Esdras 5:5 - WẼNNAAM SEBRE 2014

⁵ La Wẽnnaam dag n bee ne Zʋɩf-rãmbã kãsem-dãmba. Dẽ, b ka tõog n kɩt tɩ b yals tʋʋmdã ye. B kẽnga taoore, la b gũud b sẽn na n tɩ togs rĩm a Daryuus yellã, la rĩmã sẽn na n tʋm leokr ning tɩ wa yel-kãng wɛɛngẽ.

SEBR SÕNGO

⁵ Wẽnd da bee ne Zʋɩf rãmba taoor dãmba, woto b pa gɩdg metba ye. B da gũudame bal tɩ sebr taa a Dariyus nengẽ n lɛɛg n wa tɩ b bãng sẽn na n yɩ a soaba. La b ra ket n tara meebo.

Esdras 5:5 Iomraidhean Croise

2 Kibayã 16:9

Bala, Sẽn-Ka-Saab geta dũniyã fãa gilli, n na n sõng neb nins sẽn nong bãmb ne b sũyã fãa wã. Yel-kãngã pʋgẽ, fo maana yalemdo, yaa rẽ n kɩt tɩ sẽn sɩng ne moasã, fo na n paama zaba.»

Esdras 7:28

La yaa Sẽn-Ka-Saab n kɩte, tɩ rĩmã ne a kug-zĩidbã, la a nin-kãsemsã nong maam. Sẽn-Ka-Saab sẽn yaa mam Wẽnnaamã nug sẽn be mam zugã yĩnga, b kõo maam pãnga, tɩ m tõog n tigim Israyɛll nanambsã tɩ b na n tũ maam n kẽnge.»

Esdras 7:6

A Ɛsdraas yii Babilond n wa, yẽnda yaa ned sẽn tar bãngre, n mi a Moyiis tõodã sõama. Yaa tõod nins Sẽn-Ka-Saab sẽn yaa Israyɛll Wẽnnaamã sẽn dag n kõ a Moyiisã. La Sẽn-Ka-Saab sẽn dag n be ne yẽnda wã yĩnga, rĩmã kõo yẽnda bũmb ning fãa a sẽn kosã.

Esdras 8:22

Rag n na n yɩɩ yãnd ne maam, tɩ m kos rĩmã tɩ b yãk tãb-biis n kõ tõnd tɩ b yãag tõnd tɩ d bɛɛbã ra wa tek n yek-d sorã zug ye. Bala, tõnd dag n wilga rĩmã tɩ tõnd Wẽnnaamã nug-sõngã maanda sẽn baood-b bãmbã fãa neere, n kogend-ba, la b sũur puugda wʋsg ne neb nins fãa sẽn ka baood-b bãmbã.

Yɩɩn‑sõamyã 32:8

Sẽn-Ka-Saab yeelame: «Mam na n zãmsa foom, la m wilg foom sor ning f sẽn tog n tũ. Mam na n sagla foom, la mam nin na n bee fo zugu.

Yɩɩn‑sõamyã 33:18

Ade, Sẽn-Ka-Saab nif bee sẽn zoet-b bãmbã zugu, b nif bee sẽn tẽed-b bãmb nonglmã zugu,

Yɩɩn‑sõamyã 34:15

Zãag f meng ne wẽnga, n maan neere, bao vɩ-bãane, n maan bũmb sẽn wat ne-a.

Yɩɩn‑sõamyã 76:10

Wẽnnaam sẽn yik n kao bʋʋdã, b fãaga dũniyã nin-tals fãa.

Filip rãmba 1:28

La y ka sakd n bas tɩ y bɛɛba kẽes yãmb rabeem ne bũmb baa yembr ye. Bõn-kãng yaa kaset bãmb yĩng tɩ b na n sãamame, la a yaa fãagr yãmb yĩnga. Rẽ yita Wẽnnaam nengẽ.

1 Pɩyɛɛr 3:12

Bala, Zu-soabã geta nin-tɩrse, bãmb kelgda nin-tɩrs pʋʋsgo, la b wẽnemdeda b neng n basd neb nins sẽn maand wẽngã.