Esdras 6:12 - WẼNNAAM SEBRE 2014

¹² Bɩ Wẽnnaam ning sẽn be Zeruzalɛmã meng sɩbg rĩm ning fãa, wall soolem ning sẽn na n mak n dat n sãam Wẽnnaam doogã, wall a kɩɩs mam yam-yãkrã. Yaa maam a Daryuus n kõt no-kãngã, bɩ b maan wa mam sẽn yeelã zãnga.»

SEBR SÕNGO

¹² Bɩ Wẽnd ninga sẽn yãka zĩ-kãnga n na n maan a waoogr zĩiga tus n lub dĩm ning fãa la buud ning fãa sẽn na n tõdg noorã n yik n dat ro-kãnga sẽn me Naaba-Wẽnd yĩng Zerizalɛɛma lʋɩɩse. Yaa maam a Dariyus n yiis no-kãnga la m datame tɩ b tũ m sẽn wilga zãnga.»

Esdras 6:12 Iomraidhean Croise

1 Rĩm-dãmbã 9:3

Sẽn-Ka-Saab yeela yẽnda yaa: «Mam wʋma fo pʋʋsgã ne f kosgã f sẽn kos maamã. Dẽ, mam na n welga roog ning fo sẽn me n kõ maamã toore, n ning m yʋʋrã a pʋgẽ wakat fãa yĩnga, la mam belmã ne m sũurã na n zĩnda ro-kãngã pʋg wakat fãa.

2 Kibayã 7:16

La moasã mam yãka ro-kãngã, la m welg-a-la toore, tɩ mam yʋʋrã tõe n zĩnd a pʋg wakat fãa yĩnga. Mam nin ne mam sũurã na n zĩnda beenẽ wakat fãa

Esdras 6:13

Dẽ, gʋvɛrneer a Tatnayi sẽn so Efrat kʋɩlgã rʋʋnd soolmã, ne a Setaar-Boznayi ne b tʋmd-n-taasã saka rĩm a Daryuus noorã, n maan wa a sẽn yeelã.

Esdras 6:14

Zʋʋda kãsem-dãmbã kẽnga taoor n me roogã ne tõogre, wa Wẽnnaam no-rɛɛsdb a Aaze ne a Ido biig a Zakari sẽn dag n yeelã. Bãmb mee roogã n sɛ wa Israyɛll Wẽnnaamã sẽn yeelã, la a yɩɩ wa rĩm a Siruus ne rĩm a Daryuus la rĩm a Artagzɛrzɛɛs sẽn yaa Pɛrs-rãmbã rĩm-dãmbã sẽn dag n kõ noorã to-to wã.

Esdras 7:15

La f zɩ wanzuri wã ne sãnemã, maam a rĩmã ne m kug-zĩidbã sẽn kõ ne yamleoog Israyɛll Wẽnnaamã sẽn be Zeruzalɛmã yĩngã n kẽnge.

Esdras 7:17

La f sã n ta beenẽ, bɩ y modg n dɩk ligdã n da lolse, pe-raado, pe-ribli, la bũmb nins fãa sẽn segde, sẽn yaa bõn-koaadl kũuni, la reezẽ rãam kũuni, n tall n maan maoong yãmb Wẽnnaamã roog sẽn be Zeruzalɛmã tẽn-kugrã zugu.

Esdras 7:26

La ned ning sẽn na n zãgs-a n ka sak fo Wẽnnaamã tõodã ne rĩmã rẽndã, bɩ b sɩbg a soabã wa sẽn segde, a soabã sã n zems kʋʋbo, bɩ b kʋ-a, wall b yiis-a buudẽ, ka rẽ bɩ b rees a laogã n bas-a, wall b kẽes-a bi-bees roogo.»

A Ɛstɛɛre 8:14

Rĩmã kõo noor tɩ sɛb-kɩtb nins sẽn zao-b wed-moos nins b sẽn tũus na-yirã pʋgẽ wã zoe tao-tao n looge. La b moona koɛɛgã Suuz na-tẽngã pʋga.

Yɩɩn‑sõamyã 5:10

Bala, sɩd ka be nin-bãmbã goamã pʋg ye. Bãmb sũyã pida ne sãoong tagsgo. Bãmb noyã goam yaa wa yao-vɩɩdo, la bãmb zɛlma wã gomda zãmb goamã.

Yikri 20:24

Maan-y tãnd tẽn-kugr mam yĩnga. Yãk-y y rũm-bãoonegã ne y rũm-bɛdã n maan maand sẽn yõogd bugum ne zems-n-taar maoong a zugu. La zĩig ning fãa mam sẽn na n kɩt tɩ nebã tẽeg mam yʋʋrã yellã, mam na n waa yãmb nengẽ n wa ning yãmb zug barka.

Kowelɛt 9:10

Bũmb ning fo nug sẽn tõe n maan ne fo pãngã, bɩ f maan-a. Bala, tʋʋmde, tagsgo, la bãngr ne yam ka be kɩɩm-kulgu, zĩig ning fo sẽn dabdẽ wã ye.

A Ezayi 60:12

Bala, buud ning ne soolem ning sẽn ka na n sak foomã na n sãamame. B na n sãama bu-zẽm-kãense.

A abdiyas 1:10

Wẽng ning fo sẽn maan fo ba-biig a Zakoob yagensã yĩnga, fo na n paama yãnde, la b na n menes-f-la wakat sẽn kõn sa yĩnga.

Tʋʋma 9:5

A Soll leokame tɩ Zu-soaba, yãmb yaa ãnda: La Zu-soabã yeelame yaa: Mam yaa a Zeezi fo sẽn namsd a soabã. [Na n yɩɩ toog ne foom, fo sẽn kɩɩsdã yĩnga. La yẽnda ra yɛɛsame n digd n sok Zu-soabã tɩ bãmb datame tɩ yẽ maan bõe. Dẽ Zu-soabã yeela yẽnda]

Yaoolem 12:11

yaa zĩig ning Sẽn-Ka-Saab sẽn yaa yãmb Wẽnnaamã sẽn na n yãk n ning b yʋʋrã la y na n tall bũmb nins mam sẽn yeel yãmbã n wa: Yãmb maand nins sẽn yõogd bugmã ne y maand a taabã, la y piig pʋɩyã ne y kũunã, la bũmb nins fãa yãmb sẽn pʋlem Sẽn-Ka-Saabã.

Yaoolem 12:5

Yaa zĩig ning Sẽn-Ka-Saab sẽn yaa yãmb Wẽnnaamã sẽn na n yãk yãmb buudã sʋk n ning b yʋʋrã la y na n kẽng n tɩ waoog-ba. Yaa beenẽ bal la yãmb na n kẽnge.

Yaoolem 16:2

Bɩ y yãk rũm-bãooneg ne rũm-bɛd n maan Pak tigrã Sẽn-Ka-Saab sẽn yaa yãmb Wẽnnaamã yĩnga, zĩig ning Sẽn-Ka-Saab sẽn yaa yãmb Wẽnnaamã sẽn na n yãk n ning b yʋʋrã.