Esdras 4:2 - WẼNNAAM SEBRE 2014

² bãmb kẽnga a Zorobabɛll ne buudã kãsem-dãmb nengẽ n tɩ yeel-b yaa: «Tõnd dat n sõnga yãmb n me Wẽnnaam doogã. Bala, tõnd pʋʋsda Wẽnnaam ning yãmb sẽn pʋʋsdã. La hal sẽn sɩng ne daar ning Asiiri rĩm a Asaradon sẽn wa ne tõnd ka wã tɛka, tõnd maanda maand ka bãmb waoogr yĩnga.»

SEBR SÕNGO

² b kolga a Zorobabɛl, a Zozuwe la sagsa kãsem-dãmbã n yeel-ba: «Tõnd dat n naaga yãmb n me. Tõnd ne yãmb pʋgda Wẽnd a ye. Tõnd kõt-b-la maando al a Asaradõ, Asʋr dĩma, sẽn tall tõnd tɩ d yi yembdã n lɛɛg n wa ka. Al n ta rũnna d ka teem ye.»

Esdras 4:2 Iomraidhean Croise

Sɩngrẽ 10:11

A Nimrood yii beenẽ n kẽng Asʋʋre, n tɩ tilg Niniiv tẽngã, ne Rehobot tẽngã, ne Kala tẽngã,

2 Rĩm-dãmba 17:24

La Asiiri rĩmã kɩtame tɩ Babilond ne Kuta la Ava ne Hamat ne Sefarvayim neb wa kẽ Samaari tẽmsã pʋs n zĩnd be, n led Israyɛll nebã zĩigẽ. Bãmb sooga Samaari tẽngã n zĩnd a tẽmsã pʋse.

2 Rĩm-dãmba 17:41

Bu-kãens rag n waoogda Sẽn-Ka-Saabo, la b pʋʋsd b wẽn-naandsã me. Bãmb kambã ne b yagensã me ket n maanda woto hal tɩ ta rũndã, wa bãmb ba-rãmbã sẽn dag n maandã.

2 Rĩm-dãmba 19:37

La yẽnda sẽn wa n be a wẽn-naandg a Nisrok pʋʋsg roogẽ wã, yẽnda kambã, a Adarmelɛk ne a Sarɛtsɛɛr kẽng n tɩ kʋ-a-la ne zabr sʋʋg la b bas n zoe n kẽng Araara tẽnga. La a biig Asaradon n led yẽnda zĩigẽ n lebg rĩmã.

Esdras 1:5

Dẽ, Zʋʋda buudã ne Benzame buudã kãsem-dãmbã, ne maan-kʋʋdbã, n paas Leevi buudã nebã, ne neb nins fãa Sẽn-Ka-Saab sẽn sɩɩs b sũy tɩ b tɩ me bãmb doogã seglame n na n kẽng n tɩ me Sẽn-Ka-Saab roogã sẽn be Zeruzalɛmã.

Esdras 2:2

Yaa a Zorobabɛlle, a Zozoe, a Neemi, a Seraya, a Relaya, a Mardoose, a Bilesã, a Mispaare, a Bigvayi, a Rehum ne a Baana, n lʋɩ nebã taoor n tall-b n lebg n lebe.

Esdras 3:12

La maan-kʋʋdbã sʋk neb wʋsgo, ne Leevi buudã sʋk neb wʋsgo, la buudã taoor dãmb sʋk neb wʋsg sẽn yaa nin-kẽembã sẽn dag n yãnd pipi roogã, zẽka b koɛɛg n yãb wakat ning b sẽn wa n yẽbgd Wẽnnaam doogã bãmb nifẽ wã. La neb wʋsg rag n kaasda ne sũ-noogo.

Esdras 3:2

La maan-kʋʋd a Yosadak biig a Zozoe ne a saam-biisã sẽn yaa maan-kʋʋdbã, ne a Seyaltiyɛll biig a Zorobabɛll ne a saam-biisã yikame n lebs n me Israyɛll Wẽnnaamã tẽn-kugrã, n na n maan maoong sẽn yõogd bugum beenẽ, wa sẽn gʋls Wẽnnaam dao a Moyiis tõogã pʋgẽ wã.

A Neemi 9:32

Moasã, tõnd Wẽnnaam, yãmb yaa Wẽnnaam-kãseng sẽn tar pãnga, n tõe fãa, yãmb ka viigd y kaool ye, la y yaa pʋ-peelem soaba. Bɩ y ra ges tood nins sẽn paamd tõndã wa bõn-yaalg ye. Toogã paamda tõndo, d rĩm-dãmbã, d nanambsã, ne d maan-kʋʋdbã, la d no-rɛɛsdbã, ne d yaab-rãmbã, ne yãmb nebã fãa. Yaa sẽn sɩng ne Asiiri rĩm-dãmbã zamaan n tãag rũndã.

Yɩɩn‑sõamyã 73:8

Bãmb laada neb a taaba, n gomd ne nen-keglem. B wukda b mense, n gomd b sẽn na n maan neb a taab pãng to-to.

A Ezayi 37:37

Dẽ, Asiiri rĩm a Senakeriib lebg n kẽng n tɩ zĩnda Niniivi.

A Ezayi 37:38

La yẽnda sẽn wa n be a wẽn-naandg a Nisrok pʋʋsg roogẽ wã, yẽnda kambã, a Adarmelɛk ne a Sarɛtsɛɛr kẽng n tɩ kʋ-a-la ne zabr sʋʋga, la b bas n zoe n kẽng Araara tẽnga. La a biig a Asaradon n led yẽnda zĩigẽ n lebg rĩma.

A Ooze 14:3

Segl-y goam n lebg n wa Sẽn-Ka-Saab nengẽ, n yeel-y bãmb yaa: Kõ-y-d sugr d beegrã fãa yĩnga. La y reeg bõn-sõamyã nins tõnd sẽn kõt yãmbã. Tõnd na n kõo yãmb la d pẽg yãmba.

Galat Rãmba 2:4

Baoosgo, baa ne neb nins sẽn belg tɩ b yaa tõnd ba-biisã sẽn kẽ tõnd sʋk n na n gũus tõnd n ges lohorem ning tõnd sẽn tar d lagem-n-taar a Zeezi Kirisã pʋgẽ wã, n dat n kẽes tõnd yembdẽ wã.

2 Tɩmote 3:8

Wa a Zanɛs ne a Zãmbrɛs sẽn kɩɩs a Moyiisã, nin-kãensã kɩɩsda sɩdã me a woto. Bãmb yaa nebã, b tagsg sẽn sãame, la b tẽebã ka yalsd makr wakat ye.