Esdras 5:12 - WẼNNAAM SEBRE 2014

¹² La tõnd yaab-rãmbã rag n maaname tɩ Wẽnnaam sẽn be yĩngrã sũurã yiki. Dẽ, Wẽnnaam basame tɩ Babilond naab a Nebukatnedzaar sẽn yaa Kalde rãmbã buudã sãam Wẽnd doogã, la a yõg nebã n kẽes yembd Babilonde.

SEBR SÕNGO

¹² Yaa tõnd yaab rãmb n puug yĩngr Wẽnda sũuri tɩ b rɩk-ba n sagl a Nabikodonozor nugẽ, Kalde rao la Babilon dĩma. Yẽ n wã roogã la a wʋk buudã n kẽng pa-weere, Babilon.

Esdras 5:12 Iomraidhean Croise

2 Rĩm-dãmba 24:2

Dẽ, Sẽn-Ka-Saab kɩtame tɩ Kalde ne Siiri la Moaab ne Amo nin-fãadbã na n wa zab ne a Yoyakim. Sẽn-Ka-Saab tʋma bãmb tɩ b kẽng n tɩ zab ne Zʋʋda nebã n sãam b tẽngã wa Sẽn-Ka-Saab sẽn dag n kɩt tɩ bãmb no-rɛɛsdbã togsã.

2 Rĩm-dãmba 25:1

A Sedesiyaas sẽn deeg a naamã tɩ yʋʋm wɛɛlẽ, kiuug piig soabã rasem piig daare, Babilond dĩm a Nebukatnedzaar yika ne a tãb-biisã fãa n zab ne Zeruzalɛm. Yẽnda tilga a tãb-sikã n gũbg tẽngã, la b tu bok n gilg-a zĩig zãnga.

2 Kibayã 36:20

La a tall neb nins sẽn põs kũumã n loog yembdo. La bãmb kell n yɩɩ rĩma ne a kamb yembs hal n tãag Pɛrs soolem naabã sẽn wa n na n deeg naamã.

Yɩɩn‑sõamyã 106:40

Sẽn-Ka-Saab sũur yika ne b nebã, tɩ b kisg neb nins sẽn yaa bãmb dẽndã.

A Ezayi 47:6

Mam sũur dag n yika ne m nebã, mam dag n paooga mam nebã, mam dag n dɩk-b lame n bas fo nugẽ, la fo ka zoe bãmb nimbãaneg ye. Fo namsa bãmb nin-kẽembã wʋsgo.

Zeremi 5:29

Mam kõn sɩbg nin-bãmbã buud sɩda? Mam kõn dok m sũur ne bu-kãngã sɩda? Maam a Sẽn-Ka-Saab n yeele.

Zeremi 51:59

Woto yaa koɛɛg no-rɛɛs a Zeremi sẽn kõ a Maaseya biig a Neriya biig a Seraya. Yaa wakat ning a Seraya sẽn tũ Zʋʋda rĩm a Sedesiyaas n na n kẽng Babilondã, la rẽ tɩ yaa rĩm a Sedesiyaas sẽn deeg a naamã tɩ yʋʋm naaslẽ wã. A Seraya rag n yaa sõgen-kãsenga.

Zeremi 52:12

Babilond dĩm a Nebukatnedzaar sẽn deeg a naamã tɩ yʋʋm piig la a wɛɛlẽ, kiuug a nu soabã rasem piig daare, a Nebuzaradan sẽn dag n yaa Babilond dĩmã gũudb naabã waa Zeruzalɛm.

A Dãniyɛlle 9:5

Tõnd kongame, tõnd beegame, d yɩɩ nin-wẽnse la kɩɩsdba, la tõnd wẽnemdame n bas yãmb tõodã ne y noyã.

Yaoolem 31:17

Baraare, mam sũur na n yika ne bãmba, la mam na n bas-b lame, n solg m meng ne-b tɩ b sãame. Tood la namsg wʋsg na n paama bãmba, tɩ b yeel tɩ yaa Wẽnnaam sẽn ka be ne bãmbã yĩng n kɩt tɩ to-kãensã fãa paam bãmba.

Yaoolem 32:30

Nin-yend na n yɩɩ wãn n dig neb tusri, la neb a yiib na n yɩɩ wãn n dig neb tus piiga, tɩ sã n ka kugr ning bãmb sẽn teegã n koos bãmba? Yaa Sẽn-Ka-Saab n bas bãmba.

Bʋ-kaoodba 2:14

Sẽn-Ka-Saab sũur puuga ne Israyɛll nebã, la b basame tɩ fãadb fã-ba. Sẽn-Ka-Saab basame tɩ Israyɛll nebã lʋɩ b bɛɛbã sẽn gũbg bãmbã nusẽ, la bãmb dag n ka leb n tar pãng n na n tõog n zab ne b bɛɛbã ye.

Bʋ-kaoodba 4:2

Dẽ, Sẽn-Ka-Saab kɩtame tɩ Kana rĩm a Yabẽ sẽn dag n dɩt naam Hasoor tẽngã tõog Israyɛll nebã. Rĩm a Yabẽ tãb-biisã naab yʋʋr la a Sizera. A Sizera rag n bee Harosɛt-Goyim.

Bʋ-kaoodba 6:1

Israyɛll nebã leb n maana sẽn yaa wẽng Sẽn-Ka-Saab nifẽ. La Sẽn-Ka-Saab basame tɩ Madiyã nebã tõog-ba, n soog-b hal yʋʋm a yopoe.