Esdras 1:7 - WẼNNAAM SEBRE 2014

⁷ La rĩm a Siruus lebsa Sẽn-Ka-Saab roogã teedã, teed nins naab a Nebukatnedzaar sẽn dag n tɩ wʋk Wẽnnaam doogã sẽn be Zeruzalɛmã pʋgẽ wã, n wa ning a meng wẽn-naandgã roogẽ wã.

SEBR SÕNGO

⁷ Dĩm a Sirus kɩtame tɩ b tigs teed niyns a Nabikodonozor sẽn da wʋk Zerizalɛɛm wẽnd doogẽ n wa ning a meng wẽnda roogẽ.

Esdras 1:7 Iomraidhean Croise

2 Rĩm-dãmba 24:13

Babilond dĩm a Nebukatnedzaar wʋka Sẽn-Ka-Saab roogã ne na-yirã laogã fãa, la a wã sãnemã teed nins Israyɛll dĩm a Salmo sẽn maan n ning Sẽn-Ka-Saab roogã pʋgẽ, wa Sẽn-Ka-Saab sẽn dag n yeelã.

2 Kibayã 36:10

Yʋʋmdã sẽn wa n na n baasã, a Nebukatnedzaar kɩtame tɩ b tall a Zozakẽ ne Sẽn-Ka-Saab roogã te-sõamy wã fãa n kẽng Babilonde. La a kɩt t'a Sedesiyaas lebg rĩm n soog Zʋʋda ne Zeruzalɛm.

2 Kibayã 36:18

Yẽnda wʋka Sẽn-Ka-Saab roogã teed fãa, te-bɛd la te-bãoonego. Yẽnda wʋka rĩmã ne a nanambsã laog fãa n tall n kẽng Babilonde.

2 Kibayã 36:7

Rĩm a Nebukatnedzaar wʋka Sẽn-Ka-Saab roogã teed buud fãa n tall n loog ne Babilonde, la a tɩ ning-b-la a na-yirã pʋga.

Esdras 5:14

Naab a Nebukatnedzaar dag n wʋka sãnemã ne wanzuri wã teedã sẽn dag n be Wẽnnaam doogã pʋg Zeruzalɛmã, n kẽng n tɩ ning Babilond wẽnd doogã pʋga. La rĩm a Siruus yiisa teedã Babilond wẽnd doogẽ wã n kɩs ned a yembr yʋʋr sẽn boond t'a Sesbatsaare. A Sesbatsaar yaa rĩm a Siruus sẽn dag n yãk ned ning n kɩt t'a lebg Zʋʋda gʋvɛrneerã.»

Esdras 6:5

Sẽn paase, b tog lebsa teed nins rĩm a Nebukatnedzaar sẽn dag n tɩ wʋk Zeruzalɛm Wẽnd doogẽ wã n kẽng Babilondã, yaa sãnem ne wanzuri teedo. La b tog n tɩ lebsa bũmb fãa a zĩigẽ Zeruzalɛm Wẽnd doogã pʋga.»

Zeremi 51:44

Mam na n sɩbga Babilond nebã wẽnnaam a Bɛlle, n kɩt t'a wʋk a sẽn dag n velã. Bu-zẽmsã ka na n leb n sũ taab a nengẽ yɛs ye. Baa Babilond lalgã lʋɩɩme!

A Dãniyɛlle 1:2

La Zu-soabã basame t'a Nebukatnedzaar tõog Zʋʋda rĩm a Yoyakim n yõk-a, la a wʋk Wẽnnaam doogã teed kẽere. La a talla teedã n kẽng Sineyaar tẽnga, n tɩ bĩng-b a wẽnnaam-dãmbã roogẽ, b laogã bĩngr zĩigẽ.

A Dãniyɛlle 5:23

Yãmb zẽka y meng n kɩɩs Zu-soabã sẽn be saasẽ wã. Yãmb kɩtame tɩ b tall Zu-soabã roogã laasã n wa kõ yãmba, tɩ yãmb ne y nin-kãsemsã, la y pagbã, ne y pʋg-rɩkdsã tall-b n yũ reezẽ rãam. Yãmb waooga y wẽn-naandsã sẽn maan ne wanzuri, la sãnem, la zũudu, ne kutu, la raad ne kugã. Bãmb yaa wẽnnaam-dãmb sẽn ka ne, la b ka wʋmde, la b ka tar bãngr ye. Yãmb ka waoog Wẽnnaam ning sẽn so-a yãmb vɩɩmã, ne bũmb nins fãa yãmb sẽn maandã ye.