Esdras 10:18 - WẼNNAAM SEBRE 2014

¹⁸ Ad Maan-kʋʋdbã neb nins sẽn peeg bu-zẽmsã kamb n maan b pagbã: A Yotsadak biig a Zozoe ne a saam-biisã kamb sʋka, yaa a Maaseza, a Eliyezɛɛre, a Yariibi, ne a Gedaliya.

SEBR SÕNGO

¹⁸ Ad maan-kʋʋdba yagensa sʋka neb niyns sẽn kẽ-b kãadem ne bu-zẽn dãmba. A Zozuwe roogẽ: yaa a Zosadak biiga, la a saam-biis kẽere, a Maaseya, a Eliezɛr, a Yarib la a Gedaliya.

Esdras 10:18 Iomraidhean Croise

Esdras 10:17

La yʋʋmdã pipi kiuugã pipi daare, bãmb tõog n gesa raop nins fãa sẽn dag n peeg bu-zẽmsã kom-pugli n maan b pagbã yell fãa n sɛ.

Esdras 2:2

Yaa a Zorobabɛlle, a Zozoe, a Neemi, a Seraya, a Relaya, a Mardoose, a Bilesã, a Mispaare, a Bigvayi, a Rehum ne a Baana, n lʋɩ nebã taoor n tall-b n lebg n lebe.

Esdras 2:36

Ad maan-kʋʋdbã sullã nebã: Yaa a Yedaya kambã sẽn yaa Zozoe yagensã. Bãmb yaa neb kobs-wɛ la pis-yopoe la a tãabo.

Esdras 3:2

La maan-kʋʋd a Yosadak biig a Zozoe ne a saam-biisã sẽn yaa maan-kʋʋdbã, ne a Seyaltiyɛll biig a Zorobabɛll ne a saam-biisã yikame n lebs n me Israyɛll Wẽnnaamã tẽn-kugrã, n na n maan maoong sẽn yõogd bugum beenẽ, wa sẽn gʋls Wẽnnaam dao a Moyiis tõogã pʋgẽ wã.

Esdras 3:8

Bãmb sẽn yi yembdã pʋg n wa Wẽnnaam doogã sẽn be Zeruzalɛm pugẽ wã tɩ yʋʋm yiiblẽ, kiuug a yiibẽ soabã pʋgẽ, a Seyaltiyɛll biig a Zorobabɛll ne a Yosadak biig a Zozoe, ne b saam-biisã sẽn ketã sẽn yaa maan-kʋʋdbã, la Leevi buudã, ne neb nins fãa sẽn yi yembdã weoog n wa wã yikame n sɩng tʋʋmã. Bãmb tũusa Leevi buudã neb nins sẽn tar yʋʋm pisi, la sẽn yɩɩd woto wã, n yeel-b tɩ b ges Sẽn-Ka-Saab roogã meeb yelle.

Esdras 5:2

Dẽ, a Seyaltiyɛll biig a Zorobabɛlle, ne a Yotsadak biig a Zozoe yikame n sɩng Wẽnnaam doogã sẽn be Zeruzalɛmã meebo. La Wẽnnaam no-rɛɛsdbã sẽn be beenẽ wã sõng-b lame.

Esdras 9:1

Yel-kãens fãa zugẽ, nanambsã wa n yeela maam yaa: «Israyɛll nebã, ne maan-kʋʋdbã, la Leevi nebã ka welg b mens ne tẽn-kãngã nebã ye. Bala, Kana nebã, ne Hɛt nebã, la Perɛɛz nebã ne Zebuus nebã, la Amo nebã, ne Moaab nebã, la Ezɩpt nebã, ne Amoor nebã sẽn maand tʋʋm-beed ninsã, bãmb me maanda a woto.

Esdras 9:2

Bala, bãmb peega nin-bãmb kom-pugli n maan b pagba, la b peeg n kõ b kom-dibli wã me tɩ b maan b pagba, n kɩt tɩ Wẽnnaam nebã kalem ne tẽn-bãmbã nebã. Yaa nanambsã ne taoor-dãmbã n yɩ pipi n maan yel-be-kãngã.»

A Neemi 12:10

A Zozoe n dog a Yoyakim, t'a Yoyakim dog a Eliyasɩɩbe, t'a Eliyasɩɩb dog a Yoyada,

A Neemi 13:28

Mam diga a Yoyada biig a yembr n yiis Zeruzalɛm, yẽnda yaa maan-kʋʋr kãsem a Eliyasɩɩb yagenga, n yaa Horon tẽng rao a Sãmbalat rɛɛmba!

A Neemi 8:4

Gʋlsd a Ɛsdraas rag n dʋʋ ra-pegdã b sẽn maneg n ti kaorengã yĩngã zugu, n yals yĩngri. Neb nins sẽn dag be yẽnda nug-rɩtgã: Yaa a Matitiya, a Sema, a Anaya, a Uuriya, a Hilkiiza, ne a Maseya. La neb nins sẽn dag n be-b yẽnda goabgã, yaa a Pedaya, a Misayɛlle, a Malkiya, a Hasum, a Hasebadana, a Zakari, ne a Mesulam.

A Neemi 8:7

Rẽ poore, bãmb roogame, la a Zozoe, a Baani, a Sereviya, a Yamindi, a Akuubi, a Sabetayi, a Hodiya, a Maseya, a Kelita, a Azariya, a Yozabaade, a Hanane, ne a Pelaya sɩngame n bilg nebã tõodã võore, la nebã rag n ket n yasa yĩngr zĩ-kãnga

Zeremi 23:10

Bala, tẽngã pida ne yoaadba. Kãab-wẽngã kɩtame tɩ tẽngã be sũ-sãan-kãseng pʋga. Rũmsã wãbneg zĩis sẽn be we-raoogã pʋgẽ wã kʋɩɩme. Bãmb zoet n dabda wẽng maanego. Bãmb sũur keemame tɩ maan sẽn kis bala.

Zeremi 23:11

No-rɛɛsdbã ne maan-kʋʋdbã rẽgma b mense. Baa mam doogã pʋga, mam yãta b tʋʋm-wẽnsã. Maam a Sẽn-Ka-Saab n yeele.

Zeremi 23:14

La Zeruzalɛm no-rɛɛsdbã nengẽ, mam yãnda yɛl sẽn yaa wẽng n yɩɩda: Bãmb yaa yoaadba, bãmb pʋgda zĩrẽ-beedo. Bãmb paasda nin-wẽns pãnga, hal tɩ ned ka be n dat n bas wẽngã maaneg ye. Mam geta bãmb fãa wa Sodom nebã, la Zeruzalɛm nebã yaa wa Gomoor nebã.

Ezekiyɛl 44:22

Bãmb ka tog n kẽ kãadem ne pʋg-kõore, wall ne pag a sɩd sẽn bas ye. Bãmb tog n kẽe kãadem ne Israyɛll buudã bi-pugl sẽn ka mi raoa, wall ne pʋg-kõor sẽn yaa maan-kʋʋd a to sẽn ki n base.

Maan‑kʋʋre 21:7

Bãmb ka tog n peeg pʋg-yoodr bɩ bi-pugl sẽn sãam n maan b pag ye. B ka tog n dɩk pag a sɩd sẽn dig n bas n maan b pag ye. Bala, maan-kʋʋd yaa pʋ-peelem soab a Wẽnnaamã yĩnga.

A Aaze 1:1

Rĩm a Daryʋʋs sẽn deeg naam tɩ yʋʋm yiiblẽ, kiuug a yoob soabã pipi daare, Sẽn-Ka-Saab tũnuga b no-rɛɛs a Aaze n gom ne a Saltiyɛll biig a Zorobabɛll sẽn dag n yaa Zʋʋda soolem gʋvɛrneerã, ne a Yehosadak biig a Zozoe sẽn dag n yaa maan-kʋʋr kãsmã. B yeela bãmb yaa:

A Aaze 1:12

A Saltiyɛll biig a Zorobabɛlle, ne a Yehosadak biig a Zozoe sẽn yaa maan-kʋʋr kãsmã, la neb a taabã fãa kelga Sẽn-Ka-Saab sẽn yaa bãmb Wẽnnaamã koɛɛga, wa sẽn zems no-rɛɛs a Aaze sẽn togsã, la wa sẽn zems Sẽn-Ka-Saab sẽn yaa bãmb Wẽnnaamã sẽn tʋm-a t'a togsã. La rabeem yõka nebã Sẽn-Ka-Saab taoore.

A Aaze 2:4

Moasã, maam a Sẽn-Ka-Saab yetame: «Zorobabɛlle, paam daoodo! A Yehosadak biig a Zozoe sẽn yaa maan-kʋʋr kãsmã, paam daoodo! Yãmb a tẽngã gill fãa nebã, paam-y raoodo! Yaa maam a Sẽn-Ka-Saab n yeele. Tʋm-y-yã! Bala, mam bee ne yãmba, yaa maam a Saasẽ-Pãng-Soabã n yeele.

Zakari 3:1

Sẽn-Ka-Saab wilga maam maan-kʋʋr kãsem a Zozoe sẽn yas Sẽn-Ka-Saab malɛɛkã taoore. La a Sʋtãan dag n yasa malɛɛkã nug-rɩtg n na n dõd-a.

Zakari 6:11

Bao wanzuri ne sãnem n maan maanf n fõgen a Yehosadak biig a Zozoe sẽn yaa maan-kʋʋr kãsmã.»

1 Tɩmote 3:11

Bãmb pagbã me tog n yɩɩ neb sẽn zems waoogre. B ka tog n yɩ nin-sãbsdb ye. B tog n yɩɩ yõk-m-mens rãmba, la b maand sɩd bũmb fãa pʋgẽ.