a Zorobabɛll nus n yẽbg ro-kãngã, la yaa yẽnda nusã n na n me-a n baase, dẽ, yãmb na n bãngame tɩ yaa Sẽn-Ka-Saab sẽn yaa Saasẽ-Pãng-Soabã n tʋm maam yãmb nengẽ.›

Esdras 4:24

Woto, b kɩtame tɩ Wẽnnaam doogã sẽn be Zeruzalɛmã tʋʋmd yalse. La tʋʋmdã kell n yalsame hal n tãag Pɛrs-rãmbã rĩm a Daryuus sẽn deeg a naamã tɩ yʋʋm yiiblẽ.

Esdras 9:9

Tõnd Wẽnnaam, yaa sɩda, tõnd dag n yaa yembse, la yãmb ka bas tõnd yembdã pʋg ye. Yãmb kɩtame tɩ Pɛrs-rãmbã rĩm-dãmbã zoe tõnd nimbãanega. Bãmb basa tõnd tɩ d vɩɩmde, n tõog n lebs n me yãmb roogã, n yik a lal-wedsã, la d paam zĩ-soalgdg sẽn tar pãng Zeruzalɛm ne Zʋʋda pʋgẽ.