Esdras 2:68 - WẼNNAAM SEBRE 2014

⁶⁸ La bãmb sẽn wa n ta Zeruzalɛm sẽn yaa tẽng ning Sẽn-Ka-Saab roogã sẽn be wã pʋgẽ, bãmb buudã nanambs kẽer yãka b kũun ne yamleoog n kõ Wẽnnaam doogã yĩnga, sẽn na n yɩlẽ tɩ b tõe n lebs n me Wẽnnaam doogã a pĩnd zĩigẽ wã.

SEBR SÕNGO

⁶⁸ B sẽn ta Zerizalɛɛm, wẽnd dooga sẽn me tẽng ningã, sags kãsem-dãmb kẽer yiisa b yamleoog kũuni sẽn na n yɩlẽ tɩ wẽnd dooga le wa tõog n me a pĩnd zĩigẽ.

Esdras 2:68 Iomraidhean Croise

1 Kibayã 21:18

Sẽn-Ka-Saab malɛɛkã rag n yeela a Gaad t'a yeel a Davɩɩde, t'a kẽng n tɩ me tẽn-kugr Zebuus rao a Ornan zɛɛgẽ wã, Sẽn-Ka-Saab yĩnga.

1 Kibayã 22:1

A Davɩɩd yeelame: Sẽn-Ka-Saab roogã zĩig na n yɩɩ zĩ-kãngã, la yaa ka la b na n maan tẽn-kugr ning Israyɛll nebã sẽn na n maand maoong sẽn yõogd bugmã.

2 Kibayã 3:1

A Salmo sɩnga Sẽn-Ka-Saab roogã meeb Zeruzalɛm, Moriiza tãngã zugu, Zebu raoa a Orma zɛɛgẽ wã, zĩig ning yẽnda ba a Davɩɩd sẽn dag n seglã. Yaa zĩ-kãng la Sẽn-Ka-Saab Malɛɛkã sẽn da vẽneg a meng ne a Davɩɩde.

Esdras 2:67

La yʋgmã wã yaa kobs-naas la pis-tã la a nu, ne bõens tus a yoob la kobs-yopoe la pisi.

Esdras 2:69

Bãmb kõo b sẽn tõe fãa, Wẽnnaam doogã meeb yĩnga. B sẽn kõ wã yaa sãnem wakɩ-koeems tus pis-yoob la a yembre, ne wanzuri wakɩ-koeems sẽn tat tus a nu, la b leb n kõ maan-kʋʋr tʋʋmd fut koabga.

Esdras 3:3

Baa ne bãmb sẽn dag n zoet tẽngã nebã sẽn be tẽngã pʋgã, bãmb lebs n mee tẽn-kugrã a pĩnd zĩigẽ wã. La bãmb maana maand sẽn yõogd bugum beenẽ yibeoog ne zaabre, n kõ Sẽn-Ka-Saabo.

Esdras 9:9

Tõnd Wẽnnaam, yaa sɩda, tõnd dag n yaa yembse, la yãmb ka bas tõnd yembdã pʋg ye. Yãmb kɩtame tɩ Pɛrs-rãmbã rĩm-dãmbã zoe tõnd nimbãanega. Bãmb basa tõnd tɩ d vɩɩmde, n tõog n lebs n me yãmb roogã, n yik a lal-wedsã, la d paam zĩ-soalgdg sẽn tar pãng Zeruzalɛm ne Zʋʋda pʋgẽ.

Yɩɩn‑sõamyã 110:3

Fo sẽn na n tigim f tãb-biisã daare, gãndaad n na n paam sũ-noog tɩ yãag-f zabrẽ wã. Fo kom-bɩɩsã na n fõd n waa fo nengẽ Wẽnnaam tãngã zugu, wa tõd-beoog meenem sẽn dʋʋgde!

Yikri 25:2

«Togs Israyɛll nebã tɩ b bao kũun n kõ maam. Reeg kũun ned kam fãa nengẽ sẽn kõt ne yamleoogo.

Yikri 35:21

La neb nins fãa sũur sẽn dag n noom tɩ kõ ne yamleoogã talla b kũun n wa kõ Sẽn-Ka-Saab sɛk roogã manegr yĩnga, la a tʋʋmã teed fãa yĩnga, la maan-kʋʋdbã fut sẽn welg toorã yĩnga.

Yikri 35:29

Israyɛll raopã, ne pagb nins fãa sẽn dat n kõ bũmb tʋʋmdã yĩng wa Sẽn-Ka-Saab sẽn yeel a Moyiis t'a maanã, talla b kũunã n wa kõ Sẽn-Ka-Saab ne yamleoogo.

Yikri 36:3

La bãmb kẽnga a Moyiis nengẽ n tɩ reeg kũun nins fãa Israyɛll nebã sẽn tall n wa sɛk roogã meeb yĩngã. La yibeoog fãa nebã ket n tallda kũunã n wat yẽnda nengẽ ne yamleoogo.

2 Korẽnt rãmba 8:12

Bala, ned sã n tar datem tɩ kõ wa sẽn zems yẽ sẽn tar bũmb ningã, a tata Wẽnnaam yam n yɩɩd yẽnda sẽn na n dat n kõ bũmb ning yẽnda sẽn ka tarã.

2 Korẽnt rãmba 8:3

Mam kɩta kaset tɩ bãmb kõo ne b pãng tɛka. B kõo ne yamleoog n yɩɩd b pãng sẽn tõe menga.

2 Korẽnt rãmba 9:7

Bɩ ned kam fãa kõ wa sẽn zems a sẽn yãk yam a sũur pʋgẽ, la ra yɩ ne nen-gãneng wall modgr ye. Bala, Wẽnnaam nonga ned ning sẽn kõt ne sũ-noogo.